Federación de Galicia

 Despois da primeira xornada de mobilizacións levadas a cabo o pasado 18 de febreiro, desde a dirección de RRHH/RRLL de DxC Technology séguese xogando co futuro dos postos de traballo do persoal do centro da Coruña.

A día de hoxe segue sen existir un compromiso firme e por escrito garantindo os postos de traballo de todo o persoal de DxC Technology. As únicas noticias recibidas no día de onte e de palabra son as supostas intencións de recolocación dos contratos indefinidos e a finalización dos contratos por obra.

Desde o Comité de Empresa de DXC Technology na Coruña xunto co seu persoal rexeitamos esta solución, esiximos á empresa o mantemento do 100% do persoal e que se realice o desvío de carga de traballo desde outros centros que DXC Technology ten no territorio español.

Denunciamos así mesmo a precarización das condicións de traballo ás que tanto DXC Technology como Teleperformance España está a empuxar a un persoal que desde hai anos presta os seus servizos e que demostrou en múltiples ocasións o seu compromiso, respondendo sempre que foi necesario realizar un esforzo engadido para sacar adiante o traballo comprometido cos clientes.

De novo esiximos que toda aquelas persoas contratadas por TELEPERFORMANCE ESPAÑA sexan subrogadas con todos os seus dereitos tanto salariais como sociais, recoñecemento e mantemento das súas antigüidades e que DXC TECHNOLOGY manteña todos aqueles postos de traballo das persoas que decidan permanecer na empresa.  

Comisións Obreiras rexeita o expediente de regulación temporal de emprego (ERE) anunciado polo centro de chamadas Bosch para as súas instalacións de Vigo. O sindicato iniciou unha rolda de contactos cos diferentes partidos políticos para recabar o seu apoio. O primeiro dos encontros tivo lugar este luns con Yolanda Díaz, deputada de En Marea no Congreso. Ler máis

Dende o Comité de empresa de DxC Technology denunciamos a situación pola que está a atravesar o centro de traballo da Coruña.

Dende hai máis de 5 anos vemos como se está producindo un desmantelamento dun centro que chegou a ter máis de 300 traballadores e que debido á mala xestión da dirección perdéronse día a día os servizos que se prestaban desde A Coruña.

A día de hoxe enfrontámonos novamente coa perdida dun servizo pertencente a Servihabitat que emprega a 33 persoas de persoal e 64 subcontratacións.

Desde que o Comité de Empresa tivo noticias da perdida do servizo esixíuselle á empresa a recolocación do 100% do persoal recibindo en todas as reunións a evasiva como resposta sen concretar en ningún momento as súas intencións.

Debido a que case dous meses despois a empresa segue sen aclarar as súas intencións e está á espera de que as persoas seleccionadas por parte da nova empresa adxudicataria pidan a baixa voluntaria para aforrarse as indemnizacións en caso de ter que levar a cabo despedimentos, desde o Comité de Empresa convocamos un paro de dúas horas para esixir á empresa o seu compromiso por escrito recolocando a todo o persoal e solicitar o desvío de carga de traballo ao centro da Coruña doutros servizos que se prestan desde diversos territorios de España. 

O pasado mes de Decembro tivo lugar a última reunión da mesa de negociación do XIX Convenio de Enxeñarías e Oficinas Técnicas sen chegar a ningún tipo de acordo entre Tecnibería e os sindicatos presentes na mesma.

Desde CCOO en Galicia, fomos testemuñas da dinámica de negociación que ten a nosa patronal estatal: atrasar a proposta e o debate, dilatar os prazos de reunións, ameazar coa propia desaparición da patronal por motivos económicos e finalmente tentar forzar á parte social a incumprir o Acordo Estatal de Negociación Colectiva asinado entre os nosos maiores: CEOE, CEPYME e as executivas confederais de CCOO e UGT. Todo isto aderezado coa constante ameaza de considerar decaído o convenio ao finalizar o ano de ultraactividade legalmente establecido.

Non serviu de nada tender a man, ofrecer seguir coa negociación oficialmente e dar vixencia e estabilidade ao sector durante a mesma. Nestes momentos, avecíñase un período de incerteza e de alta conflitividade no sector, tanto xudicial como sindical.

Queremos trasladar a preocupación pola situación xerada e pedimos a Ageinco instar a Tecniberia que continúe coa negociación e recoñeza a vixencia do convenio mentres dure a mesma.

Desde CCOO Servizos queremos indicar que esta decisión irresponsable, só pode provocar unha resposta que manifeste nosa máis firme convicción en apoiar, promover e manter na nosa comunidade, todas as mobilizacións necesarias en defensa do convenio colectivo, das condicións laborais do persoal e por tanto do propio sector.

TECNIBERIA, asociación patronal estatal do sector de enxeñería, pretende un sector sen convenio colectivo, empresas como APPLUS, AUDINGINTRAESA, AYESA, CTAG, EPTISA, EZQUIAGA ARQUITECTURA, FOSTER WHELER, GETINSA, IDOM, INTECSA, SENER, SUMMA, SGS TECNOS, TÉCNICAS REUNIDAS, TRAGSATEC, TÜV RHEINLAND, TYPSA, poderán ter os seus cadros de persoal coas condicións de traballo sen regular, sen un convenio de referencia, negándose a continuar coa negociación para que o convenio sexa considerado como vencido, amparándose nunha dubidosa interpretación da reforma laboral de 2012. Este é un feito contrastado e publicado por TECNIBERIA na súa páxina web. Compre destacar que se trata dun convenio de por si desfasado e precario en aspectos fundamentais: ler máis