O Consello Federal reunido o 14 de setembro de 2016 procedeu á convocatoria do II Congreso CC.OO. Servizos de Galicia, que terá lugar en Santiago de Compostela o trece de marzo de 2.017.

O proceso congresual iniciarase o día doce de decembro de 2016 coas asembleas de primeiro nivel e, en sentido ascendente, culminará coa celebración do II Congreso da Federación de Servizos de Galicia.

Na documentación queda anexado con data 20.09.2016 o documento específico de contido organizativo sobre o desenvolvemento do proceso .

Anexo GL Anexo ES

A Federación de Servizos de CCOO de Galicia quere saír ao paso das declaracións vertidas na prensa por parte da Patronal de Grandes Almacéns (ANGED), nas que vén dicir que deixar fóra das devanditas zonas ás grandes cadeas de distribución evita a competitividade das tendas físicas vs tendas online e evita a creación de centos de postos de traballo que serían necesarios para atender un horario comercial máis amplo.

É necesario aclarar que a Patronal ANGED xa vén pedindo desde hai moitos anos a liberalización total do comercio e só grazas ao rexeitamento dos Sindicatos e do Pequeno Comercio se puido evitar. 

Esta Patronal sempre argumenta que esta liberalización vai crear emprego, e con todo, ano tras ano o que fai é precarizar a situación no sector, asinando convenios cos seus sindicatos afíns que van minguando as condicións de traballo nos centros. Só no último convenio pasouse a aumentar a xornada en 28 horas anuais e deixar de remunerar os domingos e festivos pasando a traballarse coma se dun día máis se tratase (co que nos podemos imaxinar en que situación nos quedariamos se, como pretenden, nos fan abrir todos os domingos e festivos do ano). Segue

Tal como informábamos o día vinte deste mes, volvemos a concentrarnos esixindo a readmisión do compañeiro despedido.

No día de hoxe reuníronse nos locais de CCOO en Santiago, os delegados e delegadas de ALCAMPO de Galicia.

Este ano finaliza a vixencia do Convenio Colectivo de Grandes Almacéns,(ANGED), polo que desde a Federación de Servizos de Galicia iniciamos xuntanzas de todos os delegados/as para preparar estas negociacións.

O obxetivo desta xuntanza :

• Debatir e propoñer os temas e puntos para a negociación.

• Elaborar puntos para incluir na plataforma de CCOO.

• Información e traslación da negociación.

Todos os acordos aos que se chegue trasladaranse á Sección Sindical Estatal, para que, en coordinación co resto de Seccións Sindicais Estatais, elabore a plataforma e negociar o próximo convenio.

A Federación de Servizos de CCOO de Galicia gañou as eleccións sindicais celebradas hoxe en Zara Ourense. Despois dun proceso conflitivo, a candidatura proposta polo sindicato logrou tres delegados, mentres que UGT e USO acadaron un e CIG non conseguiu representación.

Resulta especialmente positivo este resultado, así como o apoio recibido polas candidaturas de CCOO tanto no colexio de técnicos como no de especialistas, por canto gaña as votacións nos dous ámbitos electorais e, nesta ocasión, competindo con outras tres candidaturas sindicais, mentres que hai catro anos só se presentara CCOO, que obtivera catro delegados, e CIG un.

Abanca despide a un traballador sen motivo xustificado polo que nos concetramos hoxe en Ourense esixindo a súa readmisión. Haberá máis concentracións o 24 e 26 de maio.

Segundo CCOO-Servizos, existen diferenzas salariais e en materia de dereitos sociais entre o persoal destas empresas, incluso no caso das encadradas na mesma comunidade autónoma. En concreto, o sindicato destaca as diferenzas entre o colectivo de traballadores e traballadoras da rede de tendas respecto do departamento loxístico da empresa.

O vindeiro 5 de abril terá lugar en Santiago a primeira reunión de representantes da Federación de Servizos de CCOO Galicia no Grupo Inditex, onde, entre outras cuestións, se analizará a situación da Negociación Colectiva das marcas que forman parte dese grupo (Zara, Berska, Stradivarius, Lefties, ...).

Unificar criterios en canto a negociación, potenciar a coordinación para aproveitar os recursos que o sindicato pon á súa disposición, mellorar a comunicación e aumentar a afiliación serán cuestións que centrarán o encontro.

Preténdese incrementar o compromiso de posta en común periódica aportando experiencias e intercambiando criterios sobre problemática laboral e traballo sindical, así como coñecer de primeira man a situación do personal de cada centro de traballo. 

CCOO Servizos gaña as eleccións por segunda vez consecutiva en Ourense Grupo Cuevas con 9 representantes. Nesta ocasión unha parte da candidatura da CIG se integrou na de CCOO polo que esta última foi a única presentada.
Agradecemos a participación e a confianza posta na candidatura de CCOO

	2015	2011
CCOO	9	9
CIG	-	0