Federación de Galicia

A Federación de Servizos de CCOO esíxelles ás patronais de hostalaría de Galicia que garantan a seguridade e saúde dos traballadores e traballadoras e da clientela no actual escenario de emerxencia sanitaria, certificando que no establecemento están implantadas medidas de prevención adecuadas para asegurar que non existen riscos para a saúde. Ler máis

CCOO e UGT convocan para mañá, 4 de xuño, unha xornada de folga en Lidl. Esixen medidas que reduzan os riscos a que se expón o persoal, amais doutras cuestións de carácter laboral derivadas da crise da COVID-19. A cadea de supermercados ten aproximadamente oitocentos traballadores e traballadoras en Galicia. CCOO, sindicato maioritario coa metade da representación —16 delegados e delegadas—, acusa a empresa de romper a homoxeneidade das condicións de traballo, pois pactou un acordo de aplicación exclusivo para o País Vasco.

Na documentación adxunta poderás consultar de forma áxil e amena cuestións sobre dereitos relativos a igualdade e conciliación, ademais das medidas excepcionais adoptadas pola crise da Covid19

• Conciliación corresponsable en tempos do COVID-19. Preguntas e respostas
• Mulleres e violencias machistas. Atención, recursos e dereitos en tempos de COVID-19. Preguntas e respostas
• Dereitos sociolaborais e de Seguridade Social das mulleres vítimas de violencia de xénero
• Dereitos das traballadoras do fogar na situación derivada da emerxencia polo COVID-19 e ao subsidio extraordinario

Desde CCOO lamentamos o falecemento do noso compañeiro Jesús Deiros polo accidente laboral acontecido o pasado 28 de maio tras ser golpeado por unha vaca mentres realizaba tarefas de saneamento animal nunha explotación da provincia de Lugo. Queremos transmitir o noso máis profundo pésame á súa familia, amigos e seres queridos.

Consideramos que a actual lexislación, que provoca unha longa exposición do persoal veterinario co animal a sanear, e o estado dalgunhas explotacións, que non dispoñen de mangas, incrementan o risco laboral do traballo a desempeñar. Neste sentido, desde CCOO iniciamos as xestións oportunas para que desde o Goberno central se fagan  os cambios lexislativos necesarios para que se reduza o tempo de exposición co animal a sanear e para que desde a Xunta de Galicia se fomente a instalación de mangas nas explotacións gandeiras galegas.

Así mesmo, proporemos á empresa que se revisen as condicións laborais do persoal de saneamento animal de Tragsatec dando máis estabilidade ao colectivo, así como o especial recoñecemento de risco das tarefas que desempeñan.

O día Internacional de Acción pola Saúde das Mulleres caracterízase por pór de relevo os temas e estratexias dirixidas a mellorar a saúde das mulleres no mundo e facer unha reivindicación polos dereitos sexuais e reprodutivos.

Fai xa máis de trinta anos que se vén celebrando esta data para dar visibilidade e denunciar os problemas das mulleres para gozar dunha vida saudable e segura. Neste contexto, poderiamos facer unha enorme lista que dependendo do lugar do mundo ao que miremos, atopariámonos nun enclave distinto dentro da nosa axenda feminista, pero atravesado en calquera caso por unha cultura androcentrista, falta de perspectiva de xénero ou claramente a vulneración de dereitos humanos das mulleres. Ler máis