As persoas traballadoras do comercio alimentación dicimos BASTA XA! Nas asembleas celebradas o 8 de maio decidimos que NON estamos dispostas a seguir soportando a discriminación nas condicións salariais e sociais do convenio en Ourense. Por UNANIMIDADE, acordouse convocar unha xornada de folga o venres 16 de maio de 2025.

Non se pode seguir xogando coa precariedade mentres as empresas da patronal acumulan beneficios escandalosos mentres nós seguimos sendo de segunda.
 

Cando comeza a folga?

A folga comeza legalmente o xoves 15 de maio ás 22:00 horas, para que tamén poidan sumarse as/os que entren en quenda nocturna. A mobilización manterase durante todo o venres 16 de maio no sector do Comercio Alimentación dos concellos da provincia de Ourense.
 

Onde e cando reunirse?

Convócase a todo o persoal das empresas afectadas para secundar a folga e reunirse ás 7:30 da mañá diante da Casa Sindical no parque de San Lázaro, desde onde se organizarán os piquetes informativos.
 

Manifestación

Ás 12:00 horas realizarase unha manifestación que partirá do Gadis de O Couto, percorrendo as tendas da cidade.

A túa participación é fundamental desde primeira hora, así como a asistencia á manifestación. Só coa unión de todas e todos conseguiremos mellorar as nosas condicións laborais.
 

Desde a representación sindical LEMBRAMOS

• A folga é un dereito fundamental da Constitución e está legalmente comunicada.
• Tes dereito a participar e a faltar ao traballo o día 16 de maio.
• Non existen servizos mínimos obrigatorios neste sector. Se alguén che di o contrario, avísanos de inmediato.
• Non tes que informar á empresa se vas facer folga, nin responder a preguntas dos responsables de tenda sobre a túa decisión. Xa o saberán no momento de secundala.
• Non poden substituírte por persoal doutras tendas ou provincias. Se isto ocorre, denunciaremos a situación.
• O desconto polo día de folga é de 1,4 días de salario segundo a categoría e nómina. Se che falan de cantidades esaxeradas, non te deixes enganar: é para desanimarte.
•  A folga é un dereito. A túa participación é imprescindible se queres mellorar as túas condicións de traballo.
• A perda dun día de salario compénsase de sobra coas melloras que entre todas e todos podemos conseguir.

O sector do comercio da alimentación en Ourense está a demostrar que non vai tolerar máis ser tratado como persoal de segunda. Tras anos de salarios estancados no SMI, mentres a patronal presume de beneficios espectaculares, o persoal respondeu con forza e unidade.

O pasado 30 de abril, persoas traballadoras do sector participaron nas concentracións convocadas polos catro sindicatos (CCOO, UGT, CIG e USO) diante dos principais supermercados da cidade: Froiz das Lagoas, Gadis de Concello, Aquié en Dr. Fleming, Froiz de Habana, Plenus Remedios e Gadis do Couto. As protestas foron un éxito rotundo, visibilizando a indignación e a determinación do sector. A resposta do persoal foi masiva, deixando claro que a loita polos dereitos laborais conta co apoio da maioría.

Unha patronal inmóbil ante propostas xustas
Na mesa de negociación, a patronal segue sen escoitar a principal demanda do persoal:
• Salariais: 18.100 € anuais para 2025 e 19.500 € para 2026.
• Resto: Equiparación das mellores condicións do resto de provincias galegas.
En Ourense, queremos e temos dereito a xogar na primeira división.

Asemblea decisiva o 8 de maio
Ante esta situación, os sindicatos mantemos a unidade de acción e convocamos a todo o persoal a unha asemblea decisiva para decidir os próximos pasos e posibles novas mobilizacións:
• Xoves, 8 de maio
• Sala Sindical do edificio de sindicatos, San Lázaro
• Horarios: 11:00 e 18:00

Mensaxe clara da representación sindical
“As concentracións foron un éxito e demostraron que non estamos dispostos a seguir sendo o último furgón de cola”, as organizacións sindicais témolo claro. “Se a patronal non muda de postura, a loita continuará e as mobilizacións escalarán. A dignidade non se negocia”.

Pretender que a negociación se realice con mediadores e non, como sempre, na mesa, é unha nova tomadura de pelo. Os catro sindicatos estamos preparados para traballar desde unha clara e inequívoca unidade de acción sindical.

Desde a representación sindical dicimos que este é o momento de que se escoite a voz dos cadros de persoal para conseguir, por fin, o obxectivo: Un convenio digno, con salarios e condicións laborais equiparables ao resto de compañeiros e compañeiras doutras provincias.

Concentraremos toda a nosa forza

Mércores, 30 de abril

• 12:00 a 12:30 : FROIZ das lagoas (Alfonso Castelao 2)
• 12:45 a 13:15 : GADIS de Concello (Rua Concello 5)
• 13:30 a 14:00 : AQUIÉ (Doctor Fleming 30-32)
• 18:00 a 18:30 : FROIZ de Habana (Avenida Habana 35)
• 18:45 a 19:15 : PLENUS Remedios (Remedios 58)
• 19:30 a 20:00 : GADIS do Couto ( Ervedelo 52)

Para que a túa voz soe con forza, participa!  Xuntas e xuntos, somos máis fortes.  A loita é de todas e todos.

____________________________________

Actualización: Durante todo o día, mobilizámonos diante de supermercados da provincia. As traballadoras e traballadores da alimentación dicimos: ABONDA XA! Non queremos ser máis unha excepción. Queremos un convenio digno, como o do resto de provincias!

 Non somos menos que outras tendas de Stradivarius! Esiximos os horarios 3-2-1 (3 tardes, 2 mañás e 1 día libre) para poder conciliar a nosa vida laboral e persoal.

•  A situación económica do noso centro non é peor ca doutras tendas onde xa se aplican estes horarios. É só unha cuestión de vontade empresarial!
• Inditex discrimínanos en Ourense. Négase a aplicar un modelo xusto e mantennos como traballadoras de segunda dentro do grupo.
• NON O IMOS PERMITIR. Queremos os mesmos dereitos que as nosas compañeiras doutras provincias.

CONCENTRACIÓN

Xoves 3 de abril
12:00 h
Centro Comercial PonteVella

Acode e fagámonos escoitar! Xuntas somos máis fortes.

Convocamos a todos os traballadores e traballadoras a mobilizarse este luns 16 de decembro, ás 12:00 horas diante do GADIS da rúa Concello (Ourense).

NON IMOS CALAR! Mentres GADIS acumula millóns en beneficios, o seu persoal sofre explotación, incumprimentos legais e acoso laboral. Por iso, organizámonos e loitamos por un cambio que non pode esperar.

Cal é o problema?

GADIS está vulnerando os nosos dereitos básicos como traballadores:

• Non quere negociar co comité de empresa os asuntos salariais, remítenos ao convenio colectivo de alimentación.
• Non respecta os descansos semanais obrigatorios, incumprindo o convenio colectivo.
• Ameaza con peches de tendas e endurecemento dos horarios cando lle esiximos que cumpra coa lei.
• Obriga a soportar unha sobrecarga laboral insostible, porque non cobren baixas, vacacións ou permisos.
• Non paga os excesos de xornada realizados, un auténtico abuso que só agrava a precariedade.

Ademais, moitos compañeiros e compañeiras denuncian situacións de acoso laboral por parte dalgúns encargados/as, que actúan como se non houbese normas nin respecto polas persoas traballadoras.

Por que nos mobilizamos?

Os traballadores e traballadoras de GADIS decidimos dicir: Abonda xa! Non estamos dispostos a seguir sendo tratados como escravos modernos. Loitamos por:

• Respecto: Condicións laborais saudables, sen acoso nin abusos.
• Cobertura das ausencias: Substitución de baixas, vacacións ou permisos, evitando a sobrecarga dos equipos.
• Compensación económica xusta: Que se recoñeza a antigüidade e se paguen os excesos de xornada.
• Melloras salariais: Revisión xusta que reflicta o custo da vida actual e o esforzo realizado en áreas como pescadería, carnicería ou reposición.

Chamamos á solidariedade de todos e todas

A explotación ten límites! Non podemos aceptar que GADIS, mentres se enriquece ás nosas costas, nos leve á precariedade laboral e á deterioración da nosa saúde física e mental.

Se ti tamén estás farto/a de que as empresas abusen do seu poder, únete a nós este luns, 16 de decembro, ás 12:00 horas, diante do GADIS da rúa Concello en Ourense.

Xuntos somos máis fortes. Non temos medo!

Organizan: CCOO, USO, CIG

____________________________________

Actualización: O 16 de decembro concentrámonos contra a explotación en GADIS. Imaxes e vídeo da concentración:

Este acordo, con vixencia para o período 2023-2024, introduce cambios significativos nas condicións laborais das persoas traballadoras do sector.

Un dos aspectos máis destacados do acordo é a introdución dun sobresoldo do 75% para o traballo nocturno, o cal supón unha importante mellora no pagamento das horas realizadas nesa franxa horaria.

No que respecta á xornada laboral, establécese que os traballadores con xornada intensiva deberán finalizar o seu turno ás 15:30 horas, mentres que aqueles con xornada parcial o farán ás 14:30 horas. Neste último caso, o persoal recibirá unha compensación do 50% do valor da hora ordinaria por cada hora realizada a partir das 15:00 horas e do 30% do tempo excedente desde as 14:30 horas. Ademais, aquel que traballe máis de 5 horas terá dereito a un descanso retribuído de 20 minutos, mentres que aqueles que realicen xornadas intensivas de 8 ou máis horas poderán gozar dun descanso de 30 minutos, dos cales 20 serán retribuídos.

No que respecta aos sábados, aquel traballador que desempeñe a súa actividade nun establecemento con xornada continua durante todo o ano terá dereito a gozar de dez sábados libres ao ano, agás no mes de decembro. A elección dos días libres será acordada entre a empresa e o traballador, aínda que poderá ser denegada por razóns organizativas. Con todo, garantirase que os traballadores poidan gozar destes días ao longo de todo o ano. Para o ano 2023, cada traballador terá un día libre por cada mes completo que reste ata o remate do ano, excluíndo decembro. Estes dez sábados libres para o ano 2024 deberán ser reflictidos no calendario anual de horarios. É importante destacar que o gozo destes días libres non implicará unha redución da xornada laboral. Ademais, contémplase un permiso non retribuído de 30 días naturais, que deberá ser solicitado por escrito con 30 días de antelación.

O acordo tamén establece que o calendario de persoal deberá ser negociado e asinado antes do 1 de decembro para a súa aplicación a partir do 1 de xaneiro do ano seguinte. Nas empresas con menos de 4 traballadores manteranse os prazos establecidos no texto anterior.

En canto á redución da xornada por motivos de garda legal, amplíase a posibilidade de reducir a xornada ata os 14 anos, sen especificar o horario concreto.

Outra modificación importante é a eliminación da categoría de Axudante. O acordo tamén inclúe unha definición clara de grupos e categorías profesionais, co obxectivo de proporcionar máis claridade e transparencia no ámbito laboral.

No que respecta aos aspectos salariais, establécese un incremento do 3% para o ano 2023 e do 3% para o ano 2024. Ademais, se a suma do IPC real dos anos 2023 e 2024 supera o 6%, con límite do 8%, as táboas salariais serán actualizadas coa diferenza como base para a negociación do ano 2025.

Con este novo acordo, os traballadores do comercio téxtil de Ourense poderán gozar dunhas mellores condicións laborais e salariais para os próximos dous anos.

"Levámolo dicindo durante todo o verán, despois de que a CEOE se erguese da mesa de negociación: "salario ou conflito". É unha cuestión de principios", sinalou a dirixente sindical ante os medios de comunicación.

"A clase traballadora non pode pagar o custo da crise. Fálase moito de pacto de rendas, pero a patronal só quere oír falar del cando os traballadores e as traballadoras sexan quen asuman o custo da crise, por iso cómpre actuar tamén sobre os beneficios empresariais", clarificou a sindicalista.

Hoxe venres, 7 de otubro, a secretaria xeral de CCOO, canda o seu homólogo da UGT, estarán na concentración convocada en Ourense, ás 12 horas, diante da patronal provincial.

O Xulgado do Social núm. 1 de Ourense condena a Centros Comerciales Carrefour, S. A., de Ourense a lle aumentar a xornada laboral a unha traballadora e a indemnizala economicamente polo lucro cesante. A empregada, con máis de 25 anos de antigüidade, tiña xornada a tempo parcial e solicitara ampliala para traballar a tempo completo, ao considerar que se reunían os requisitos fixados no convenio colectivo. Ler máis

O Banco alega razóns organizativas e económicas para acometer o despedimento masivo de 3.798 persoas, mentres a cúpula directiva consolida remuneracións de centenares de millóns de euros anuais. Por iso, 6.000 empregadas e empregados do banco e parte das súas familias, manifestámonos fronte á sede territorial de quince cidades de todo o territorio estatal, para dicir basta a este Despedimento Colectivo.

Unha clara demostración de unidade do persoal e os seus representantes sindicais, que nos dá forza para afrontar unha negociación que empezou o pasado día 6 de maio coa entrega do Informe Técnico e que continuará o vindeiro mércores día 12 de maio.

 O persoal e as organizacións sindicais falaron e BBVA debe escoitarnos, porqué non estamos dispostos a calar ante esta maiúscula inxustiza.

É incrible a actitude de desprezo do Banco pretendendo pechar centenares de oficinas, deixando en risco de exclusión financeira a amplos sectores sociais, como o das persoas maiores ou co peche da única oficina de moitas poboacións e, por iso, tamén cara ás traballadoras e traballadores das devanditas sucursais.