Arquivado en Noticias, Nota de prensa, Elecciones sindicales, Sector Financeiro
Revalida a súa condición de sindicato máis representativo nas antigas caixas
CCOO-Servizos volve gañar as eleccións sindicais no sector do aforro
A Federación de Servizos de Comisións Obreiras de Galicia (CCOO-Servizos) volveu gañar as eleccións sindicais no sector do aforro, onde Abanca, Bankia e Caixabank son as entidades máis representativas, con máis de 4500 traballadores e traballadoras. Dos 161 delegados e delegadas que se elixiron, CCOO conseguiu 49, que supoñen o 30,43 % do total. Ler máis
A moita distancia sitúanse a federación de sindicatos FINE, con 38 (23,6 %); UGT, con 34 (21,12 %) e a agrupación sindical CIC, con 25 (15,53 %). Os restantes sindicatos sumaron entre todos 15 representantes (9,32 %). Por entidades, os mellores resultados para CCOO foron en Abanca, onde conseguiu 26 delegados e delegadas; a seguir sitúanse Caixabank (18) e Bankia (5).
Este resultados avalan o traballo realizado polo sindicato nos últimos catro anos, nos que o sector superou a anterior conxuntura de reestruturacións e fusións «e afronta o futuro con novos retos, como a dixitalización, as esixencias regulatorias e os novos modelos de oficinas», apunta Jorge Villarino, responsable do sector financeiro de CCOO-Servizos, quen agradece o apoio ás candidaturas de Comisións Obreiras.
Estas eleccións «demostran que os traballadores e as traballadoras confían en CCOO», sinala Villarino, quen salienta o labor do sindicato en aspectos como os acordos de profesionalidade, horarios, conciliación e igualdade. Tamén, o asinamento do convenio colectivo 2015-2018, «que protexeu os dereitos laborais nun escenario moi complicado e sentará as bases para o novo convenio que se ha negociar de xeito inminente», conclúe.
Modelo de carta de Baja Voluntaria en la empresa
Primera reunión de negociación del XIX Convenio TIC. CCOO presenta su propuesta.
Convenio de BANCA: AEB debe avanzar en una propuesta de cierre que permita tener convenio antes del verano
Calendario Laboral 2024. Publicado en el BOE
CCOO se concentra en la sede de Paradores por el desbloqueo de la negociación del Convenio Colectivo
Yolanda Díaz se reúne con CCOO y UGT para conocer su opinión ante la OPA sobre el Sabadell