CCOO denuncia a falta de pagamento de nóminas en Abante BPO

Centro Chamadas Abante

CC.OO denuncia a falta de pagamento da nómina extraordinaria de decembro na empresa ABANTE BPO LUGO tras o cambio de propietarios anunciado en decembro.

Desde o pasado 13 de decembro de 2021, despois de que o Comité de Empresa se reunise coa nova dirección, non se tiveron máis noticias por parte de ABANTE BPO LUGO. A Sección Sindical de CCOO tentou en numerosas ocasións pórse en contacto coa empresa para obter máis información sobre a súa situación real, non obtendo ningunha resposta.

Ante o incumprimento do abono da paga extra e a falta de noticias, a Sección Sindical de CCOO procedeu a pór unha denuncia ante Inspección de traballo reclamando que se obrigue á empresa a facer fronte ás súas obrigas de pago. CCOO considera que a falta de pagamento da paga extra de decembro supón un grave prexuízo para o persoal nunhas datas tan sinaladas como o nadal e nun sector onde se cobra a xornada completa apenas 1000 euros mensuais.

A Federación de Servizos de CCOO en Galicia ve con preocupación a situación que atravesa ABANTE BPO, empresa do sector de Contact Center que chegou a dar traballo na provincia de Lugo a máis de 450 persoas e que a día de hoxe conta con escasas 100 persoas empregadas.


a convocatoria foi seguida por case o 90% do persoal

Seguimento do 90% da folga de Bosch en Vigo

folga BOSCH Vigo

Transcorridas xa as dúas primeiras xornadas de folga no centro de traballo de Vigo de Bosch Service Solutions, a convocatoria foi seguida por case o 90% do persoal, segundo informa o comité de empresa.

Bosch Service Solutions é unha empresa do sector de centros de chamadas (contact center) que presta servizos a clientes como Vodafone, Repsol, Orange ou Iberdrola.

Desde o 2019, antes da pandemia, a empresa encadeou varios ERTE que afectaron principalmente á campaña para Vodafone. A finais do pasado decembro, a empresa presentou un ERE para eses mesmos servizos, alegando unha hipotética redución de carga de traballo futura. Ler máis


Este mércores lévase a cabo a primeira das tres xornadas de folga convocadas para defender as condicións de traballo

Tres xornadas de folga para defender as condicións laborais en Bosch, segunda maior empresa de Vigo

folga BOSCH Vigo

O comité de Bosch Service Solutions, segunda empresa máis grande de Vigo por volume de persoal (uns 1600 traballadores e traballadoras), está chamado este mércores á primeira das tres xornadas de folga convocadas para defender as condicións de traballo.

Bosch Service Solutions é unha empresa do sector de centros de chamadas (contact center) que presta servizos a clientes como Vodafone, Repsol, Orange ou Iberdrola.

Desde o 2019, antes da pandemia, a empresa encadeou varios ERTE que afectaron principalmente á campaña para Vodafone. A finais do pasado decembro, a empresa presentou un ERE para eses mesmos servizos, alegando unha hipotética redución de carga de traballo futura. Ler máis


Antes a pésima organización da campaña de Superlínea e a acumulación de incidencias

O persoal de Universal Support volve a mobilizarse por acumulación de irregularidades

Concentración Universal Support (G Konecta)

O comité de empresa de Universal Support (grupo Konecta), que se dedica ao sector dos centros de chamadas, convocou unha xornada de mobilización hoxe luns día catro. O obxectivo, reclamar a subsanación das numerosas incidencias detectadas na campaña Superlínea:

  • Obrigatoriedade de traballar os festivos estatais
  • Traballo en fin de semana
  • Pésima calidade e escasa cantidade de formación
  • Non respecto á regulación do convenio das xornadas irregulares
  • Denegación de días de libranza
  • Denegación da consolidación das ampliacións de xornada
  • Inexistencia de tempo entre chamadas
  • Premios e incentivos inalcanzables e mal remunerados
  • Existencia da figura de apoio non recollida no convenio e polo tanto non remunerada
  • Non publicación de postos libres de coordinación e quality
  • Non consolidación da categoría de coordinador en teleoperadores que levan máis de 6 meses prestando ese servizo
  • Existencia de persoal con contrato eventual máis tempo do autorizado por convenio

Acordouse convocar mobilizacións tamén os días:

Paros día 11/10/2021 de 11:00 a 13:00 e de 17:00 a 19:00. Concentración no centro de Bergondo

Paros día 18/10/2021 de 11:00 a 13:00 e de 17:00 a 19:00. Concentración no centro de Bergondo

 


A empresa pretende obrigar a 81 persoas que traballan na Coruña a facelo desde Bergondo

O persoal de Universal Support mobilízase contra os traslados

concentración Konecta

O comité de empresa de Universal Support (grupo Konecta), que se dedica ao sector dos centros de chamadas, convocou esta semana dúas xornadas de mobilización, o luns día 20 e hoxe mesmo, xoves 23. O obxectivo, rexeitar o traslado de 81 traballadores e traballadoras da Coruña a Bergondo.Ler máis


A Xustiza dálle a razón a CCOO e rexeita os contratos temporais ligados a subcontratas

centro de chamadas

A Audiencia Nacional dálle a razón á Federación estatal de Servizos de CCOO e considera nulos os contratos temporais ligados a unha subcontrata no sector dos centros de chamadas. Isto significa que unhas 40.000 persoas en todo o Estado poderán pasar a ter un contrato indefinido. Ler máis


Salud Laboral

Dudas y preguntas sobre Salud Laboral. Trabaja de manera segura.

Transparencia CCOO

Portal Transparencia Servicios CCOO: Cuentas, documentación, decisiones

Calendario Laboral Calendario Laboral 2015
Guía derechos de trabajadores y trabajadoras Guía de los derechos de trabajadores y trabajadoras en la empresa. Tambien puedes consultar los Efectos de la Reforma Laboral sobre los derechos de los trabajador
Consulta sobre pensiones
Consultas sobre pensiones