Federación de Galicia

Supón melloras en dous sectores fortemente afectados pola crise

Asinados os convenios de Comercio de Mobles e Comercio de Materiais de Construción da provincia de Pontevedra

Na sinatura destes dous convenios tivemos en conta que son dous sectores tocados especialmente pola crise con empresas que xa pecharon, outras que están con ERTES continuos e sen demasiadas perspectivas de mellora, polo que estabamos obrigados a tomar unha posición responsable. De todas maneira conseguimos asinar, aínda que sexa de forma moderada, incremento salarial para cada un dos anos de vixencia e algunha mellora máis. Segue

Texto Convenio Comercio Mobles

Texto Convenio Materiais de Construcción

Empregados coruñeses dunha firma de telemárketing de León afirman que están «secuestrados»

"Imos ao traballo, sen cobrar e sen nada que facer"

"La Voz de Galicia" publica hoxe unhas declaracións de Pilar Pérez delegada de CCOO Servizos e presidenta do comité de empresa de ALN na Coruña nas que explica a situación de 55 traballadores da empresa que viron como a situación laboral se foi degradando, ao pasar de atrasos nas nóminas e concurso de acredores, a ver rescindido o contrato co seu cliente principal, Hibu, e ter que ir ao traballo sen cobrar e sen nada que facer.

Ademais, o Grupo Konecta gañou o concurso para xestionar a campaña de Hibu, pero ata que ALN rescinda os contratos, Konecta non se fai cargo da antigüidade dos traballadores. Ademais é necesario que Inspección de Traballo emita unha acta de falta de ocupación efectiva para poder solicitar a restrición de contrato no xulgado, para que, segundo comenta Pilar Pérez, se manteñan os postos de traballo.

Máis información aquí e aquí

O sindicato mantén a maioría da representación no comité provincial do banco

CCOO gaña as eleccións na oficina principal de Abanca en Santiago de Compostela

A Federación de Servizos de CCOO gaña as eleccións na oficina principal de Abanca en Santiago de Compostela. Como xa aconteceu catro anos atrás, a candidatura presentada por Comisións conseguiu dous representantes no comité de empresa, fronte a dous de ASCA e un da UGT, que entra no comité á custa da CSICA. Ademais, CCOO foi o sindicato máis votado nuns comicios en que participou a totalidade do persoal, polo que manterá a presidencia do órgano de representación. Segue

A porcentaxe de accidentes de traballo é case o dobre entre as persoas con contratos temporais

CCOO inicia unha campaña para denunciar a precariedade laboral en Galicia

O Sindicato Nacional de Comisións Obreiras de Galicia (CCOO) inicia hoxe unha campaña para denunciar a precariedade no mercado laboral galego. A secretaria de Emprego de CCOO, Maica Bouza, e o secretario confederal de Acción Sindical, Ramón Górriz, alertaron das «intolerables» cifras de precariedade que padece o noso país, daí que se poñan en marcha diversas iniciativas para a combater. Segue

Cartel para denunciar a precariedade [PDF]
Cartel xenérico da campaña [PDF]
Díptico informativo [PDF]

O sindicato ve nestes «magníficos» resultados un «recoñecemento» ao traballo realizado na loita contra o ERE do Grupo Tragsa

CCOO logra a maioría absoluta nas eleccións ao comité provincial de Tragsatec na Coruña

A candidatura presentada pola Federación de Servizos de CCOO logrou a maioría absoluta nas eleccións ao comité provincial de Tragsatec (Grupo Tragsa) na Coruña. A estas eleccións estaban chamadas a participar 279 persoas, que de maneira maioritaria outorgaron a súa confianza a Comisións Obreiras.

Nas eleccións de hai catro anos gañara a CSIF, que obtivera seis membros dos trece que compoñen o comité; CCOO situárase no segundo lugar, con cinco, e a UGT completaba a relación con dous. Agora invertéronse as tornas, tras lograr CCOO sete delegados e delegadas ?maioría absoluta? por cinco da CSIF e só un da UGT.

Recoñecemento á loita contra o ERE

Desde CCOO-Servizos salientan que estes «magníficos resultados» son o «recoñecemento dos nosos compañeiros e compañeiras» ao traballo realizado por Comisións Obreiras contra o expediente de regulación de emprego (ERE) no Grupo Tragsa. Como parte desta loita houbo concentracións fronte ao Parlamento galego e reunións cos grupos parlamentarios, folga varias xornadas paros ou reunións con membros do Parlamento europeo, entre outras iniciativas.

Os integrantes da candidatura de CCOO comprométense a continuar traballando «arreo» contra un ERE «inxusto e desproporcionado» e pola defensa do emprego e da calidade do mesmo dentro do Grupo Tragsa.

+ Para máis información: