A verdade que a patronal non conta

Archivado en Comunicado breve, Negociacion Colectiva, Comercio, Comercio Galicia, Accion sindical

Convenio do comercio de alimentación de Ourense

A verdade que a patronal non conta

Ante o comunicado emitido polas empresas do sector do comercio de alimentación da provincia de Ourense, desde a representación sindical queremos manifestar o seguinte:

O bloqueo da negociación é responsabilidade da patronal:

Levamos meses esixindo un convenio digno, con melloras reais para as persoas traballadoras, mentres a representación empresarial mantén propostas claramente insuficientes, que non compensan a perda de poder adquisitivo nin melloran as condicións laborais actuais.

Gadis, Froiz e Cuevas lideran a precariedade.

A realidade é que estas empresas, con beneficios millonarios, son as que se opoñen frontalmente a avances sociais e económicos no convenio.

Non se trata dun ataque ao “pequeno comercio”, como pretenden facer crer, senón dunha denuncia necesaria ás compañías que máis poder acumulan no sector.

O intento de desacreditar a acción sindical con insinuacións políticas é inaceptable.

As mobilizacións, as folgas e os actos reivindicativos son ferramentas lexítimas do movemento sindical. Están ao servizo das persoas traballadoras, e non de ningún interese alleo á defensa dos seus dereitos. A patronal, en lugar de dar explicacións, opta pola desinformación e a confrontación.

As súas ofertas salariais son enganosas

Non chegan ao nivel da suba do custo da vida, non recoñecen perdas pasadas e manteñen horarios e xornadas precarias.

Non aceptamos chantaxes nin manipulacións

O persoal exerce o seu dereito á folga. O verdadeiro problema é o inmobilismo da patronal, non as mobilizacións.

Seguimos firmes: