Archivado en Comunicado breve, ERE, Sector Financeiro, Accion sindical

Concentración en Vigo para reiterar que as saídas deben ser voluntarias

CCOO denuncia a teimosía da dirección do Sabadell, que só reduce en 206 persoas o alcance do ERE


concentración ERE B.Sabadell

A sección sindical de CCOO no Banco Sabadell denuncia a «teimosía» da dirección da entidade bancaria, que unicamente reduciu en 206 persoas a afectación prevista para o despedimento colectivo. Agora serían 1730 os despedimentos previstos, cifra incompatible coas saídas voluntarias que defende o sindicato.

Ante a gran distancia das posturas, CCOO volveu saír hoxe ás rúas en distintas localidades do Estado. En Galicia houbo unha concentración diante da oficina da rúa Colón, seguida unha manifestación polas rúas próximas.

Desde a Federación de Servizos de CCOO tamén critican que aínda non haxa unha proposta por escrito para valorar se a última proposta da empresa ten encaixe no obxectivo do sindicato de que o ERE sexa de adscrición voluntaria.

A isto, desde o Sabadell comprometéronse a trasladar a proposta por escrito a vindeira semana.