Delegadas de Comisións Obreiras denuncian as dificultades para a igualdade efectiva entre homes e mulleres no sector dos servizos. Nun encontro sectorial que o sindicato organizou o mércores na Coruña co gallo da folga do vindeiro día 8, representantes de CCOO en diferentes empresas relataron as eivas detectadas no seu día a día, tanto do punto de vista profesional coma sindical.

A Federación de Servizos de CCOO de Galicia informa da suspensión da folga prevista para hoxe e mañá no Lefties do Centro Comercial Gran Vía de Vigo, coa que se pretendía lograr a readmisión dun compañeiro. Tras unha «intensa» negociación, os sindicatos CCOO, CIG e UGT conseguiron na tarde do xoves que a empresa readmita o traballador despedido noutra das tendas do grupo (a da rúa Progreso), pero conservando as mesmas condicións laborais. Este acordo determina a desconvocatoria da folga. O vindeiro martes, día 27, haberá unha reunión para pechar os flocos económicos da readmisión.

CCOO, que ten a maioría no comité de empresa, congratúlase polo acordo acadado. O sindicato salienta a unidade de acción sindical, que contribuíu a que este conflito se resolvera positivamente para o traballador afectado. «Neste conflito puxemos en valor a solidariedade das persoas coa situación inxusta que padeceu un compañeiro», insisten desde Comisións.

Antecedentes

CCOO e o resto dos sindicatos afirmaron en todo momento que consideraban «inxusto e arbitrario» o despedimento dun traballador do Lefties de Gran Vía, que tiña a responsabilidade de segundo encargado e contaba, ademais, co apoio dos seus compañeiros e compañeiras.

Como reacción, o comité de empresa xa convocara concentracións os pasados días 12, 13 e 14 para pedir a readmisión. Ao non haber unha resposta «satisfactoria» á reivindicación, decidiuse convocar a folga, agora xa sen efecto grazas ao acordo.

Tras as concentracións realizadas os pasados días 12, 13 e 14 de febreiro contra o despedimento de un traballador do Lefties do Centro Comercial Gran Vía de Vigo, e non tendo unha resposta satisfactoria por parte da dirección da empresa, o comité de empresa decidiu convocar unha folga para este centro de traballo os próximos venres 23 e sábado 24.

Para CCOO, trátase dun despedimento «inxusto e arbitrario» para o que se utilizaron argumentos «surrealistas» como que «estivo facendo unha postal de felicitación en tempo de traballo». Este traballador é o segundo encargado e conta co apio dos seus compañeiros e compañeiras, que non entenden os motivos que puideron levar a dirección da empresa a tomar unha decisión «tan drástica e inxusta».

O comité de empresa e o persoal de Lefties, que pertence ao grupo Inditex, instan a empresa que mude a decisión adoptada e readmita o compañeiro despedido.

+ Para máis información:

• Jorge Carneiro, da Federación de Servizos de CCOO: 660 106 961

A Federación de Servizos de CCOO de Galicia denuncia «explotación laboral» no supermercado Froiz de Noia, situado na rúa Galicia. O sindicato puxo en coñecemento da Dirección da empresa e da autoridade laboral que se realizan xornadas de ata trece horas, cando o máximo legal son nove.

O pasado xoves, 11 de xaneiro, celebráronse as eleccións na empresa OFFICE DEPOT Ourense obtendo un total de catro delegadas e delegados dun total de cinco.

Estas eleccións corresponden ao personal de trababalladores e traballadoras de Office Depot, empresa adicada a distribución de material de oficina.

CCOO, a pesar de non ter representación nesta empresa, non deixou de estar a o lado dos traballadores e traballadoras e apoialos cando así nolo solicitaron. Agora eles devolvenronnos esa confianza sobradamente.

CCOO Servizos quere amosar o seu agradacemento a todas as persoas que participaron neste proceso e en especial ás que co seu voto depositaron a sua confianza en Comisións Obreiras.

CCOO Servizos quere dar tamén os parabéns a todos os traballadores e traballadoras mostrando o noso compromiso para levar a cabo o mellor traballo posible en defensa dos intereses de todo o persoal.

Dende a Federación de Servizos de CCOO de Galicia, rexeitamos unha vez máis as aperturas en domingos e festivos, e ratificámonos na idea de que sen estas aperturas, o horario comercial xa abastece suficientemente as necesidades comerciais, e a ampliación só serve para deteriorar aínda máis a posibilidade de conciliar a vida laboral e familiar, xerando un prexuízo notorio a todos os traballadores e traballadoras do Sector.

Podes ler o texto completo da carta aquí: