Archivado en Revision Salarial, Negociacion Colectiva, Sector Financiero, Condiciones de trabajo, Convocatorias, Sector Financeiro, Accion sindical
Haberá un paro de dúas horas entre as 8 e as 10 da mañá, antesala da folga de 24 horas prevista para o vindeiro 22 de marzo
O luns están chamadas á folga as 7600 persoas que traballan no sector financeiro en Galicia, máis de 152 000 en España
A Federación de Servizos de CCOO informa que o próximo luns, 26 de febreiro, están chamadas á folga as máis de 152 000 persoas que traballan no sector financeiro español, das cales 7600 o fa nen Galicia: 4800 no aforro, 2600 na banca e 200 en cooperativas de crédito. Haberá un paro de dúas horas entre as 8 e as 10 da mañá, antesala da folga de vinte e catro horas prevista para o vindeiro 22 de marzo, data coincidente coa celebración das Xuntas de accionistas de Caixabank e Banco Santander.
Ademais do paro, en Galicia haberá concentracións entre as 8 e as 10 horas na Coruña (Cantón Pequeno, n.º 1) e en Vigo (García Barbón, n.º 1 e Policarpo Sanz, n.º 44).
CCOO cualifica de «histórica» a convocatoria de folga no conxunto do sector, pois nunca antes se mobilizaran ao mesmo tempo a banca, o aforro e as cooperativas de crédito. «O luns atrasaremos dúas horas a nosa entrada ao traballo, mais avanzaremos tres anos para o futuro», advirten.
O sindicato insta as cúpulas directivas dun sector —que bateu todas as súas marcas de beneficios— a reverteren os seus aumentos de soldos e reparticións de dividendos para, co niso, incrementaren de maneira xusta os salarios do persoal, fixar un límite sectorial e por empresa do tipo de xuro dos empréstimos, reducir a carga laboral e presión comercial, así como dotar os centros de traballo do persoal axeitado para dar un servizo de calidade.
