Loita polos teus dereitos: Comercio alimentación de Ourense... En folga!!

As persoas traballadoras do comercio alimentación dicimos BASTA XA! Nas asembleas celebradas o 8 de maio decidimos que NON estamos dispostas a seguir soportando a discriminación nas condicións salariais e sociais do convenio en Ourense. Por UNANIMIDADE, acordouse convocar unha xornada de folga o venres 16 de maio de 2025.

Non se pode seguir xogando coa precariedade mentres as empresas da patronal acumulan beneficios escandalosos mentres nós seguimos sendo de segunda.
 

Cando comeza a folga?

A folga comeza legalmente o xoves 15 de maio ás 22:00 horas, para que tamén poidan sumarse as/os que entren en quenda nocturna. A mobilización manterase durante todo o venres 16 de maio no sector do Comercio Alimentación dos concellos da provincia de Ourense.
 

Onde e cando reunirse?

Convócase a todo o persoal das empresas afectadas para secundar a folga e reunirse ás 7:30 da mañá diante da Casa Sindical no parque de San Lázaro, desde onde se organizarán os piquetes informativos.
 

Manifestación

Ás 12:00 horas realizarase unha manifestación que partirá do Gadis de O Couto, percorrendo as tendas da cidade.

A túa participación é fundamental desde primeira hora, así como a asistencia á manifestación. Só coa unión de todas e todos conseguiremos mellorar as nosas condicións laborais.
 

Desde a representación sindical LEMBRAMOS

• A folga é un dereito fundamental da Constitución e está legalmente comunicada.
• Tes dereito a participar e a faltar ao traballo o día 16 de maio.
• Non existen servizos mínimos obrigatorios neste sector. Se alguén che di o contrario, avísanos de inmediato.
• Non tes que informar á empresa se vas facer folga, nin responder a preguntas dos responsables de tenda sobre a túa decisión. Xa o saberán no momento de secundala.
• Non poden substituírte por persoal doutras tendas ou provincias. Se isto ocorre, denunciaremos a situación.
• O desconto polo día de folga é de 1,4 días de salario segundo a categoría e nómina. Se che falan de cantidades esaxeradas, non te deixes enganar: é para desanimarte.
•  A folga é un dereito. A túa participación é imprescindible se queres mellorar as túas condicións de traballo.
• A perda dun día de salario compénsase de sobra coas melloras que entre todas e todos podemos conseguir.

• Acuerdo en materia de permisos y ausencias en horario de trabajo en Rural Servicios Informáticos, S.C.

• 06-07-12 Para CCOO es imprescindible que se sepa cómo hemos llegado hasta aquí

• Ampliación permiso de paternidad

• Calcula tus retenciones de IRPF del año 2005

• Continúan las movilizaciones en defensa del Convenio Colectivo de los Servicios de Prevención Ajenos

• Calcula les teves retencions d'IRPF de l'any 2005