A responsabilidade de CCOO é velar polo persoal de DIA e a viabilidade de toda a empresa
Trala reunión mantida hoxe, o número de persoas afectadas sería, finalmente, de 1.586, o que supón unha desafectación de 478 persoas (un 21%). Ofrécense 341 vacantes que poden reducir o numero de persoas afectadas. Se houbese vontade sería relativamente sinxelo alcanzar un acordo unánime e útil para o futuro da entidade. Ler máis
Éxito da folga en DIA. #EnDIAnonSobraNinguén
A folga e as protestas do persoal de DIA tiveron un seguimento multitudinario. Isto ten moitísimo valor, sobre todo tendo en conta o ambiente que se creou nas tendas, onde os que se esconderon ante o problema tamén sementaron o medo e o desconcerto con mensaxes falsas.
Ante todo queremos darvos as grazas a todas e cada unha das persoas que hoxe decidistes loitar polo emprego en DIA, que decidistes alzar a voz para defender os vosos postos de traballo, que, a pesar de todo, quixestes lanzar unha mensaxe clara á empresa:
Cos nosos traballos non se xoga!!!!!! Ler máis
Concentración contra o ERTE anunciado por Bosch en Vigo
Hoxe venres, quince de marzo, concentrámonos diante de Bosch Services Vigo para expresar o noso rexeitamento polo ERTE anunciado para ese centro de traballo.
A causa probable estaría relacionada co ERE de Vodafone, un dos seus principais clientes, pero Bosch non detallou o impacto que tería para a súa empresa e, sen resolver iso, presenta o ERTE.
O ERTE afectaría a 800 persoas, con períodos de suspensión entre os dez días e os dous meses. Así mesmo, foron despedidas 200 persoas que prestaban servizos a través de empresas de traballo temporal.
CCOO convoca unha folga en DIA
Teleperformance A Coruña en folga
- Despedimentos disciplinarios inxustificados.
- Abuso da contratación eventual e precaria.
- Denegación das reducións de xornada de concrecións horarias.
- Plans de incentivos inalcanzables.
- Presións constantes nas campañas.
- Incidencias reiteradas en nóminas.
- Falta de control e transparencia ante os cambios constantes do persoal entre campañas, en determinados casos con perdas de categorías.