Archivado en Negociacion Colectiva, Condiciones de trabajo, Comunicados convenio, Unión Comarcal A Coruña, Hostalaría, Accion sindical

Mobilízamonos hoxe en Coruña por un convenio digno na hostalaría galega

concentración convenio hostalaría galega na Coruña

A Coruña, 20 de agosto de 2025. Desde a Federación de Servizos de CCOO, xunto con UGT e CIG, mobilizámonos hoxe no peirao de Calvo Sotelo da Coruña para reclamar un convenio colectivo digno na hostalaría galega. Fixemos visible o noso malestar e sinalamos directamente á patronal como responsable da precariedade laboral que afoga o sector da hostalaría en Galicia.

Rexeitamos as declaracións da patronal hostaleira da Coruña
Manifestamos o noso rexeitamento ás declaracións feitas por empresarios hostaleiros da Coruña, que culpan á suposta “falta de vontade” das persoas traballadoras da escaseza de persoal. A verdadeira realidade é que a patronal leva anos ofrecendo condicións inasumibles:

  • Salarios ancorados no SMI.

  • Xornadas ilegais por exceso de horas.

  • Descansos insuficientes.

  • A proposta de eliminar o complemento que garante o salario en caso de baixa médica.

Denunciamos os riscos para a saúde laboral
Estas prácticas impiden atraer e reter profesionais e teñen consecuencias graves: altas taxas de baixas por patoloxías musculoesqueléticas, estrés e fatiga crónica. Non aceptamos que a saúde das persoas traballadoras sexa moeda de cambio para manter a rendibilidade empresarial.

Esiximos melloras reais no sector hostaleiro
Reiteramos que a fidelización do persoal só é posíbel cun cambio profundo nas condicións de traballo, que debe incluír:

  • Salarios dignos, acordes ao peso económico do turismo en Galicia.

  • Horarios compatibles coa conciliación familiar e coa saúde laboral.

  • Respecto ao convenio colectivo da hostalaría.

Reivindicamos tamén que o crecemento do turismo galego, motor económico estratéxico, vaia acompañado dun plan integral de desenvolvemento do sector hostaleiro, impulsado pola área de Turismo da Xunta de Galicia.

Apostamos polo emprego estable e de calidade
Dentro dese plan reclamamos:

  • Formación e profesionalización do persoal hostaleiro.

  • Emprego estable e con dereitos, máis alá da temporalidade e das campañas estivais.

  • Medidas de prevención en saúde laboral.

  • Corresponsabilidade empresarial que compatibilice rendibilidade e benestar.

O noso compromiso co futuro da hostalaría galega
A mobilización de hoxe é só un paso máis. Advertimos que o futuro da hostalaría en Galicia só será sustentable se se basea no emprego digno, na profesionalización e no respecto ás persoas traballadoras.

#CCOO #HostalaríaGalicia #PrecariedadeLaboral #ConvenioHostalaría #Acoruña #TurismoGalicia #EmpregoDigno

 

Infórmate

CCOO Servicios es un sindicato, es Comisiones Obreras en los sectores de Comercio, Financiero, administrativo, de las TIC, Hostelería, Contact-center, Oficinas, Turismo... Leer más

Enlaces de interés

Contigo salud

CCOOntigo Salud

Blog responsabilidad social

Blog Responsabilidad Social

Compara Tu Salario

Compara Tu Salario

Confederación CCOO

Confederación CCOO

Dónde estamos

Todas nuestras sedes

OFICINAS CENTRALES
C/ Albasanz, 3 1º Planta
28037 Madrid
Tel: 91 540 92 82
Asesoría Madrid 91 536 51 63-64 / 91 536 51 42
Otras Comunidades
Fax: 91 559 71 96

Sigue conectado con nosotros

2025 © CCOO SERVICIOS. Aviso Legal | Contacto

Servicios CCOO