BBVA procedeu a despedir, sen apertura de Expediente Disciplinario previo, e por tanto en clara situación de indefensión, a 14 persoas á vez, baixo a acusación de "ruptura da boa fe contractual, por baixa produtividade". Maioritariamente ocupaban postos Comerciais, aínda que tamén hai algún GAC, todos na Rede de Oficinas.

Que se despediran a dúas persoas por Territorial, coa excepción de 3 no Centro e 1 en Canarias, xa dá unha idea clara de que esta medida non ten nada que ver coa obxectividade nin coas persoas afectadas. Estamos ante unha agresión directa contra o emprego do conxunto do persoal. Buscan preparar o terreo e AMEDRENTAR ao conxunto de traballadores e traballadoras do BBVA. A orixe desta forma de actuar é consecuencia da mediocridade e incapacidade dos directivos do banco. Lonxe de asustarnos, só cabe responder coa contundencia que o momento require.

Por ese motivo nos manifestamos, ao igual que outras capitais de provincia, onte en A Coruña:

"La Voz de Galicia" publica hoxe unhas declaracións de Pilar Pérez delegada de CCOO Servizos e presidenta do comité de empresa de ALN na Coruña nas que explica a situación de 55 traballadores da empresa que viron como a situación laboral se foi degradando, ao pasar de atrasos nas nóminas e concurso de acredores, a ver rescindido o contrato co seu cliente principal, Hibu, e ter que ir ao traballo sen cobrar e sen nada que facer.

A candidatura presentada pola Federación de Servizos de CCOO logrou a maioría absoluta nas eleccións ao comité provincial de Tragsatec (Grupo Tragsa) na Coruña. A estas eleccións estaban chamadas a participar 279 persoas, que de maneira maioritaria outorgaron a súa confianza a Comisións Obreiras.

Nas eleccións de hai catro anos gañara a CSIF, que obtivera seis membros dos trece que compoñen o comité; CCOO situárase no segundo lugar, con cinco, e a UGT completaba a relación con dous. Agora invertéronse as tornas, tras lograr CCOO sete delegados e delegadas ?maioría absoluta? por cinco da CSIF e só un da UGT.

Recoñecemento á loita contra o ERE

Desde CCOO-Servizos salientan que estes «magníficos resultados» son o «recoñecemento dos nosos compañeiros e compañeiras» ao traballo realizado por Comisións Obreiras contra o expediente de regulación de emprego (ERE) no Grupo Tragsa. Como parte desta loita houbo concentracións fronte ao Parlamento galego e reunións cos grupos parlamentarios, folga varias xornadas paros ou reunións con membros do Parlamento europeo, entre outras iniciativas.

Os integrantes da candidatura de CCOO comprométense a continuar traballando «arreo» contra un ERE «inxusto e desproporcionado» e pola defensa do emprego e da calidade do mesmo dentro do Grupo Tragsa.

+ Para máis información:

• Claudio Landeira, voceiro de CCOO en Tragsatec: 649 684 220

A Federación de Servizos de CCOO de Galicia quere saír ao paso das declaracións vertidas na prensa por parte da Patronal de Grandes Almacéns (ANGED), nas que vén dicir que deixar fóra das devanditas zonas ás grandes cadeas de distribución evita a competitividade das tendas físicas vs tendas online e evita a creación de centos de postos de traballo que serían necesarios para atender un horario comercial máis amplo.

É necesario aclarar que a Patronal ANGED xa vén pedindo desde hai moitos anos a liberalización total do comercio e só grazas ao rexeitamento dos Sindicatos e do Pequeno Comercio se puido evitar. 

Esta Patronal sempre argumenta que esta liberalización vai crear emprego, e con todo, ano tras ano o que fai é precarizar a situación no sector, asinando convenios cos seus sindicatos afíns que van minguando as condicións de traballo nos centros. Só no último convenio pasouse a aumentar a xornada en 28 horas anuais e deixar de remunerar os domingos e festivos pasando a traballarse coma se dun día máis se tratase (co que nos podemos imaxinar en que situación nos quedariamos se, como pretenden, nos fan abrir todos os domingos e festivos do ano). Segue

No día de hoxe reuníronse nos locais de CCOO en Santiago, os delegados e delegadas de ALCAMPO de Galicia.

Este ano finaliza a vixencia do Convenio Colectivo de Grandes Almacéns,(ANGED), polo que desde a Federación de Servizos de Galicia iniciamos xuntanzas de todos os delegados/as para preparar estas negociacións.

O obxetivo desta xuntanza :

• Debatir e propoñer os temas e puntos para a negociación.

• Elaborar puntos para incluir na plataforma de CCOO.

• Información e traslación da negociación.

Todos os acordos aos que se chegue trasladaranse á Sección Sindical Estatal, para que, en coordinación co resto de Seccións Sindicais Estatais, elabore a plataforma e negociar o próximo convenio.

A Federación de Servizos de CCOO de Galicia gañou as primeiras eleccións sindicais celebradas en Tempe, que se celebraron o día trece de maio. A candidatura proposta polo sindicato logrou unha delegada, mentres que CIG non conseguiu representación a pesar de propoñer dúas candidatas.

A Federación de Servizos de CCOO de Galicia gañou as eleccións sindicais celebradas onte en Cooperativa Las Rías. A candidatura proposta polo sindicato logrou tres delegados de persoal, sendo a única que se presentou.

A Federación de Servizos de CCOO de Galicia gañou as eleccións sindicais celebradas hoxe en Egasa XXI. A candidatura proposta polo sindicato logrou tres delegadas e dous delegados, sendo a única que se presentou.

Nas eleccións celebradas no día de onte en Mutua Gallega de A Coruña as traballadoras e traballadores revalidaron a súa confianza, repetíndose os mesmos datos que no comité anterior, no cal CCOO obtivo cinco delegados, metres que UGT acadou catro.