As empresas están a traballar sen aplicar medidas especiais ante o COVID-19, polo que o sindicato puxo os feitos en coñecemento da inspección de rabal

CCOO insta a Bosch e Unísono a garantiren a seguridade e saúde laboral nos seus centros de Vigo

bosch unisono covid19

17-3-2020.- A Federación de Servizos de CCOO dirixiuse ás empresas Bosch e Unísono para esixirlles medidas que garantan a seguridade e saúde laboral nos seus centros de traballo de Vigo. Nestas empresas, un numeroso cadro de persoal comparte espazos moi próximos, sen que se teñan tomado medidas especiais para previr un contaxio por coronavirus COVID-19. Por esta razón, o sindicato puxo os feitos en coñecemento da Inspección de Traballo. Ler máis


Magníficos resultados nas primeiras eleccións de CCOO en Prosegur AVOS Vigo

prosegur avos vigo

Con data vinte de novembro celebráronse eleccións no centro de Prosegur Avos en Vigo cuxos resultados foron en número de delegadas/os de CCOO 2 e CIG 3.

Esta son as primeiras eleccións nas que CCOO obtén representación no centro de Vigo e nas que até a data existía un comité composto por tres delegadas de CIG e dúas delegadas de UGT.

Damos os nosos parabéns ao traballo realizado pola nosa candidatura e máis tendo en conta que a cabeza de lista se atopa inmersa nun proceso por despedimento loitando pola nulidade do mesmo.

Desde a Federación de Servizos agradecemos tanto ás persoas que nos deron o seu apoio como ao resto do persoal pola participación nesta xornada electoral. Desde aquí trasladamos o noso compromiso para levar a cabo o mellor traballo posible en defensa dos intereses de todo o persoal.


O Grupo Común da Esquerda coincide con CCOO na situación dos centros de chamadas

unitono grupo común da esquerda

Este mércores tivo lugar unha xuntanza entre Comisións Obreiras e o Grupo Común da Esquerda para tratar a situación dos centros de chamadas en Galicia, especialmente tras a decisión de Naturgy de finalizar o contrato con Unitono-Ourense. Ler máis


Xa alertáramos desta posibilidade e denunciamos a política de deslocalizacións da compañía enerxética

CCOO rexeitamos a rescisión do contrato con Unitono-Ourense por parte de Naturgy

Unitono perda emprego

A Federación de Servizos de Comisións Obreiras de Galicia rexeitamos a rescisión do contrato con Unitono-Ourense por parte de Naturgy, que se producirá a partir do 15 de novembro. Desde comezos de ano, viñamos denunciando a política de deslocalizacións da compañía enerxética, reducindo carga de traballo nos centros de chamadas da Coruña e Ourense. Ler máis


Konecta despide un delegado sindical de CCOO por poñerse enfermo

konecta despide delegado

A Federación de Servizos de Comisións Obreiras de Galicia denuncia que a empresa Konecta Comercializadora despediu un delegado sindical desta organización por poñerse enfermo. A empresa aplicou o artigo 52 do Estatuto dos Traballadores, modificado coa reforma laboral do PP en 2012, que considera o absentismo xustificado como causa de despedimento obxectivo.

«É unha mostra máis do grao de deshumanización ao que nos ten acostumados o grupo Konecta», critica CCOO, que censura este aspecto da reforma laboral por antepor os intereses económicos e empresariais á protección da saúde das persoas traballadoras.

CCOO-Servizos defende que un dos principios fundamentais da responsabilidade social corporativa dunha empresa ha ser o dereito á saúde das persoas que traballan para ela. «Non somos simples números nas súas estatísticas de absentismo», denuncia o sindicato.

Concentración de apoio

CCOO esixe a readmisión do compañeiro despedido e por iso convoca unha concentración para o venres, 8 de novembro, ás 12 horas, diante das instalacións de Konecta Comercializadora no polígono de Bergondo (parcela B18).


A mobilización sairá ás 19:00 horas da tenda de R situada na Rúa Compostela na Coruña

As centrais sindicais convocan manifestación o 22 de outubro contra o traslado de servizos e emprego iniciado por R Cable

deslocalización R Cable

As centrais sindicais CCOO, CGT, CIG e UGT convocan unha manifestación o vindeiro martes 22 de outubro, para esixir a R Cable a paralización inmediata do proceso de traslado de servizos e do emprego fóra de Galiza. Unha deslocalización que, no caso do servizos de que operación e mantemento de rede, previsibelmente se fará efectiva a data de 31 de outubro, afectando a numerosas empresas e a centos de traballadores e traballadoras en toda a provincia.

A manifestación do día 22 sairá ás 19:00 horas da tenda de R situada na rúa Compostela (zona da Praza de Lugo) e rematará fronte ao edificio de R Cable situado no Obelisco.


Salud Laboral

Dudas y preguntas sobre Salud Laboral. Trabaja de manera segura.

Transparencia CCOO

Portal Transparencia Servicios CCOO: Cuentas, documentación, decisiones

Calendario Laboral Calendario Laboral 2015
Guía derechos de trabajadores y trabajadoras Guía de los derechos de trabajadores y trabajadoras en la empresa. Tambien puedes consultar los Efectos de la Reforma Laboral sobre los derechos de los trabajador
Consulta sobre pensiones
Consultas sobre pensiones