Federación de Galicia

Sentenza de Tribunal Supremo en casación para unificación de doutrina pola que se declara exentas de tributación de IRPF as prestacións de Maternidade

Adxunto remitimos a Sentenza que o Tribunal Supremo acaba de fallar en unificación de doutrina pola que se declaran exentas de tributación no Imposto da Renda de Persoas Físicas (IRPF) as prestacións de Maternidade da Seguridade Social.

Esta sentenza supón a resolución definitiva do conflito que desde varios anos vén producindo en relación á exención do citado imposto, e que se derivaba da diferente opinión que tiñan da mesma distintos tribunais, recoñecéndoa nalgúns casos e denegándoa noutros

Deste xeito, fíxase como doutrina legal a exención da tributación no IRPF das prestacións de Maternidade da Seguridade Social. Ler máis

Sentenza unificación doutrina prestacións maternidade exentas

Modelo de reclamación IRPF actualizado a 6 de outubro 2018

A Inspección de Traballo obriga a Fundación a pagalles aos traballadores/as uns 14.000 euros en concepto de salarios e cotizacións sociais

CCOO denuncia a explotación laboral en Proxecto Home Galicia

Comisións Obreiras (CCOO) denuncia explotación laboral na Fundación Monte do Gozo (Proxecto Home Galicia) e reproba que a dirección utilice as persoas usuarias como «reféns» para presionar os seus propios traballadores e traballadoras. Segundo CCOO, ante a crecente mobilización interna en defensa dos dereitos laborais, a dirección da fundación reaccionou pechando dous centros de traballo, causando un grave prexuízo tanto ao seu persoal como ás persoas usuarias.

Dosier informativo sobre a situación laboral en Proxecto Home Galicia [PDF]

Acordos sobre a demanda da subida salarial de 2018 Muerde La Pasta

Como tod@s sabedes, en maio interpuxemos unha demanda á empresa polas irregularidades na subida salarial de 2018 segundo marca o noso convenio e o día 17 de setembro tivemos o procedemento de mediación co SIMA (Servizo Interconfederal de mediación e arbitraxe F.S.P.) promovido por CCOO no que asistimos os/as representantes legais dos traballadores/as (RLT) e a empresa chegando aos seguintes acordos:

As partes acordamos celebrar unha primeira reunión da Comisión Paritaria o día 5 de outubro co fin de revisar as táboas salariais de 2018 garantindo os importes mensuais no art. 45 do convenio do grupo.
Nesta primeira reunión comprobaranse as nóminas de xuño das compañeiras e os compañeiros de Madrid, Alacante e Murcia.
Acordamos tantas reunións como sexan necesarias para a análise da situación salarial das compañeiras e os compañeiros das provincias restantes.

O prazo máximo para levar a cabo estas análises é o 31 de outubro de 2018. Agora é o momento de loitar polos nosos dereitos, untos somos máis fortes . Seguirémosvos informando.

Para calquera dúbida acode ao teu delegado ou delegada de CCOO para que te informe.

Acta SIMA

Táboas salariais 2018

Retómase a MESA POLA CALIDADE NO EMPREGO NO SECTOR DA HOSTALARÍA, cuxo desenvolvemento se viu interrompido tras a moción de censura do mes de xuño

Obxectivo conseguido: As Mutuas deberán recoñecer as enfermidades profesionais das camareiras de pisos

Durante a reunión entre sindicatos, patronais e a Secretaria de Estado de Emprego e Comunidades Autónomas, subscribíronse de maneira oficial os compromisos adquiridos na reunión do grupo de traballo do pasado 18 de maio sendo os máis significativos:

Infografías ilustrativas:

CCOO Servizos revalida a maioría nas eleccións de Inelcom A Coruña

Hoxe, 8 de agosto, celebráronse eleccións na empresa INELCOM na Provincia de A Coruña obtendo un total de 3 delegados/as para un comité de 5.

Este resultado fai que manteñamos a representación acadada por CCOO fai catro anos, onde se elexiran 3 delegados de persoal, obtendo deste xeito a maioría no Comité de Empresa. Estos resultados acadados nun escenario complexo, onde partiamos cunha candidatura totalmente renovada, son o resultado do traballo e compromiso demostrado polos nosos compañeiros/as durante os últimos catro anos.

CCOO Servizos amosa o seu agradecemento a todas as persoas que participaron neste proceso e en especial ás que co seu voto depositaron a súa confianza en Comisións Obreiras.

CCOO Servizos quere dar os parabéns tamén a todos os traballadores e traballadoras renovando o noso compromiso para levar a cabo o mellor traballo posible en defensa dos intereses de todo o cadro de persoal.