Firmado o Convenio Colectivo de Comercio Retallista Téxtil de Pontevedra
O pasado día 29 de xullo asinamos o convenio de Comercio Retallista Téxtil da provincia de Pontevedra, nos termos establecidos no preacordo alcanzado na reunión anterior. Lembramos as melloras que se introduciron:
-
Vixencia para os anos 2016, 2017, 2018.
-
Incremento salarial:1.5% para cada un dos anos de vixencia, en tódolos conceptos económicos.
-
Cláusula de revisión para cada un dos anos de vixencia na diferenza entre o IPC real e o incremento establecido para este ano.
-
Créase un novo plus de traballo nas tardes do 24 e 31 de decembro consistente en un recargo de 5? sobre a hora efectiva traballada entre a partir das 16:00 horas.
-
Horas extraordinarias pasarán a aboarse cunha recarga do 100% do seu valor habitual.
-
Vacacións: disfrute entre os meses de maio a outubro. Se voluntariamente se disfrutan fóra deste período o dereito é a 31 días de vacacións e unha bolsa de 200?.
-
Amplíase a posibilidade de acollerse a excedencia por maternidade ata un máximo de 4 anos e co límite de idade do fillo o filla de cinco anos.
-
A póliza de seguro de vida pasa a ser de 20.000 ?.
-
Licenzas: amplíase en 1 día a licenza por matrimonio, pasando a 16 días, e establécese en 6 días a licenza do artigo 30 por nacemento de fillo ou filla e polo falecemento accidente ou enfermidade grave, hospitalización ou intervención cirúrxica sen hospitalización de parentes ata o segundo grado de consanguinidade ou afinidade.
-
Guarda legal: amplíase a posibilidade de reducir a xornada ata que o menor cumpra os 14 anos.
-
Posibilidade de acumulación da lactación en 23 días naturais.
-
Nas empresas con máis de 15 traballadores establecese a xornada efectiva mínima para os contratos a tempo parcial en 27 horas semanais.
Dende CCOO facemos unha valoración positiva do acordado, que mellora en conciliacións e sobretodo nun incremento nas horas mínimas nos contratos a tempo parcial. Ademais garante un incremento salarial aceptable para os tempos que corren e a garantía de mantemento do poder adquisitivo.
Convenio Comercio Téxtil Pontevedra
CCOO Servizos logra a maioría absoluta nas eleccións de Randstad Project Services Vigo
A candidatura presentada pola Federación de Servizos de CCOO logrou cinco delegados despois de presentar a única candidatura que concurriu ás eleccións.
Denuncia o traballo precario de maneira confidencial e segura, fainos chegar o teu caso
Situación do Convenio Colectivo Comercio-Alimentación A Coruña
Tras un parón na negociación, o día seis mantivemos unha nova reunión na que intercambiamos as plataformas reivindicativas de sindicatos e patronal. A plataforma conxunta das centrais sindicais, pretende sobre a base do convenio anterior avanzar en temas como:
-
Melloras substanciais nos contratos a tempo parcial, no que respecta a tipo de horarios, consolidación de horas e promoción a tempo completo.
-
Control de Xornada mediante instalación de sistemas de fichaxe.
-
Libranzas de fin de semana en tendas de zona de influencia turística.
-
Melloras en vacacións e licenza retribuídas.
-
Inclusión de normas para o tratamento do acoso.
-
Melloras no tratamento dos inventarios.
-
Paga de Incentivos por beneficios.
-
Un incremento de salarios acorde ás melloras das condicións económicas das empresas.
Por parte da patronal, e negociando nunhas condicións económicas que para nada teñen que ver cos momentos máis difíciles da crise da negociación do Convenio anterior, manteñen unha actitude de negociación á baixa, sen presentar unha plataforma clara das súas pretensións e cunha ambigüidade que deixa ver un intento ou pretensión de empeorar en aspectos como:
-
Sen proposta de incremento salarial definido.
-
Modificar Pago IT (baixas por enfermidade ou accidente laboral)
-
Recorte de pluses, axudas, nocturnidad e tempo de descanso.
-
Recorte de abono de horas extras.
-
Incremento das porcentaxes de horas complementarias obrigatorias.
Desde Comisións Obreiras, entendemos que a patronal se equivoca e que non é o momento de tentar precarizar e empeorar máis as condicións laborais do persoal que traballa no Comercio de Alimentación.
CCOO Servizos mellora a súa representatividade en VEGALSA Oroso (p.l. Eroski)
Onte celebráronse en Oroso as votacións correspondentes ao proceso electoral da empresa VEGALSA (platoforma loxística de Eroski). Ata o día de onte o comité estaba formado por 5 delegados/as de UGT, 2 de CCOO e 2 de FETICO. Grazas ao traballo dos nosos delegados/as durante estos últimos catro anos o resultado neste último proceso foi o seguinte:
