Federación de Galicia

Nas asembleas celebradas no día de hoxe, cunha participación de máis de 300 persoas, e que foron convocadas para valorar o preacordo ao que se chegou o pasado día 2 e decidir sobre a folga convocada para os días 5 e 7 de decembro, decidiuse por unanimidade validar os termos do acordo acadado entre a patronal e os catro sindicatos presentes na mesa de negociación, coa participación en calidade de mediadores do AGA de Jose Mª Casas e Ana Pouso.

CCOO denunciou a situación e a empresa respondeu despedindo dous compañeiros

O Gran Hotel La Toja (HOTUSA) faltou á súa palabra sobre o emprego e incumpriu o acordado no ERE

Defendamos os nosos dereitos laborais, defendamos os postos de traballo da xente da comarca e da vila!
Pactos incumpridos por parte da empresa HOTUSA. Hai culpables, basta de abusos, loitamos polo emprego
Pola estabilidade na nosa localidade. Aféctanos a todos, tomos somos afectados!
Se non loitamos polo noso futuro e o benestar na nosa terra, que futuro queda para a nosa xuventude?
Si ao traballo, si á defensa dos nosos dereitos! Si á liberdade de expresión!
Non á represión contra Comisións Obreiras e os seus delegados e delegadas!
Basta xa de castigos a abusos laborais desta empresa.

Concentración: 9 de decembro - 11 hrs. - Diante do Concello do Grove

BASTA DE REPRESIÓN SINDICAL! DESPEDIDOS READMISIÓN!

Folga no Comercio de Alimentación de Pontevedra

As catro centrais sindicais presentes na mesa de negociación do Convenio de Comercio de Alimentación da provincia de Pontevedra, e representadas por:

María do Tránsito Fernández Fernández, na calidade de Secretaria Comarcal da CIG-Servizos Vigo, e con enderezo aos efectos de notificación na rúa Gregorio Espino, 47 de Vigo, Eva Rojas Fiestras, na calidade de Secretaria de Acción Sincidal de SMC Vigo Arousa UGT, e con enderezo aos efectos de notificación na rúa Heraclio Botana, 67,3º de Vigo, Jorge Carneiro Penedo, na calidade de responsable de Pontevedra Federación Servizos de CCOO con enderezo aos efectos de notificación na rúa Teixugueiras, 11 de Vigo e María Teresa Pérez Lago, na calidade de Secretaria Comarcal USO Vigo con enderezo aos efectos de notificación na rúa San Roque, 111 de Vigo:

INFORMAMOS

Que todas as comunicacións que se dean sobre as negociacións do convenio ou sobre as mediacións efectuadas polo AGA serán feitas polas persoas indicadas neste encabezamento, non avaliamos as diferentes informacións que se fixeron nestes días por persoas non autorizadas.

Que no día de hoxe se mantivo outra reunión de mediación, onde a patronal fixo a súa oferta final a cal se debaterá nas asembleas do domingo día 4, en Vigo (Gregorio Espino, 47) e Pontevedra (Rúa Pasantería), ás 11:30 da mañá.

Se fose aceptada, CCOO-CIG-UGT-USO, desconvocariamos as folgas dos días 5 e 7 de decembro.

Agradecemos a vosa colaboración e interese.

En Vigo, a 1 de decembro de 2016

Nota orixinal:

Negociación para a mellora de condicións laborais en Randstad Pontevedra

O pasado mércores 23 de novembro celebrouse unha reunión do Comité co obxectivo de mellorar as condicións de traballo do persoal desta empresa de multiservizos en dous aspectos principais: o tempo de traballo e as condicións económicas. Posteriormente tivemos unha asemblea nos locais de CCOO en Vigo este sábado día 26 á que asistiu máis da metade do persoal.

Nesta asemblea explicouse a proposta que sobre bolsa de horas e melloras salariais se trasladou por parte do Comité de Empresa (formado por 5 persoas de CCOO) nesa reunión coa dirección, así como a intención de mellorar as condicións de traballo tanto a nivel estatal coa negociación de renovación do Convenio Colectivo de empresa, como nos centros de traballo desta provincia.

Un dos problemas que se detectou neste primeiro encontro coa Dirección foi a falta de disposición a aceptar a proposta do Comité por entendela desmesurada e non axustada ao actual Convenio de Empresa que se atopa en ultractividade.

Tras expoñer a situación aos asistentes á asemblea, decidiuse que o Comité prepare unha nova proposta buscando o obxectivo xeral inicial de mellora de condicións e se volte a presentar á dirección, valorando a posibilidade de iniciar mobilizacións no caso de que as súas xustas reivindicacións non se teñan en conta.

Excelentes resultados de CCOO Servizos na súa primeira candidatura en FREMAP Pontevedra

CC.OO. Servizos estrea a súa representatividade cun gran resultado nas eleccións celebradas hoxe martes, 29 de novembro. Nos catro centros de Fremap na provincia da Pontevedra (Vilagarcía, Porriño, Vigo e Pontevedra) obtivo dous delegados, UGT tres e CSIF catro. Cabe salientar que as diferenzas de votos foron mínimas, con só un de diferenza respecto a UGT.
CC.OO. pasa a ter dous representantes, resultado que o sindicato entende como un recoñecemento das traballadoras e traballadores da empresa ao traballo realizado por CCOO.
Desde CCOO queremos agradecervos ás traballadoras e traballadores de Fremap Galicia a confianza depositada nesta organización.

O sector segue maioritariamente o paro en defensa dun convenio digno que acabe coa precariedade.

O 70% do persoal secunda a folga en Contact Center

Os persoais de Contact Center saíron hoxe á rúa en varias manifestacións convocadas en apoio á folga de 24 horas que se está producindo en todo o estado.

O 70% do persoal secundou a folga en defensa dun convenio digno para o sector cuxa negociación segue atascada desde hai máis de 22 meses.

A patronal segue mantendo as súas posicións alongando premeditadamente a negociación, o que supón que o persoal non obteña subidas salariais, os contratos sigan sendo de Obra e Servizos, que as xornadas parciais sexan o habitual, sigan sufrindo quendas onde se traballan até 11 días seguidos e que cada vez haxa máis subcontratación a través de ETT ou empresas Multiservicios.

Hoxe en Coruña: