O persoal de Tragsatec irá á folga mañá martes, 12 de xaneiro, para amosar o seu rexeitamento ao ERE no Grupo Tragsa. CCOO denuncia que a execución do ERE comezou en pleno Nadal, cando, tras recibir o aval do Tribunal Supremo, foron notificados os primeiros despedimentos.

Mediante este despedimento colectivo, Tragsa prevé prescindir de 1.336 traballadores e traballadoras, 117 en Galicia. Isto, malia que a empresa pública ten reservas voluntarias por valor de 261 millóns de euros, critica Comisións, que concitou a unanimidade da oposición política en Galicia contra o ERE.

CCOO denuncia que mentres isto acontece, a empresa segue aboándolles aos seus directivos e mandos intermedios unha paga por obxectivos denominada «dirección por obxectivos». Ademais, nos últimos meses seguiuse contratando persoal eventual en todas as oficinas da empresa no estado, o que para o sindicato é a proba de que aumentou a carteira de pedidos da compañía.

Por último, o sindicato lembra a «millonaria» débeda das Administracións públicas co grupo Tragsa, que superaba os 460 millóns o pasado mes de novembro. Débeda, ademais, sete veces superior á previsión de perdas acumuladas entre 2014 e 2019.

+ Para máis información:

• Claudio Landeira, delegado de CCOO en Tragsatec: 649 684 220

CCOO gaña as eleccións celebradas o día 17 de dicembro no centro de traballo de A Coruña de Mutua Universal. CCOO pasa de non ter ningún representante, a unha delegada.

Parabéns para a nosa nova delegada Teresa. Dende CCOO queremos agradecer ás traballadoras/es de Mutua Universal, a confianza depositada na nosa organización.

Por fin tenemos un principio de solución al tema, no es la que esperábamos pero si es un avance para mejorar la condiciones en la que algunos compañeros y compañeras nos toca trabajar dadas las condiciones climáticas de nuestra zona de ventas.