Comercio Vario Coruña: a patronal non quere negociar un novo convenio
A vixencia do Convenio Colectivo do Comercio Vario da provincia da Coruña rematou en decembro de 2015 e actualmente está en ultractividade ata o 30 de xuño de 2018.
Atopámonos con que moitas das asociacións patronais afectadas por este convenio non quere sentarse a negociar, impedindo que poidamos constituir a mesa de negociación. Fixeron caso omiso dunha solicitude de mediación tramitada polos sindicatos a través do Consello Galego de Relacións Laborais.
O grave problema que isto provoca é que SI NON SE ASINA UN NOVO CONVENIO, ESTE DESAPARECE, desaparecendo por tanto os dereitos acadados e con consencuencias demoledoras.
Non se cobraría o 100% nas baixas, conxelaríanse os salarios, reduciríanse ao mínimo as licenzas retribuídas e poderían contratar novo persoal cobrando só os 707,60 euros brutos de salario mínimo interprofesional, aplicaríase o Estatuto dos Traballadores sen nengunha mellora, DEIXANDO O SECTOR EN PRECARIEDADE TOTAL.
Ante esta situación, estamos a realizar as actuacións necesarias para forzar á patronal a sentarse a negociar e conseguir o mantemento do Convenio de Comercio da provincia da Coruña.
PARA INFORMARTE DE PRIMEIRA MAN, PARA CALQUERA APORTACIÓN E PARTICIPAR NÁS DECISIÓNS QUE SE TOMEN POLA LOITA DOS NOSOS DEREITOS, ACUDE AS ASAMBLEAS, CONCENTRACIÓNS E MOVILIZACIÓNS QUE IREMOS COMUNICANDO.
PROXIMA CONCENTRACIÓN 17 DE NOVEMBRO AS 12:00 HORAS
Plaza Galicia - Santiago
Plaza de Lugo - A Coruña
Centro Comercial Odeón - Ferrol
Firma do Convenio Colectivo de NH Atlántico Coruña
Ramón Sarmiento: «Estabamos preocupados pola industria galega, pero tras coñecermos o plan do PP aínda o estamos máis»
O Sindicato Nacional de Comisións Obreiras fixo hoxe unha primeira valoración da proposición de lei (PDL) para a implantación de iniciativas empresariais en Galicia, que presentou pola vía de urxencia o Grupo Parlamentario Popular. O secretario xeral do sindicato, Ramón Sarmiento, expresou que, se xa estaban preocupados pola situación da industria galega, «a iniciativa do PP multiplica exponencialmente a nosa preocupación».
Carta á Xunta de Galicia rexeitando a apertura de domingos e festivos no Comercio Galego
CCOO Servizos consegue a maioría absoluta e mellora resultados nas eleccións de DIANA PROMOCIÓN (A Coruña)
Hoxe martes, oito de agosto, celebráronse eleccións na empresa DIANA PROMOCIÓN S.A., Provincia da Coruña.
Estas eleccións corresponden ao persoal de traballadores e traballadoras externos, adicadas a actividades de reposición "MERCHAN" nos centros de traballo de Alcampo Coruña, Alcampo Santiago, Carrefour Alfonso Molina, Carrefour Os Rosales e Carrefour Coristanco, co seguinte resultado: CCOO 4 - UXT 1.
Este resultado mellora a representación anterior de CCOO incrementado nunha delgada o resultado de fai catro anos.
CCOO Servizos amosa o seu agradecemento a todas as persoas que participaron neste proceso e en especial ás que co seu voto depositaron a súa confianza en Comisións Obreiras.
CCOO Servizos quere dar os parabéns tamén a todos os traballadores e traballadoras xa que con este resultado se renova o compromiso adquirido nas urnas e ponse a disposición para continuar defendendo os intereses laborais.
Desconvocada a folga de Lefties (Inditex) en Vigo
Motivado pola falla de personal e a conseguinte sobrecarga de traballo nas dúas tendas de Lefties de Vigo, o Comité de Empresa de Zara España na provincia de Pontevedra convocou unha folga para o próximo venres 30 nas devantitas tendas. Os contactos coa dirección da empresa deron os seus froitos e conseguironse cinco novas incorporacións, o incremento a 40 horas a dúas traballadoras na tenda de Gran Vía e unha na de Progreso, quedando así desconvocada a folga.
Concentracion fronte á central de Inditex para denunciar a situación laboral das traballadoras de LEFTIES (Inditex)
Hoxe, 22 de xuño, ás 12:00h, realizouse unha CONCENTRACIÓN diante da sede principal de lnditex en Arteixo en protesta pola reiterada actitude de desprezo da Dirección da empresa cara aos nosos dereitos e en demanda das melloras que levamos reclamando infrutuosamente desde hai moito tempo:
CCOO reitéralle ao Santander a petición dunha reunión formal sobre a adquisición do Popular
A sección sindical de CCOO-Servizos no Banco Santander reiteroulle hoxe á entidade, como principal interlocutora, unha reunión formal para que informe sobre a adquisición do Banco Popular. O sindicato demanda «axilidade» para ter canto antes información «de primeira man» sobre este proceso, alén do que diariamente se publica nos medios de comunicación e que está a xerar «intranquilidade» nos cadros de persoal de ambas as dúas empresas. Segue
A Federación de Servizos de CCOO continúa a rolda cos grupos parlamentarios para tratar a situación do Banco Popular
A Federación de Servizos de CCOO de Galicia continúa a rolda de conversas cos grupos parlamentarios galegos para abordar a problemática xurdida por mor da venda do Grupo Banco Popular. Tras as xuntanzas do martes con En Marea e PP, hoxe tivo lugar unha reunión con representantes do Grupo Parlamentario Socialista. Segue
.jpg "reunión PSOE")
.jpg "reunión psoe")
A Federación de Servizos de CCOO reúnese cos grupos parlamentarios para tratar a situación do Banco Popular
A Federación de Servizos de CCOO de Galicia está a manter reunións cos distintos grupos parlamentarios galegos para abordar a problemática xurdida por mor da venda do Grupo Banco Popular ao Banco Santander. Hoxe celebráronse reunións cos grupos políticos En Marea e Partido Popular , estando previsto para mañá, día 14, un encontro co PSG.
Nas xuntanzas de hoxe, a delegación de CCOO-Servizos estivo integrada pola secretaria xeral, Lucía Trenor, a responsable da sección sindical do Banco Popular, Carmen Peteiro, e polo responsable do sector financeiro de CCOO, Francisco Villares. Segue
Xosé González, elixido Secretario Xeral no Plenario da Sección Sindical de CCOO Teleperformance Galicia
O pasado martes 6 de xuño tivo lugar o plenario da sección sindical de CCOO Teleperformance Galicia, no que se debateron os plans de traballo para realizar en Galicia, ademais de elixirse os novos órganos de dirección.
Saíu elixido co 100% dos votos tanto o novo secretario xeral, Xosé González Paz, coma a nova executiva, composta por 4 persoas de distintas campañas.
No plenario valoramos o plan de traballo desta sección sindical, e debatemos sobre os problemas máis importantes que afectan ao persoal de Teleperformance, de cara a buscar solucións para cada un deles, temas coma formación, saúde laboral, conciliación ou incentivos.
