COMUNICADODE PRENSA CONXUNTO DOS SINDICATOS QUE OSTENTAN A REPRESENTATIVIDADE NA EMPRESA SOLITIUM NOROESTE

Solitium Noroeste pretende conxelar os salarios e empeorar as xornadas de traballo

A empresa SOLITIUM NOROESTE é na actualidade concesionaria dos Servizos de impresión documental nos xulgados de Galicia e nos hospitais do SERGAS, polo que  as 145 persoas traballadoras que forman parte do seu persoal son esenciais nestes momentos tan complicados que estamos a vivir por mor da pandemia. Ler máis

Os sindicatos UGT, CCOO e CIG queremos denunciar publicamente o bloqueo por parte  da empresa da negociación da revisión salarial para os anos 2020 – 2021 e 2022, xa que SOLITIUM NOROESTE négase a actualizar os salarios do seu persoal desde hai dous anos, coa perda de poder adquisitivo que isto supón para eles e as súas familias, tendo en conta que o IPC para o ano 2021 pode rebasar o 5,5%. 

Desde CCOO, CIG e UGT non convocamos ningún tipo de mobilización ata o momento,  porque crimos necesario facer un exercicio de responsabilidade, sabendo os graves problemas que suporían para a cidadanía, o bloqueo dos xulgados, xa saturados de traballo  na actualidade, e dos hospitais coa situación que están a vivir pola pandemia provocada polo Covid-19. 

Por último, queremos trasladar desde CIG, UGT e CCOO, que ademais do Bloqueo da  Revisión Salarial, SOLITIUM NOROESTE pretende empeorar de xeito unilateral as condicións  laborais do seu persoal no referente a horarios e xornadas laborais, incumprindo o  pactado no Convenio Colectivo que se atopa en VIGOR ata o 31 de decembro de 2022. 

Por todas estas cuestións queremos comunicar que aos tres sindicatos terminóusenos a paciencia, e que chegaremos ata onde haxa que chegar para defender o poder adquisitivo e os dereitos laborais dos 145 traballadores e traballadoras de SOLITIUM NOROESTE.

• 06-07-12 Para CCOO es imprescindible que se sepa cómo hemos llegado hasta aquí

• Acuerdo en materia de permisos y ausencias en horario de trabajo en Rural Servicios Informáticos, S.C.

• No a la política de absorciones

• La dirección de la Paradores anula la posibilidad de JUBILACIONES PARCIALES AL 75% para los años 2022 y posteriores.

• Acuerdo sustitución seguro vida y riesgo PRE80 - 22 dic 16

• 28 de Mayo: Día internacional de Acción por la Salud de las Mujeres