A Federación de Servizos de CCOO reúnese cos grupos parlamentarios para tratar a situación do Banco Popular
A Federación de Servizos de CCOO de Galicia está a manter reunións cos distintos grupos parlamentarios galegos para abordar a problemática xurdida por mor da venda do Grupo Banco Popular ao Banco Santander. Hoxe celebráronse reunións cos grupos políticos En Marea e Partido Popular , estando previsto para mañá, día 14, un encontro co PSG.
Nas xuntanzas de hoxe, a delegación de CCOO-Servizos estivo integrada pola secretaria xeral, Lucía Trenor, a responsable da sección sindical do Banco Popular, Carmen Peteiro, e polo responsable do sector financeiro de CCOO, Francisco Villares. Segue
Xosé González, elixido Secretario Xeral no Plenario da Sección Sindical de CCOO Teleperformance Galicia
O pasado martes 6 de xuño tivo lugar o plenario da sección sindical de CCOO Teleperformance Galicia, no que se debateron os plans de traballo para realizar en Galicia, ademais de elixirse os novos órganos de dirección.
Saíu elixido co 100% dos votos tanto o novo secretario xeral, Xosé González Paz, coma a nova executiva, composta por 4 persoas de distintas campañas.
No plenario valoramos o plan de traballo desta sección sindical, e debatemos sobre os problemas máis importantes que afectan ao persoal de Teleperformance, de cara a buscar solucións para cada un deles, temas coma formación, saúde laboral, conciliación ou incentivos.
Santander adquire Banco Popular: A principal preocupación é a defensa do emprego
Ante a difusión hoxe en medios da decisión da Xunta de Resolución Bancaria Europea da adxudicación de Banco Popular a Banco Santander, dende a Federación de Servizos de CCOO en Galicia queremos pór de manifesto que esta noticia debe significar a finalización da incerteza que levan padecendo nas últimas semanas os máis de 1.400 traballadores e traballadoras do Grupo Banco Popular en Galicia. Segue
CCOO Servizos revalida a súa maioría nas eleccións de Allianz en Galicia
O pasado oito de maio tiveron lugar as votacións de Allianz en todo o Estado, e en Galicia para elixir aos delegados dos centros de Coruña, Vigo, Lugo e Ourense. Nesta ocasión o persoal volveu a escoller de forma maioritaria a candidatura de CCOO.
Primeiro de Maio en Galicia: que a recuperación chegue xa a toda a cidadanía
Miles de persoas participaron nas manifestacións que CCOO e UGT convocaron en toda Galicia (A Coruña, Ferrol, Santiago, Lugo, Viveiro, Ourense, Pontevedra, Vilagarcía e Vigo) para conmemorar este Primeiro de maio e reclamaron que a recuperación chegue xa ao conxunto da cidadanía. Para isto, cómpre que os gobernos, o central e galego poñan riba da mesa todos os mecanismos necesarios para garantir emprego estable, salarios xustos, pensións dignas e máis protección social.
CCOO Servizos gaña as eleccións en Aliseda SGI A Coruña
Onte, 26 de abril, celebráronse eleccións para escoller o delegado de persoal que corresponde ao censo dos 18 traballadoras/es de Aliseda A Coruña. A actividade desta empresa intégrase dentro do sector Servicer, e os seus traballadores proceden dos sectores de banca e inmobiliario
Cabe destacar que son as primeiras eleccións neste centro de traballo, as segundas a nivel do Estado, carecendo até o de agora de representación sindical. Do mesmo xeito que na Coruña, CCOO está promovendo procesos electorais noutros centros, tales como Valencia e Málaga.
É importante resaltar o esforzo que está a facer CCOO para que ningún centro de traballo vencellado ao sector bancario quede sen representación sindical. Os traballadores de Aliseda Coruña agradecen a axuda prestada para exercer o seu dereito a elixir ao seu representante ante a empresa.
CCOO quere expresar o seu agradecemento ás persoas que participaron neste proceso e en especial ás que co seu voto depositaron a súa confianza nas Comisións Obreiras.
Firmado o Convenio Colectivo de Hostalaría da provincia de A Coruña que beneficiará a 20.000 traballadoras e traballadores
O 24 de abril de 2017, despois dunha intensa negociación que viña desenvolvéndose desde a finalización da vixencia do anterior convenio en decembro de 2015, conseguimos chegar a un acordo de Convenio Colectivo para o sector da hostalaría da Provincia da Coruña.
O acordo está asinado polas centrais sindicais CCOO e UGT sobre a base do anterior texto de Convenio Colectivo, cunha serie de melloras que queremos destacar:
- Vixencia 2016-2018.
- Xornada máxima anual de 1792 horas, con control de presenza diario e rexistro de hora de entrada e saída.
- Descanso de 15 minutos para xornadas de cinco horas ou máis.
- Salario 2016 sen incremento.
- Salario 2017 Incremento sobre táboas do 1,5% con revisión de IPC
- Salario 2018 Incremento sobre táboas do 2% con revisión de IPC
- Ultraactividade do convenio unha vez finalizado e mentres se negocia un novo, ata 24 mes máis do que indique a lei.
Conseguimos que por fin apareza por escrito no Convenio Colectivo a OBRIGATORIEDADE DE CONTROL DE PRESENZA DIARIO CON REXISTRO DE ENTRADA E SAÍDA, como un paso primordial para poder controlar os excesos de xornada diarios, a falta de descanso diario e semanal, o traballo en festivos sen que estes se recuperen ou a fraude da contratación a tempo parcial daquelas persoas que fan tantas horas extras que chegan a tempo completo.
A dificultade de incluír este artigo, vese reflectida en que unha parte da patronal negouse a asinar o acordo de Convenio Colectivo.
CCOO non vai parar ata conseguir que a famosa frase de que "na hostalaría non hai horarios", quede no esquecemento e os traballadores e traballadoras de Hostalaría poidan ter unhas condicións de traballo que lles permitan conciliar a súa vida laboral e familiar, tal e como fan o resto de traballadores e traballadoras deste país.
Publicado o Convenio Colectivo Comercio Alimentación de A Coruña
Trala sinatura do preacordo e tal como se informou o vinte de decembro de 2016, CCOO decidiu non asinalo en base a:
- Por unha parte ao recorrido que aínda quedaba para o proceso negociador e a posibilidade de iniciar campañas de mobilizacións e folga
- Por outra a unha serie de temas fundamentais que era importante mellorar respecto ao convenio anterior:
- Non reduce a xornada laboral: é un dos convenios coa xornada anual máis alta e non considera un mínimo de sábados libres ao ano
- Non regula o control de presenza polo que se seguirán producindo prolongacións irregulares de xonada
- O incrementos salariais son insuficientes
- Non referencia o mantemento do poder adquisitivo ao IPC
CCOO Servizos obtén toda a representatividade en DÉCIMAS (A Coruña, Ferrol e Santiago)
BBVA: non máis despedimentos, non hai razóns
BBVA despediu a 50 traballadoreslas nos últimos meses, polo que o banco considera"baixa produtividade, intencionada e voluntaria". Nada máis lonxe da realidade: o banco obtivo este ano uns beneficios de 3. 475 millóns de euros, todo para manter unhas inmorais retribucións de 2. 200 Directivos, faltos de talento para o posto que desempeñan e que son incapaces de acadar as cifras de beneficios que xustifiquen as súas altísimas remuneracións.
Están preparando o terreo para acelerar o "Banco Dixital"e atentar agora contra o emprego de todos e todas nós. A Reforma Laboral de 2012 favorece a impunidade empresarial para levar a cabo estes despedimentos inxustos, que o banco, nos xulgados, recoñece como improcedentes, pero que deixan na rúa a 50 familias. Ademais, con estes despedimentos,"pinga a pinga", BBVA persegue manter amedrentado a todo o seu persoal.
Ante esta actitude dos novos responsables de Recursos Humanos en BBVA, que destrúe emprego, o conxunto da representación sindical de BBVA mobilizámonos co cadro de persoal para ir desenvolvendo as accións necesarias ante a sociedade, que deixen en evidencia o falso discurso de Ética e Responsabilidade Social que manexa o BBVA. Atentar contra o emprego é agredir ao personal así como unha irresponsabilidade social.
10 de Marzo - Día da Clase Obreira Galega do 2017
Hoxe, 10 de Marzo de 2017, conmemoramos o aniversario daquela tráxica data de loita, pero tamén de honra e de dignidade da clase obreira galega. Daquela, os traballadores e traballadoras da Bazán pelexaban polo seu convenio colectivo, por un salario digno, contra a carestía da vida, por mellores condicións de vida e polas liberdades democráticas. Hoxe, 45 anos máis tarde, a cerna daquelas reivindicacións é a mesma: seguimos loitando polos convenios colectivos, porque son o único instrumento válido para mellorar as condicións laborais das traballadoras e traballadores e porque con eles se aplica a primeira repartición da riqueza nas empresas.
Concentracións fronte ás sedes das patronais en defensa da negociación colectiva
UGT-Galicia e o S. N. de CCOO de Galicia convocaron para hoxe mércores, día 22 de febreiro, concentracións fronte ás sedes das patronais en defensa da negociación colectiva. Os sindicatos lembran que o actual escenario económico vén definido polo continuo do crecemento do produto interior bruto, un 3,3 en Galicia en 2016 e uns prognósticos de aumento para 2017 do 2,4 %. CCOO e UGT entenden que esta incipiente recuperación da economía se debe traducir nunha mellora, tamén, do poder adquisitivo dos salarios, desvalorizados tras máis de oito anos de crise.
O dereito a gañar o mesmo
Cando falamos de brecha salarial nosa cabeza vai a "as mulleres cobran menos que os homes por igual traballo" exclusivamente, sen mirar outros factores que inflúen directamente nesta diferenza.
O primeiro que temos que reflexionar é que a brecha salarial é unha discriminación directa cara ao sexo feminino e vai aumentando coa idade. Que significa isto?, é ben sinxelo, a brecha salarial aumenta a medida que o fai a idade das traballadoras, e non deixa de crecer desde os 30 ata a idade de xubilación, o que terá consecuencias nas pensións do futuro. Ao chegar a idade de xubilación os homes cobrarán máis que as mulleres co que nos atopamos ante unha circunstancia tan real como denunciable e é o empobrecimiento da muller unha vez finalizada a súa etapa laboral
Mobilizacións o día 19 en toda Galicia «por uns salarios e emprego dignos»
CCOO e UGT convocan mobilizacións nas principais cidades e vilas galegas (A Coruña, Santiago, Ferrol, Lugo, Ourense, Pontevedra e Vigo) para o vindeiro domingo, día 19. Os sindicatos denuncian que, mentres soben os prezos, os salarios perden poder adquisitivo e aumenta a desigualdade.
-Santiago: 12 h, Alameda-Praterías
-Ourense: 12 h, ao redor da Subdelegación do Goberno
CONCENTRACIÓNS
-A Coruña: 12 h, Delegación do Goberno
-Ferrol: 12 h, edificio da Xunta
-Lugo: 12 h, Subdelegación do Goberno
-Pontevedra: 12 h, Subdelegación do Goberno
-Vigo: 11.30 h, museo MARCO
Contra o abuso patronal en ABANCA. Non aos despedimentos
- A asignación duns obxectivos comerciais para 2017 incompatibles coa evolución prevista dos mercados en que operamos e a nosa cota nos mesmos.
- A arbitrariedade coa que se están producindo despedimentos e a posta "en seguimento" de varios compañeiros, ignorando as circunstancias laborais (baixas prolongadas, vacantes non cubertas) e rebaixando o logro de obxectivos ata que "din o que quero".
Convocatoria asembleas nivel II Federación de Servizos
De conformidade ao Anexo Organizativo da Federación de Servizos de Galicia aprobado na reunión do Consello Federal o pasado 14 de setembro, e en cumprimento das Normas Congresuais aprobadas no Consello Confederal o pasado 11 de xullo de 2016, así como das Normas Congresuais sobre o II Congreso da Federación de Servicios de CCOO, aprobadas no Consello Federal, acórdase o presente Regulamento sobre o desenvolvemento do proceso de asembleas congresuais de NIVEL II do ámbito de CCOO Servizos Galicia.
Regulamento asembleas congresuais nivel II Reglamento asambleas congresuales nivel II
CCOO Servizos estrea representatividade na empresa Alimentación Saludable
No día de hoxe culminou o proceso de eleccións sindicais na empresa Alimentación Saludable, do sector de Restauración Colectiva e que desenvolve a súa actividade en comedores escolares e en actividades extraescolares.O resultado das votacións deu como vencedor a CCOO cunha nova delegada, sendo esta a única candidatura que se presentou.
CCOO agradece o apoio do persoal pola súa participación democrática e polo apoio outorgado á nosa candidata, comprometéndonos a traballar para ser útiles e eficaces e poder intervir con máis garantías no devir da empresa e do sector.
Resultados asembleas nivel I convocadas por CC.OO. Servizos na provincia de A Coruña
Listaxe delegadas/os elixidos provincia de A Coruña