A mediadora de seguros Asnorte contrata falsos autónomos para reducir custos

falsxs autónomxs seguros

En novembro do ano 2020 a Federación de Servizos de CCOO en Galicia iniciou unha campaña contra os falsos autónomos existentes na empresa Asnorte, axencia exclusiva de mediación de seguros de Santa Lucía.

CCOO interpuxo unha denuncia ante inspección de traballo nas catro provincias galegas, denunciando a práctica fraudulenta na subscrición de contratos mercantís con persoas que estaban baixo a potestade organizativa de Asnorte.

Esta campaña iniciouse tras contactar co sindicato máis dunha decena de persoas que consideraban que se atopaban baixo unha situación fraudulenta de contratación mercantil, que o que enmascaraba era unha relación laboral.

Tras as devanditas denuncias, Asnorte procedeu á finalización de numerosos contratos optando a maioría das persoas afectadas acudir aos xulgados para o recoñecemento da vinculación laboral.

Foron xa varias as sentenzas que a día de hoxe se resolveron favorables aos intereses das persoas traballadoras.

A Federación de Servizos de CCOO de Galicia quere pór o foco na práctica habitual do sector onde se realizan contratacións fraudulentas vía a mercantilización das relacións laborais para evitar asumir os custos derivados dunha contratación directa.


Liñas de actuación ante o máis que posible incremento desta modalidade de traballo e os seus posibles cambios na organización do traballo

Teletraballo, veu para quedar. Desconexión dixital

teletraballo

O teletraballo é unha forma de organización e prestación do traballo que responde tanto á innovación e implementación das novas tecnoloxías da información e a comunicación, canto aos requirimentos de maior flexibilidade organizativa nunha contorna cambiante.

A esta forma flexible de organización é frecuente atribuírlle extraordinarias capacidades en orde a mellorar as necesidades, sexa de conciliación da vida laboral e familiar, de flexibilidade, de produtividade, sexa, mesmo, de incrementar a activación de colectivos especialmente vulnerables, como serían as persoas con discapacidade

O teletraballo non é apto para todo tipo de traballos, senón que só é posible para aquelas tarefas teletraballables, é dicir, aquelas que poden realizarse a través de medios tecnolóxicos.

Aínda que, aos comezos nos que se empezou a falar e implantar este modo de traballo se previron unhas grandes expectativas de desenvolvemento e implantación, e a pesar da maior dispoñibilidade de medios tecnolóxicos cada vez máis avanzados, non tivo o desenvolvemento previsto. O porqué non se cumpriron esas expectativas é un tema controvertido, prognosticábase en moitos foros e investigacións un gran número de persoas teletraballando nun limitado espazo de tempo que despois non chegou a cumprirse, chegouse a supor que o teletraballo podía supor unha revolución nas formas de organizar o traballo, pero isto non chegou a materializarse. Os expertos din que un dos principais factores para que non se alcanzaron as cifras prognosticadas xorde pola falta de formación, malestar pola xestión nas empresas dos programas flexibles de traballo e á escaseza de información.

Aínda que a porcentaxe de persoas teletraballando vai en aumento, parece que até agora moitas empresas se resistiron a adoptar medidas dirixidas á adopción do teletraballo.

 


CCOO en defensa do persoal das Mutuas

Mutuas

A Federación de Servicios de CCOO rexeita a nova campaña posta en marcha contra o persoal das Mutuas por parte da Federación de Industria da nosa organización pois, unha vez máis contén unha importante dose de demagoxia e carece do necesario aval de análise de datos obxectivos. Ler Máis


Sobre o plan de viabilidade de Mutua Gallega

plan viabilidade mutua gallega

Desde a Representación dos Traballadores queremos informar da situación actual do proceso que afecta a Mutua Gallega.

Esta representación non se opón ao Plan de Viabilidade mentres non teñamos coñecemento do mesmo, iso si, se devandito Plan fose lesivo para os dereitos e intereses de calquera dos empregados desta mutua, oporiámonos ao mesmo radicalmente, tomando todas e cantas medidas fosen necesarias para defender os intereses das traballadoras e traballadores.

Unha vez analizado o Plan e se este non fose viable, a nosa opción seguiría sendo unha fusión coa mutua que presentou a oferta mellor valorada no seu momento.

Así mesmo, damos traslado da contestación que hoxe nos chegou desde a Dirección Xeral de Ordenación ao noso comunicado remitido o 30/07/2018.

Analizando o contido, entendemos que se referendan os pasos seguidos por esta representación en defensa dos intereses do conxunto dos empregados.


A sustentabilidade de Mutua Gallega ante o proceso de fusión

fusión mutua gallega

Ante o proceso de fusión por absorción no que está envolta Mutua Gallega, desde a Representación dos Traballadores manifestamos que:

Desexariamos que a nosa Entidade puidese continuar a súa actividade en solitario durante moitos anos máis pero, á vista da situación actual e atendendo ás instrucións emanadas desde a Secretaría de Estado da Seguridade Social, entendemos que para as empresas e traballadores/as afiliados/as, e para os/as propios/as empregados/as de Mutua Gallega, a mellor solución para garantir a sustentabilidade e o futuro de todas as partes implicadas neste asunto pasa por un proceso de fusión.

A Representación dos Traballadores


Posible absorción por fusión de Mutua Gallega

Fusión x absorción

Ante a posibilidade de absorción por fusión da Mutua Galega desde a Federación de Servizos de CCOO en Galicia queremos indicar que defenderemos a proposta que implique a salvagarda de postos de traballo do cadro de persoal así como as súas condicións, e que, á súa vez, ofreza un mellor servizo médico e profesional aos traballadores e mutualista galegos. Como entidades integradas no Sector Público Estatal colaboradoras coa Seguridade Social que son as Mutuas entendemos que han de primar estes criterios obxectivos e sociais e non outros. Esta esta é a postura que os nosos delegados e representantes de CCOO en Mutua Galega están a levar a cabo nos distintos ámbitos de actuación.


Salud Laboral

Dudas y preguntas sobre Salud Laboral. Trabaja de manera segura.

Transparencia CCOO

Portal Transparencia Servicios CCOO: Cuentas, documentación, decisiones

Calendario Laboral Calendario Laboral 2015
Guía derechos de trabajadores y trabajadoras Guía de los derechos de trabajadores y trabajadoras en la empresa. Tambien puedes consultar los Efectos de la Reforma Laboral sobre los derechos de los trabajador
Consulta sobre pensiones
Consultas sobre pensiones