content_copy Noticias - Accion sindical

convenio comercio vario coruña

Nova reunión do convenio comercio vario de A Coruña

A situación da negociación en reunións anteriores, máis a celebrada no día de hoxe 03/01/22 resúmese nos seguintes avances:

  • Incorporar ao convenio a todo o persoal do sector do moble.
  • Incrementar a licenza de matrimonio ou parella de feito a 20 días.
  • Acompañamento de menores, 10 h/ano.
  • Mellorar licenza por falecemento ou enfermidade, para todos os casos mínimo 5 días.
  • 6 sábados libres para fins de semana de calidade.
  • Domingos e festivos: 25€ para ano 2023-2024 e 30€ a partir do 2025.
  • Tardes dos días 24 e 31 de decembro 12€/h desde as 14:00.
  • Importes dos seguros de invalidez e morte 35.000€ en 2023 e 40.000€ a partir de 2024.
  • Plus compensatorio beneficios: 200€/mes para empresas con persoal en Coruña de máis de 1000 persoas e beneficios no últimos tres anos.
  • Creación da categoría de encargada con salario inicial de 1125,73€, (sobre táboas de 2019, actualmente 1080,64€) á que se aplicarían os incrementos que se pacten.
  • Axudante de dependenta, promoción a dependenta aos 6 meses.
  • Todas as dependentas a salario de dependenta maior.
  • Incremento Salarial: 2021- 4% 2022 - 3,5% 2023 - 2´5 % 2024 - 2% 2025- 2%
  • Aceptan pactar un mecanismo de revisión salarial en función do IPC pero non do 100%.

Na reunión de hoxe indicamos que valoraremos a proposta de incremento do 4% - 2021, en función doutros factores como o mecanismo de revisión salarial que aínda non definiu a patronal e que o incremento do 2022 ten que ser sobre a realidade do IPC, que á espera do dato definitivo está agora nun 5,8%.

Tamén incidimos en que hai de rematar outros aspectos da plataforma que aínda non están pechados como, redución de xornada, pluses, contratación, transición e desconexión dixital, etc.

A próxima reunión queda fixada para o vindeiro xoves 19 de xaneiro

convenio comercio metal pontevedra

Convenio comercio metal Pontevedra: Última reunión do AGA (CGRL)

Finalmente chegouse a acordo para a sinatura do convenio. A parte empresarial aceptou a última proposta, á que engadimos algunha cuestión formal que quedaba por matizar.

O resultado final do acordo é o seguinte:

  • Incremento salarial: 2022 = 6,5%, 2023 = 4%, 2024 = 4%
  • Revisión salarial na diferenza entre a suma dos IPCs dos anos 2023 e 2024 e o incremento real destes anos (8%) con un tope do 10% a aplicar con carácter retroactivo a 1 de xaneiro de 2024.
  • Xornada: Redución de 16 horas (8 a partir do 1/01/23 e 8 a partir do 1/01/25)
  • Adaptación do convenio ás novidades da reforma laboral e en materia de conciliación, trasladando para iso o acordado no convenio de comercio vario recentemente asinado.
  • Aclarar que no tocante as vacacións os 22 días que marca o convenio son sempre de 8 horas, para que non lles conte un día completo ás persoas traballadoras que o sábado traballan medio día.
  • Trasladar ao convenio o réxime de faltas e sancións establecido no convenio de Comercio Vario.

Nestes días prepararemos a redacción do acordado o que suporá modificar os artigos 3, 5, 7, 12, 14, 17, 18, 26, 28, 35 e 40 do actual convenio. Unha vez redactado reunirase na mesa negociadora para asinar o texto definitivo e envialo publicación no Boletín Oficial da provincia.

O 27 de decembro as 20:30 celebrarase unha asemblea nos locais da CIG para explicar e valorar o acordado.

Concentración Abanca Revisión Salarial
Haberá concentracións os días 23 e 30 de decembro diante da oficina principal da Coruña

CCOO convoca mobilizacións para esixir melloras salariais en Abanca que compensen o esforzo realizado polo persoal

A sección sindical de CCOO-Servizos en Abanca convoca mobilizacións para esixir melloras salariais na entidade bancaria que compensen o esforzo realizado polo persoal os últimos anos. Desde que Juan Carlos Escotet se fixo coa propiedade do banco, as traballadoras e traballadores viron minguado o seu poder adquisitivo de xeito «drástico», nun contexto de contracción económica en que a empresa lles pediu «sacrificios» para afrontar a situación.

Desde o ano 2013, o persoal viu suspendidas as súas achegas no sistema de previsión —que se reduciron ata un 20 %—, así como a suspensión de 2013 a 2015 da retribución variable, a suspensión da devindicación de trienios, a suspensión da parte variable do complemento convenio de 2013 a 2016, o seguro de saúde pasou a ser financiado ao 50 % pola persoa traballadora e o complemento de antigüidade comezou a devindicarse en só doce pagamentos.

A este esforzo asumido polas persoas traballadoras, cómpre engadir os recortes de persoal que se produciron como consecuencia de cinco ERE e dous acordos de prexubilacións.
 

CCOO pide unha paga lineal de 1500 euros

Por esta razón, CCOO pediulle á empresa o aboamento dunha paga lineal a todas as persoas traballadoras por valor de 1500 euros. No caso de que no sector bancario se asine un incremento salarial que supere ese importe, o pagamento tería a consideración como ingreso a conta.

O sindicato lembra que a empresa afronta agora un contexto moi diferente ao de hai nove anos, con tipos de xuro á alza «que repercutirán de forma moi positiva na conta de resultados». Por esta razón, CCOO esíxelle á empresa «dar un paso adiante» e compensar dalgún xeito a perda de poder adquisitivo que se produciu na última década, máis aínda nun contexto de inflación que contribuíu a minorar a capacidade de compra dos salarios.

Deichmann folga

DEICHMANN Vigo en folga por incumprimento de convenio

As traballadoras de Deichmann Vigo convocaron folga en protesta por o incumprimento por parte da empresa do convenio colectivo de comercio vario da provincia de Pontevedra asinado no pasado mes, no tocante a voluntariedade de traballar en domingos e festivos.A representación legal das traballadoras e CCOO tentaron ata o último momento unha solución  negociada co fin de evitar a folga. Non foi posible. Na semana pasada a empresa rexeitou expresamente acudir a reunión de mediación do procedemento AGA solicitado por CCOO, deixando claro que non é a súa vontade consensuar unha solución. Ler máis

Acordo salarial EROSKI

Revisión salarial en EROSKI pola aplicación da Reforma Laboral

As persoas traballadoras de Vegalsa- Eroski non somos traballadores de segunda, por iso CCOO levamos un ano reivindicando a subida salarial que nos corresponde, por xustiza social e pola aplicación da Reforma Laboral. Hoxe tras unha dura negociación coa empresa informamos os resultados: A partir de 01 xaneiro do 2023 todos os traballadores de Vegalsa, nas categorías máis baixas e a xornada completa, pasarán a ter: Ler máis

Folga comercio metal PO
O seguimento da primeira convocatoria foi dun 80%

O comercio de metal de Pontevedra mobilizouse o sábado en Vigo e comeza unha folga

Os sindicatos CCOO, UGT e CIG convocan unha concentración do sector do comercio de metal da provincia de Pontevedra. Foi o sábado, 19 de novembro, ás 12 horas, diante do Instituto Feiral de Vigo (IFEVI). Con esta protesta, os traballadores e traballadoras esixiron a actualización do seu convenio, que leva tres anos caducado, e déronlle unha última advertencia ás empresas antes da xornada de folga provincial que tivo lugar hoxe.

As organizacións sindicais lembran que o actual convenio colectivo rematou a súa vixencia no 2019. Desde aquela estase intentando renovar o texto coas patronais ATRA e ACE, sen que a parte empresarial amose vontade negociadora. Ante isto, a parte social incluso pediu a incorporación deste convenio ao do comercio vario, onde xa están outros sectores comerciais, recibindo tamén unha negativa —neste caso, da patronal ATRA.

Ademais dos salarios, onde os sindicatos piden incrementos acordes co encarecemento do custo da vida, estábanse a negociar outras cuestións, como a adaptación ao que esixe a reforma laboral no tocante á contratación, a xornada laboral anual e dereitos sociais como licenzas, días de libre disposición ou vacacións.

CCOO, UGT e CIG sinalan que a parte social cedeu en moitas reivindicacións para tentar chegar a un acordo, incluso aceptando que non houbese incremento salarial retroactivo para os anos 2020 e 2021. Na xuntanza do pasado 11 de outubro, ATRA retirou todas as súas propostas, alegando que parte social pedira «moito» na anterior reunión.

Para os tres sindicatos, este comportamento é contrario ao principio da boa fe que debe presidir todas as negociacións. A ruptura do diálogo non lles deixa aos traballadores e traballadoras outra saída que a mobilización en defensa dos seus dereitos.

CCOO Servizos é segunda forza en Grandes Almacéns!!

O 18 de Novembro celebráronse eleccións sindicais no sector de Grandes Almacéns nas que Servicios CCOO logrou consolidar máis de 400 delegados e delegadas a nivel sectorial, pasando a ser o segundo sindicato no sector.

As eleccións celebráronse en diversas empresas do sector, ECI, Carrefour, Alcampo, Ikea, Conforama, Makro, Ikea, Apple, etc. Grazas ao esforzo de coordinación entre os delegados e delegadas e federacións e o traballo de todos e todas neste último ano, CCOO confirmou o seu crecemento de representación no sector. Con estes resultados confírmase que CCOO recibe un amplo apoio onde presenta candidaturas.

Desde a Federación de Servizos de CCOO felicitamos a todas as persoas que co seu traballo fixeron posible todo isto e damos as grazas a quen se presentou nas nosas candidaturas e aos traballadores e traballadoras a confianza depositada en CCOO. Para CCOO este apoio recibido fortalece o compromiso para facer fronte aos retos que ten o sector de grandes almacéns nos próximos catro anos, apostando pola negociación colectiva, o diálogo e as formulacións e propostas do Sindicato para a negociación do Convenio Colectivo que se negocie.

 

 

 

 

convenio hostalaría coruña

Asinado o novo convenio provincial da hostalaría da Coruña

A Federación de Servizos de CCOO de Galicia informa do asinamento do convenio colectivo da hostalaría da provincia da Coruña. O sindicato salienta que este convenio permite mellorar os salarios, cunha suba do 11,75 % durante a vixencia do texto. Tamén inclúe melloras para a conciliación da vida familiar e laboral, en materia de formación e tamén no tocante á contratación, coa transformación de contratos a tempo parcial noutros a tempo completo.

O novo convenio ten vixencia ata o 2024 e inclúe unha suba salarial para este ano do 4%, do 3,75% para o 2023 e do 4% no derradeiro ano de vixencia. Para este ano prevese o pagamento de atrasos con carácter retroactivo desde o 1 de xaneiro, que se deberán aboar antes de marzo do 2023. Se o IPC acumulado durante a vixencia do convenio supera o 11,75%, axustarase nas táboas salariais do ano 2025 co 50% da diferenza.

Contratación e condicións laborais

En materia de contratación, os fixos-descontinuos terán un chamamento mínimo de cinco meses, cun preaviso de dez días. Haberá posibilidade de consolidcación do 50% se superan os cinco meses en dous anos. Estas mesmas condicións esténdense aos contratos a tempo parcial, cun mínimo de catro horas de xornada diaria e vinte de semanal.

Asemade, os contratos indefinidos deberán representar, polo menos, o 65% dos rexistrados na empresa.

Dereito á desconexión

As empresas non poderán enviar mensaxes ou correos profesionais fóra do horario laboral agás en casos de urxencia e non poderá haber sancións polo feito de non atender as citadas comunicacións.

Formación

Establécese un complemento de vinte euros mensuais para cada persoa traballadora en empresas que non acrediten impartir formación nas condicións que establece o convenio.

Camareiras de piso e repartidores

Por outra parte, a partir do 1 de abril do vindeiro ano, á categoría de camareiro ou camareira de piso aplicaráselle a regulación establecida no artigo 42.6 do Estatuto dos traballadores —de aplicación para as empresas contratistas e subcontratistas.

Así mesmo, nas empresas onde as persoas traballadoras fagan reparto a domicilio en vehículo, aplicaráselles o convenio de hostalaría da provincia da Coruña.

comercio vario coruña
Neste sector traballan máis de 22.000 persoas que dependen deste convenio para veren actualizados os seus salarios nun contexto de elevada inflación

CCOO saúda que as empresas «movan ficha» para desbloquear o convenio do comercio vario da Coruña e esixe garantir os salarios

A Federación de Servizos de CCOO de Galicia saúda que as empresas «movan ficha» para desbloquear o convenio do comercio vario da provincia da Coruña. O sindicato lembra que nesta actividade traballan máis de 22.000 persoas que dependen do convenio para veren actualizados os seus salarios, algo especialmente importante nun contexto de elevada inflación.

Tras a última reunión, que tivo lugar esta semana, comeza a haber avances nas seguintes materias:

— Incremento da licenza de matrimonio ou parella de feito a 20 días.

— Acompañamento de menores (10 horas anuais).

— Mellora da licenza por falecemento ou enfermidade (un mínimo de 5 días para todos os casos).

— Incluír sábados libres para as chamadas fins de semana de calidade.

— Incremento de cantidades e pagamento da voluntariedade dos domingos en que se traballe.

— Remuneración das tardes dos días 24 e 31 de decembro con 12 euros por hora a partir das 14:00.

— Incremento dos importes dos seguros de invalidez e deceso.

— Incremento de horas asignadas ao persoal contratado a tempo parcial antes das novas contratacións, así como consolidación destas horas.

— Incorporar ao convenio a todo o persoal do sector do moble (máis de mil persoas).

Garantir os salarios

No aspecto salarial, sobre a proposta inicial, propoñen as seguintes cantidades (sen cláusula de revisión conforme ao IPC): 0 % para o 2021, 3,5 % para o 2022, 2,5 % para o 2023 e 2 % para o 2024. CCOO defende que o incremento do 2021 debe ter como referencia o 6,5 % do IPC dese ano; esixe tamén que as empresas aumenten as porcentaxes asignadas para o período 2022-2024 e pide un mecanismo de revisión salarial conforme o IPC para garantir o poder adquisitivo dos salarios.

Segundo CCOO-Servizos, haberá cando menos unha reunión semanal para axilizar a negociación. O sindicato coida que este convenio precisa ser renovado antes de que remate o actual ano 2022, pois «as traballadoras e traballadores do sector non poden pasar un ano máis sen que se actualicen os salarios».

content_copy Destacadas

CCOO presenta una campaña para denunciar el modelo laboral insostenible del sector financiero

Bajo el lema “El Valor de las Personas. Por un Modelo Laboral Sostenible” CCOO ha presentado una campaña para denunciar el clima laboral que viven las plantillas del sector financiero.

chemasilvia

Un modelo turístico más sostenible y que garantice derechos, es imprescindible

Desde CCOO Servicios queremos reclamar un año más la necesidad imperiosa de garantizar condiciones dignas de trabajo en el sector y queremos llamar la atención especialmente sobre los discursos de algunos hosteleros y sus representantes, acerca de la falta de personas trabajadores en el sector, alguna de ellas lamentables, pero que demuestran la realidad en el anquilosado pensamiento de una parte del empresariado hostelero.

personas que intervienen en la rueda de prensa

El sindicato presenta el documento "Horarios Comerciales y Tiempo de Trabajo. Propuestas de CCOO"

CCOO apuesta por una regulación homogénea sobre horarios comerciales, y por fijar la voluntariedad y compensación del trabajo en Domingos y festivos en todos los convenios


Imagen de las personas que intervienen en esta mesa

CCOO presenta informe de turismo: el modelo turístico ante la encrucijada de la recuperación

CCOO ha presentado este lunes el informe Turismo, este estudio eleborado por el Gabinete de Técnico Federal, hace un análisis de la actividad turística 2022 y de las previsiones este 2023.

 

imagen difusion catalogo cursos

Oferta formativa subvencionada para trabajadoras y trabajadores

  • OFERTA FORMATIVA

La Federación de Servicios de CCOO pone en marcha cursos de formación gratuita dirigidos prioritariamente a trabajadores y trabajadoras ocupados

CCOO informa sobre la modificación de la Ley Orgánica de salud sexual y reproductiva y de interrupción voluntaria del embarazo

CCOO resume en un comunicado información sobre la ENTRADA EN VIGOR NUEVAS BAJAS a partir de la Ley Orgánica 1/2023, de 28 de febrero, por la que se modifica la Ley Orgánica 2/2010, de 3 de marzo, de salud sexual y reproductiva y de la interrupción voluntaria del embarazo, en su Disposición final tercera establece la modificación del texto refundido de la Ley General de la Seguridad Social, aprobado por el Real Decreto Legislativo 8/2015, de 30 de octubre.

CCOO Servicios lanza una campaña frente a la "Black Reality" del Comercio en Navidad

El sindicato ha presentado en rueda de prensa una campaña para denunciar la realidad  que viven las plantillas del sector comercial en este periodo de máxima actividad, al tiempo que exigiendo el desbloqueo de los convenios sectoriales sobre la base de incrementos salariales justos y equitativos. La rueda de prensa ha servido también para analizar los resultados de las elecciones en Grandes Almacenes, donde CCOO ha pasado a convertirse en la segunda fuerza, así como el acuerdo alcanzado en Grupo Inditex.


Ahora S Ganamos Derechos CCOO

Las personas fijas discontinuas por fin podrán acceder al subsidio para mayores de 52 años

Gracias a las constantes reivindicaciones de CCOO, a las mejoras en derechos incorporadas en la reciente reforma laboral para las personas con contrato fijo discontinuo, debemos sumar ahora un avance importante en protección por desempleo. 

Teletrabajo UNI Global UNION

UNI GLOBAL: Principios fundamentales para garantizar los derechos en el trabajo a distancia

UNI Global Union, con el apoyo de UNI Finanzas, UNI ICTS y UNI P&M, ha publicado lo que considera son principios fundamen­tales para apoyar a sus afiliadas en la negociación de cuestiones relacionadas con el trabajo a distancia, tanto durante la pandemia de Covid como después de esta.

Real decreto teletrabajo. Dudas y preguntas

Real Decreto-Ley Trabajo a Distancia. Preguntas y dudas frecuentes

Hemos desarrollado una campaña con el objetivo de explicar el principal contenido del Real Decreto-Ley de Trabajo a Distancia, aprobado recientemente por el Gobierno. 

Tren de alta velocidad

El Tribunal Supremo afirma que los permisos retribuidos se conceden para su disfrute en días laborables

La sentencia 257/2020 de la Sala de lo Social del Tribunal Suprema ha resuelto a favor de CCOO Servicios y FeSMC-UGT, sosteniendo que si el hecho causante de un permiso retribuido tiene lugar en un día no laborable, el día en el que se inicia dicho permiso es primer día laborable tras el hecho causante.  


content_copy Más información

Calendario Laboral

Calendario Laboral 2024

Días festivos estatales y por comunidad 2024

Utilidades Herramientas simuladores y calculadoras

Simuladores y utilidades

Simuladores y calculadoras, laboral y social
Fotografías Sindicales

Fotos Servicios CCOO

Canal de Servicios CCOO en Flickr
Vídeos de Servicios CCOO

Vídeos Servicios CCOO

Canal de Youtube de Servicios CCOO
Falacias y mentiras sobre los sindicatos

Falacias y mentiras

Falacias, mentiras y verdades sobre los sindicatos
Histórico de Artículos

Histórico

Histórico de artículos de Servicios CCOO
logo CCOO

Logos y Marcas propiedad de sus respectivos autores
Se permite la reproducción total o parcial de todos los contenidos siempre que se cite la fuente y se enlace con el original.
RSS por Sectores, Territorios y Empresas

miembro de UITA
logo global union

Infórmate

CCOO Servicios es un sindicato, es Comisiones Obreras en los sectores de Comercio, Financiero, administrativo, de las TIC, Hostelería, Contact-center, Oficinas, Turismo... Leer más


Síguenos en Telegram

Dónde estamos


OFICINAS CENTRALES
C/ Albasanz, 3 1º Planta
28037 Madrid
Tel: 91 540 92 82
Asesoría Madrid 91 536 51 63-64
Otras Comunidades
Fax: 91 559 71 96
Email: contacta@servicios.ccoo.es