Convócase unha concentración o día 3 de febreiro diante de Palexco (Peirao de Transatlánticos, A Coruña)
Contra o abuso patronal en ABANCA. Non aos despedimentos
Xa comunicáramos que a dirección de Abanca decidira trasladar as relacións sindicais desde a negociación ao enfrontamento: o horario comercial incompatible co horario laboral, o rexistro de xornada, as convocatorias fóra de horario, ...
Nas últimas semanas, reforzáronse as agresións contra o persoal baixo o manto de "a potestade empresarial":
- A asignación duns obxectivos comerciais para 2017 incompatibles coa evolución prevista dos mercados en que operamos e a nosa cota nos mesmos.
- A arbitrariedade coa que se están producindo despedimentos e a posta "en seguimento" de varios compañeiros, ignorando as circunstancias laborais (baixas prolongadas, vacantes non cubertas) e rebaixando o logro de obxectivos ata que "din o que quero".
Todos estamos afectados e xa hai quen se encargou de propagar a mensaxe: "coidado co que fas que xa sabes o que está a pasar". Para a nosa desgraza, a estrutura de Abanca está trufada de "xefes tóxicos" que campan ás súas anchas, incapaces de dirixir de forma eficiente os seus equipos e dedicados a conservar a súa posición por encima de calquera cousa. Desexamos que lles chegue pronto o seu San Martiño.
Requirimos que se deixen sen efecto tanto os despedimentos como as postas "en seguimento" e que ningunha medida se adopte sen a audiencia previa aos afectados. Ante a falta de resposta da dirección, os delegados de Comisións Obreiras concentrarémonos o vindeiro venres 3 de febreiro ante Palexco, o recinto en que se celebrará a convención comercial. O venres volveremos ouvir as milongas de sempre sobre o bo exercicio pechado e os esforzos que esixe o novo. Ao incorporarnos o luns ao traballo, volveremos ás advertencias veladas e á fustrigación habitual. Os responsables son quen toman as decisións pero desde Capital Humano son incapaces de embridalos, e por riba, a alta dirección aléntaos.
A situación merece unha resposta unánime do persoal. No pasado quedou demostrado que a nosa forza é a unidade, e que esta forza é suficiente para defender os nosos intereses e os nosos postos de traballo.
CCOO condena o asasinato dun compañeiro no seu centro de traballo, vítima dun disparo por parte dun cliente
A vítima traballaba como director nunha oficina de Caixabank. CCOO convocou un paro de 5 minutos e concentracións á porta dos centros de traballo mañá, 24 de Novembro ás 12:00h.
Despido colectivo en Banco Popular e Banco Pastor
Firmado o acordo de Despido Colectivo Grupo Banco Popular
Na reunión de 5 de novembro, ás 19:15 horas, firmouse o acordo do Expediente de Despido Colectivo dos Bancos Popular e Pastor.
A proposta de principio de acordo de CCOO, presentada na Mesa de Negociación, aceptada case na súa totalidade pola Dirección dos bancos e asumida por SEGRUPO no mesmo día, uníronse os sindicatos FITC, AMYC e UGT.
Nesa xornada os Bancos aceptaron incrementar o número de persoas que podan acollerse á medida que CCOO propuxo sobre excedencias voluntarias, o que permitiu diminuir arredor de 250 o número de baixas indemnizadas.
Nova xornada de mobilizacións en Lugo contra o ERE do Grupo Banco Popular
Continuando co calendario de concentracións, traballadoras e traballadores do Grupo Banco Popular saíron á rúa para amosar o seu rexeitamento á postura inmobilista do Banco na negociación do ERE. Así mesmo, as organizacións sindicais convocan unha folga que terá lugar o día 10 de novembro.
A requirimento de CCOO na Mesa de Negociación, a Dirección do Grupo reduciu o número de traballadoras e traballadores afectados polo proceso.
Mobilizacións en Ourense contra o ERE do Grupo Banco Popular
Tras as mobilizacións en todos os territorios do pasado día 20 e tamén de xornadas anteriores, onte mércores, 26 de outubro, o persoal saímos á rúa para defender os nosos postos de traballo, a Dirección do Grupo cedeu á reivindicación de CCOO, admitindo que NON SOBRAMOS 2900 persoas en Banco Popular e Banco Pastor.
Na quinta reunión da Mesa Negociadora, a Dirección situou a nova cifra en 2.592 persoas, reducindo en aproximadamente uns 400 o total dos 3.000 despedimentos anunciados ao inicio.
CCOO opoñémonos a este proceso de Despedimento Colectivo, do cal os traballadores non tiveron ningunha culpa, aínda que agora a paguen. Con todo, a reforma laboral -a Lei actualmente vixente- obríganos a todos a buscar o mellor acordo, se é posible.
- Por iso CCOO esiximos a mellora das condicións dos despedimentos e o respecto da voluntariedade.
- Por iso CCOO continuamos a nosa loita para reducir os efectos deste salvaxe Despedimento Colectivo
- Por iso CCOO seguimos negociando e, unha vez conseguida unha primeira redución do número de persoas afectadas polo proceso, presentamos na Mesa Negociadora a nosa plataforma.
A próxima mobilización está convocada para o día 2 de novembro ás 18:00 en Lugo, Comenzando en Rúa da Raiña ( B Pastor OP) e rematando en Praza Maior (B Popular OP)
Yolanda Díaz e Miguel Anxo Fernán-Vello achéganse aos manifestantes para escoitar as súas demandas
Delegadas e delegados de Grupo Banco Popular concéntranse diante do Parlamento de Galicia no inicio da súa X lexislatura
Coincidindo co inicio da X lexislatura do Parlamento de Galicia, traballadoras e traballadores de Grupo Banco Popular manifestáronse para expresar o seu total rexeitamento ao ERE salvaxe que pretende levar a cabo o Banco.
Os deputados de En Marea Yolanda Díaz e Miguel Anxo Fernán-Vello achegáronse aos manifestantes para amosar o seu apoio e escoitar de primeira man as demandas dos traballadores.
Este ERE vai supoñer o peche de 42 oficinas e a perda de 435 postos de traballo en Galicia. Banco Popular pretende retomar o pago do dividendo en efectivo en 2017 e anuncia que acadará un "pay out" do 40% en 2018 polo que CCOO esixe a Popular que non pague dividendo mentres hai un ERE en marcha.
As próximas mobilizacións están convocadas para os días 26 ás 18:30 en Ourense, e 2 de novembro ás 18:00 en Lugo.
En defensa de 2.900 postos de traballo
Os traballadores e traballadoras do Banco Popular continúan coas protestas contra o ERE
Este xoves, 20 de outubro, ás 18:00 horas, tivo lugar unha nova concentración do persoal do Banco Popular, ante a oficina principal de Vigo, en protesta pola intención de despedir a 2900 persoas nun proceso de Expediente de Regulación de Emprego.
Con estas mobilizacións preténdese demostrar ao banco que non estamos de acordo coa súa proposta de Despedimento Colectivo. Queremos que se reduza o número de persoas implicadas e que quen, voluntariamente desexe finalizar a súa vida profesional no banco, poida facelo dignamente.
Mentres que se pretende despedir a tantas persoas neste proceso de ERE salvaxe, non cesan as prácticas ilegais de prolongación de xornada, que tantas veces se denunciaron ante Inspección de Traballo, ademais de poñer en risco a viabilidade futura da empresa.
Circular 14.10.2016 Terceira reunión da Mesa Negociadora
Continúa o calendario de mobilizacións
Grupo Banco Popular: xornada de manifestacións en A Coruña contra o ERE
O 13 de Outubro, coincidindo con unha nova xuntanza da Mesa Negociadora, a Representación Legal dos Traballadores, excepto SEGRUPO, voltamos a movilizarnos. En Galicia, a concentración fíxose na Coruña, frente a Fundación Barrié. Fai un mes que o Banco Popular comunicou a sua intención de levar a cabo un E.R.E. que seguimos vendo non xustificado. Un mes no que a Alta Direción segue sen dar a faciana perante os sus empregados asumindo a súa responsabilidade. Un mes de adiantos insinificantes na negociación que impiden chegar a unha solución consensuada.
Por estas razóns, seguiremos a facer novas concentracións en horario de tarde, para posibilitar a participación dos compañeiros.
Novas movilizacións: Xoves, 20 de Outubro, en Vigo. Mércores, 26 de Outubro, en Ourense. Esperámoste !!
¡¡ Non sobramos 2.900 !!
DEFENDE O TEU POSTO DE TRABALLO
Novas movilizacións: Xoves, 20 de Outubro, en Vigo. Mércores, 26 de Outubro, en Ourense. Esperámoste !!
¡¡ Non sobramos 2.900 !!
DEFENDE O TEU POSTO DE TRABALLO
Concentracións en todo o estado rexeitando un ERE salvaxe
Plan Banco Popular e Pastor: deixar sen traballo 435 familias en Galicia
O pasado 15 de setembro a dirección do Grupo Banco Popular anunciou un proceso de reestruturación que terá como resultado o espedimento Colectivo de 2.900 traballadores e traballadoras dos Bancos Popular e Pastor e o peche de 300 oficinas , en todo o Estado. A repercusión esta medida en Galiza será importante, na medida en que as 435 persoas afectadas supoñen o 25% do cadro de persoal destes dous bancos. Hoxe os traballadores saíron á rúa en Santiago.
