Xornada sobre igualdade, acción sindical e comunicación
Celebrada hoxe, dezasete de xuño, e organizada pola Federación de Servizos, o obxectivo deste encontro foi promover unha xornada de reflexión e análise dos recentes cambios lexislativos que afectan por un lado, ás medidas de igualdade e conciliación, e por outro ao incremento do salario mínimo interprofesional, establecidos respectivamente polos Reais Decretos 6 e 8/2019 e 1462/2018.
A velocidade no cambio das estratexias comunicativas e as súas adaptacións á realidade sindical ocuparon a análise adicada ao relatorio de comunicación.
Contou coa presenza e intervencións de: Verónica Martínez Barbero, presidenta do Consello Galego de Relacións Laborais; Chema Martínez, secretario xeral da Federación de Servicios de CCOO; Lucía Trenor, secretaria xeral da Federación de Servizos; Ramón Sarmiento, secretario xeral do Sindicato Nacional de CCOO de Galicia; Cristóbal González, secretario xeral da Unión Comarcal da Coruña; Isabel Fernández, secretaria de organización e muller da Federación de Servizos; Juan Zas, secretario de Acción Sindical da Federación de Servizos
Negociación do diagnóstico do I Plan de Igualdade de Zara Home España
Tras producirse a constitución da mesa negociadora, acordamos na devandita reunión levar a cabo un calendario de traballo a fin de iniciar a negociación do Plan de Igualdade de Zara Home.
Segundo este calendario, unha vez revisados os datos achegados pola empresa para realizar o diagnóstico de situación, a representación legal das persoas traballadoras debía realizar unha petición de ampliación dos mesmos se o consideraba necesario e enviar as primeiras propostas para o plan en materia de acceso e contratación. Ler máis
Feminismo de clase
NÓS, as mulleres de CCOO organizámonos nun sindicato de clase, solidario, internacionalista, que busca transformar a sociedade para que sexa máis xusta. E moitas de nós estamos afiliadas e organizadas tamén en organizacións feministas. Ler máis
CCOO logra constituir as mesas de igualdade no Grupo Inditex
CCOO veu impulsado que todas as empresas do Grupo Inditex puxesen en marcha o comezo da renovación e negociación dos plans de igualdade, como garantía de dereitos e oportunidades para as mulleres no ámbito laboral. A Federación de Servizos de CCOO aborda a negociación de cinco Plans de Igualdade do Grupo Inditex: Pull&Bear, Bershka, Oysho, Zara, que renovan o I Plan de Igualdade, que xa chegaran ao final da súa vixencia e o I Plan de Igualdade en Kiddy´s Class.
CCOO e UGT congratúlanse do «éxito» da folga e da participación «masiva» nas mobilizacións
O Sindicato Nacional de CCOO de Galicia e UGT-Galicia congratúlanse do «éxito» da folga convocada hoxe polo sindicalismo de clase. O seguimento dos paros de dúas horas foi masivo, especialmente en grandes empresas e administracións públicas. Polo de agora, non houbo incidentes salientables nin no paro que da madrugada (entre as 00:00 e as 02:00), nin tampouco ao mediodía (das 12:00 ás 14:00).
