Convocatoria e normas para o desenvolvemento do Plenario en Galicia da Sección Sindical de CCOO en LIDL SUPERMERCADOS
A Comisión Executiva da Federación de Servicios de CCOO, na súa reunión do pasado 1 de decembro de 2016, aprobou a convocatoria do Plenario de Constitución da Sección Sindical Estatal de LIDL SUPERMERCADOS que se celebrará en Madrid o próximo 9 de febreiro de 2017, así como as Normas de Funcionamento do mesmo.
A Dirección Provisional de CCOO Servizos Galicia, en cumprimento das normas aprobadas para este proceso pola C.E. Federal, así como do Regulamento interno de seccións sindicais aprobado polo Comité Federal o 20 de abril de 2015, adopta as seguintes normas para o seu desenvolvemento en Galicia.
Normas Plenario LIDL Galicia GL Normas Plenario LIDL Galicia ES
Información das Asembleas Congresuais de primeiro nivel de CCOO Servizos Galicia
A Dirección Provisional de CCOO Servizos Galicia, na súa reunión do 12/12/2016, aprobou a orde do día e regulamento das asembleas de agrupamentos de centros de traballo convocadas pola Federación, polo que publicamos a listaxe total de asembleas de primeiro nivel convocadas no ámbito da Federación de Servizos de Galicia. Achegamos o Regulamento e a orde do día para o seu coñecemento.
Novo acordo de condicións laborais en Adecco Outsourcing SAU na provincia de Pontevedra
Despois do acordo asinado o pasado mes de xuño sobre bolsa de horas, neste mes de decembro a representación de CCOO en Adecco Outsourcing SAU da provincia de Pontevedra alcanzamos un novo acordo coa empresa, esta vez sobre licenzas retribuídas, plus de distancia/desprazamento, entrega de vestiario e mobilidade xeográfica. Este acordo, como o anterior foi referendado en asemblea e por unanimidade dos asistentes.
Doutra banda, temos pendente un acordo sobre salarios que esperamos se poda asinar a finais do presente mes de decembro para que sexa de aplicación xa no ano 2017. Esta negociación baséase na procura do incremento de salarios sobre a base de acadar, nun período por determinar, os establecidos no sector de referencia, neste caso o de loxística da provincia de Pontevedra. Segue
Concentración contra o despedimento de dous delegados de CCOO de Eurostars Gran Hotel La Toja
En xuño de 2015, o grupo Hoteleiro Hotusa, tras facerse cargo da xestión do Gran Hotel La Toja, presentou ás traballadoras e traballadores cartas de subrogación nas que se garantían os postos e as condicións de traballo. Meses despois, e amparado en informes económicos desfavorables expresou a súa intención de pechar as súas portas en tempada baixa.
Mediante un ERTE establecéronse axustes nas xornadas laborais cun tope de 1.300 horas no ano 2016 para evitar pechar ao público, compensando períodos de menor e maior afluencia.
Porén, neste último verán a empresa negociou de forma individual cos afectados o cambio de contrato fixo a fixo discontinuo, evitando a negociación colectiva e presionando de todos os xeitos posibles para que os sindicatos aceptasen esta medida, feito ao que Comisións Obreiras non cedeu e ao que se opuxo rotundamente.
CC.OO asegura que as dúas persoas despedidas se caracterizaron polo firme rexeitamento ao expediente de regulación de emprego (ERE) formulado pola dirección do grupo Hotusa, que explota as instalacións. Asemade, denunciaron incumprimentos da cadea hoteleira, como o non pagamento das horas extras realizadas durante a vixencia do ERE, xa que o acordo asinado entre o comité e a dirección fixaba un máximo de 1.300 horas anuais, que se acabou superando. Tamén se opuxeron á destrución dos contratos fixos e de maiores de 55 anos, que foron sustituídos por fixos discontinuos, por xente xoven con salarios de miseria e alumnos en prácticas.
Cabe salientar que esta política de represión sindical de Hotusa estase aplicando con igual intensidade no Hotel de la Reconquista de Oviedo con despidos de integrantes do comité de empresa.
Comisións lamenta tamén a pasividade e falta de solidariedade amosada polos outros sindicatos con representación na empresa, CIG e CSIF, que ademais non acudiron á concentración.
Video: intervención de Isabel, unha das despedidas
