Federación de Galicia

Comisións Obreiras (CCOO) iniciou este xoves as mobilizacións contra o ERE no Banco Sabadell, convocando concentracións en diversas localidades do Estado. En Galicia, a protesta tivo lugar en Santiago de Compostela, entre as 11 e as 12 horas, na oficina que a entidade bancaria ten no número 33 da rúa do Hórreo.

Desde CCOO rexeitan a «inamovible» posición do Sabadell na mesa de negociación do ERE —que afecta a 1936 persoas— e defenden medidas alternativas. «Hai carga de traballo, non sobra persoal nin moito menos», sinala Arturo Cruzado, voceiro do sindicato. Ler máis.

O comité de empresa de Universal Support (grupo Konecta), que se dedica ao sector dos centros de chamadas, convocou esta semana dúas xornadas de mobilización, o luns día 20 e hoxe mesmo, xoves 23. O obxectivo, rexeitar o traslado de 81 traballadores e traballadoras da Coruña a Bergondo.Ler máis

A Audiencia Nacional dálle a razón á Federación estatal de Servizos de CCOO e considera nulos os contratos temporais ligados a unha subcontrata no sector dos centros de chamadas. Isto significa que unhas 40.000 persoas en todo o Estado poderán pasar a ter un contrato indefinido. Ler máis

A Comisión Executiva Federal, na súa reunión do 12 de agosto de 2021, aproba o proceso de Plenario de integración da Sección Sindical de CCOO de Caixabank e da Sección Sindical de CCOO de Bankia e a convocatoria do seu Plenario que se celebrará en Barcelona, os días 17 e 18 de novembro de 2021, así como as normas de funcionamento do mesmo.

Estas normas réxense polo Regulamento Interno de Seccións Sindicais aprobado polo Consello Federal o 4 de outubro de 2017 e foron aprobadas pola Comisión Executiva Federal. Teñen como obxecto regular o proceso do Plenario Extraordinario de Integración da Sección Sindical de CCOO de Bankia na Sección Sindical de CCOO de Caixabank.

Este Plenario Extraordinario realízase como consecuencia do proceso de adquisición de Bankia por Caixabank, o que supón un novo marco na interlocución cun persoal único procedente das dúas entidades.

A Comisión Executiva Federal, na súa reunión do 12 de agosto de 2021, aproba o proceso de Plenario da Sección Sindical de CCOO de Banco Santander e a convocatoria do seu Plenario extraordinario que se celebrará na localidade de Torremolinos (Málaga), os días 30 de novembro e 1 de decembro de 2021, así como as normas de funcionamento do mesmo.