Concentración en Poio contra a desigualdade salarial no sector da alimentación

Este luns, 23 de xuño, traballadoras e traballadores do sector do comercio da alimentación da provincia de Ourense concentráronse diante da sede central de Froiz, en Poio (Pontevedra). A mobilización serviu para esixir un convenio colectivo xusto, con salarios dignos e condicións laborais equitativas, en igualdade co resto das provincias galegas.

Un convenio bloqueado mentres aumentan os beneficios empresariais

A protesta forma parte do calendario de accións impulsado polas centrais sindicais ante o bloqueo da negociación do convenio colectivo do comercio da alimentación de Ourense, paralizado dende hai meses.

Durante a concentración, denunciouse que empresas como Froiz, Gadis ou Cuevas, con beneficios millonarios e en constante expansión, manteñen ao persoal ourensán con salarios conxelados, xornadas intensas e sen avances en dereitos laborais.

Recoñecemento ao esforzo: compromiso e dignidade

Desde a Federación de Servizos de CCOO Galicia, lembrouse que o persoal do sector demostrou un compromiso exemplar durante a pandemia, garantindo o abastecemento e o funcionamento das tendas en situacións críticas. Agora, esíxese que ese esforzo sexa recoñecido con melloras salariais e sociais reais.

As mobilizacións continúan

Esta acción únese ás xa realizadas e ás previstas para os próximos días. O martes 24 terá lugar unha nova concentración en Ourense diante da sede de Cuevas, e o mércores 25 outra diante da sede de Gadis no polígono da Piadela (Betanzos), onde tamén se convocou unha rolda de prensa.

Desde CCOO non imos permitir que se nos siga ignorando. O convenio de alimentación de Ourense debe reflectir a realidade do sector e o esforzo do seu persoal.

As centrais sindicais USO, CIG, CCOO e UGT, tivemos unha asemblea conxunta co persoal do sector comercio da alimentación en Ourense, onde reafirmamos a nosa unidade de acción para facer fronte á patronal.

A patronal (Gadis, Cuevas e Froiz) segue negándose a recoñecer a desigualdade salarial que sufrimos, alegando que o custo da vida aquí é menor. Nós rexeitamos esa escusa: o noso traballo é o mesmo!

Na asemblea, que tivo apoio unánime, acordamos intensificar as medidas de presión para conseguir un convenio xusto:

Dúas concentracións semanais de xornada completa diante das tendas máis importantes das empresas implicadas, para informar á clientela sobre esta inxustiza.

• Próximas concentracións:

• 23, 24 e 25 de xuño de 11:00 a 12:00 horas nas seguintes ubicacións:
  • Día 25 - Central Loxistica de GADIS en Piadela – A Coruña
  • Día 24 - Central Loxistica de Cuevas en Ourense.
  • Día 23 - Central Loxística de FROIZ en Poio - Pontevedra.

As seguintes concentración celebraranse en horario de 10:30 a 12:30 e 19:30 ata peche, os seguintes días: Ler máis

____________________________________

Actualización: Imaxes da concentración do día 24 de xuño diante do centro loxístico de Grupo Cuevas

O conflito no sector de comercio de alimentación de Ourense xurdiu pola falta de avances nas negociacións do convenio provincial, que leva anos caducado e mantén condicións salariais moi por baixo das outras provincias galegas. Mentres o persoal de supermercados de Froiz, Gadis e Grupo Cuevas de Ourense realiza as mesmas tarefas có persoal de Lugo, Pontevedra ou A Coruña, perciben salarios máis baixos, algo que é totalmente inxusto.

Patronal inmobilista
A patronal mantivo unha postura inmobilista, sen presentar propostas concretas para corrixir estas diferenzas e mellorar as condicións laborais. Ante esta situación, as traballadoras e traballadores, organizados pola representación sindical de CCOO, USO, CIG e UGT, reclamaron o mesmo salario polo mesmo traballo e subas salariais xustas que recoñezan o esforzo diario que realizan.

Folga e mobilizacións
Despois de chamadas ao diálogo e mediacións sen éxito, as persoas traballadoras en asemblea, apoiadas pola representación sindical, decidiron dar un paso firme. O 16 de maio convocouse unha primeira xornada de folga que xa contou cun seguimento superior ao 90%, demostrando a disposición do persoal do sector a defender as súas reivindicacións. Posteriormente, os días 6 e 7 de xuño convocouse unha nova folga, cun seguimento masivo en toda a provincia, deixando claro que o persoal non está disposto a seguir soportando estas condicións.

Ademais, o día 7 de xuño tiveron lugar mobilizacións multitudinarias nas rúas de Ourense, onde as traballadoras e traballadores fixeron visible a súa demanda de igualdade salarial e dignidade laboral. A mensaxe foi clara: non hai xustificación para que as mesmas empresas paguen menos en Ourense que noutras provincias galegas.

A loita continúa
Desde a representación sindical advertimos á patronal que, de non presentar avances reais nas negociacións, as mobilizacións poderán continuar e mesmo intensificarse nas vindeiras semanas. A unidade e a participación nestas xornadas de folga e manifestacións deixan claro que o sector está preparado para loitar polo que lle corresponde: un convenio provincial digno, xusto e igualitario.

 

Te invitamos a participar en las Jornadas Informativas sobre Nóminas que vamos a realizar la sección sindical de CCOO en Caser, una iniciativa pensada para brindarte mayor claridad y comprensión sobre uno de los aspectos más importantes de tu relación laboral: Tu nómina.

Con estas jornadas te damos la oportunidad de acceder a formación sobre temas que afectan directamente a tu salario.

Inscríbete antes del 16 de junio a través del siguiente enlace a Forms.

Sabemos que é posible e xusto, entón… por que esta patronal segue a provocar? A patronal mente outra vez.

Presentan unha suba salarial de MISERIA:

• 2025: chega a 18.100€, a costa das subas de 2026, 27 e 28
• 2026: +47€ brutos/mes
• 2027: +47€ brutos/mes
• 2028: +24€ brutos/mes

Non chega nin ao plus de transporte doutras zonas! Queren que cobremos 19.860€ en 2028 cando noutras provincias iso xa se cobra en 2025!!!.

É UN INSULTO!
 

Por iso faremos:

• Folga de 2 días: Venres 6 e sábado 7 de xuño
• Manifestación: Sábado 7 de xuño ás 12:00 h polas rúas de Ourense

NON IMOS PARAR

Porque temos razón, porque é xusto, porque poden pagalo, porque xa perdemos o medo, porque Ourense está con nós.
Seguiremos loitando polos nosos dereitos e pola nosa dignidade!!

O sector da alimentación na provincia de Ourense vive hoxe unha xornada histórica de mobilizacións. A folga, cun seguimento dun 90%, foi convocada para reclamar un convenio colectivo xusto e a equiparación das condicións laborais. As traballadoras e traballadores decidiron dar un paso adiante para facer visible a súa situación e esixir cambios inmediatos.

A protesta conta cunha ampla participación, evidenciando o malestar xeneralizado ante a negativa da patronal a mellorar as condicións salariais e laborais do persoal. A principal demanda é a equiparación das condicións coas outras provincias, garantindo salarios dignos, melloras nas categorías profesionais e medidas que favorezan a conciliación da vida laboral e familiar.

Desde os sindicatos convocantes destacamos que esta mobilización é un claro sinal de que o persoal do sector non está disposto a aceptar máis precariedade. A mensaxe é clara: "Así non. Convenio digno, convenio xusto, equiparación de condicións".

As organizacións sindicais instamos á patronal a retomar as negociacións con vontade real de alcanzar un acordo que recoñeza o valor do traballo realizado polas persoas empregadas no sector da alimentación. Advertimos que, de non producirse avances significativos, as mobilizacións continuarán e poderían intensificarse nas vindeiras semanas.

 

As persoas traballadoras do comercio alimentación dicimos BASTA XA! Nas asembleas celebradas o 8 de maio decidimos que NON estamos dispostas a seguir soportando a discriminación nas condicións salariais e sociais do convenio en Ourense. Por UNANIMIDADE, acordouse convocar unha xornada de folga o venres 16 de maio de 2025.

Non se pode seguir xogando coa precariedade mentres as empresas da patronal acumulan beneficios escandalosos mentres nós seguimos sendo de segunda.
 

Cando comeza a folga?

A folga comeza legalmente o xoves 15 de maio ás 22:00 horas, para que tamén poidan sumarse as/os que entren en quenda nocturna. A mobilización manterase durante todo o venres 16 de maio no sector do Comercio Alimentación dos concellos da provincia de Ourense.
 

Onde e cando reunirse?

Convócase a todo o persoal das empresas afectadas para secundar a folga e reunirse ás 7:30 da mañá diante da Casa Sindical no parque de San Lázaro, desde onde se organizarán os piquetes informativos.
 

Manifestación

Ás 12:00 horas realizarase unha manifestación que partirá do Gadis de O Couto, percorrendo as tendas da cidade.

A túa participación é fundamental desde primeira hora, así como a asistencia á manifestación. Só coa unión de todas e todos conseguiremos mellorar as nosas condicións laborais.
 

Desde a representación sindical LEMBRAMOS

• A folga é un dereito fundamental da Constitución e está legalmente comunicada.
• Tes dereito a participar e a faltar ao traballo o día 16 de maio.
• Non existen servizos mínimos obrigatorios neste sector. Se alguén che di o contrario, avísanos de inmediato.
• Non tes que informar á empresa se vas facer folga, nin responder a preguntas dos responsables de tenda sobre a túa decisión. Xa o saberán no momento de secundala.
• Non poden substituírte por persoal doutras tendas ou provincias. Se isto ocorre, denunciaremos a situación.
• O desconto polo día de folga é de 1,4 días de salario segundo a categoría e nómina. Se che falan de cantidades esaxeradas, non te deixes enganar: é para desanimarte.
•  A folga é un dereito. A túa participación é imprescindible se queres mellorar as túas condicións de traballo.
• A perda dun día de salario compénsase de sobra coas melloras que entre todas e todos podemos conseguir.

 

 

• Por la reducción de jornada, para ganar tiempo de vida.
• Por los salarios, para ganar estabilidad.
• Por el feminismo, para ganar igualdad.
• Por la igualdad, para ganar libertad.
• Por la negociación colectiva, para ganar derechos laborales.
• Por la salud laboral, para ganar calidad de vida.
• Por el sindicalismo, para ganar democracia.
• Por la democracia, para poder respirar.
• Por las pensiones, los cuidados, la educación y la sanidad públicas para ganar bienestar.
• Por la industria y el campo, para ganar economía productiva.
• Por la vivienda, para ganar autonomía.
• Por la cultura, para ganar pensamiento crítico.
• Por los derechos humanos, para ganar solidaridad.
• Por la solidaridad, para ganar seguridad.
• Por una Europa social contra la barbarie externa e interna.

Este 1º de Mayo, CCOO hace un llamamiento a participar en las manifestaciones y actos convocados por CCOO y UGT en defensa de los derechos sociales y laborales, y en respaldo al proyecto europeo como pilar de democracia social, convivencia y progreso.