CCOO condena o asasinato dun compañeiro no seu centro de traballo, vítima dun disparo por parte dun cliente
A vítima traballaba como director nunha oficina de Caixabank. CCOO convocou un paro de 5 minutos e concentracións á porta dos centros de traballo mañá, 24 de Novembro ás 12:00h.
Asemblea urxente: Información Convenio Comercio Alimentación (Vigo e Pontevedra)
Despois da última asemblea informativa sobre a situación do Convenio Colectivo de Comercio Alimentación de Pontevedra, as centrais sindicais representadas na mesa de negociación, CCOO, CIG, UGT e USO, despois de varias reunións e unha mediación, vémonos na obriga de convocar ASEMBLEA URXENTE para explicarvos en que situación se atopan as negociacións.
ASEMBLEA EN VIGO: Día 27 de novembro ás 11:30 hrs. nos locais da CIG, Rúa Gregorio Espino, 47
ASEMBLEA EN PONTEVEDRA: Día 27 De novembro ás 11:30 hrs. nos locais sindicais, Rúa Pasantería.
É IMPRESCINDIBLE A VOSA PARTICIPACIÓN, ACUDIDE!
¡POR UN CONVENIO DIGNO, POR UN CONVENIO XUSTO!
CCOO Servizos renova a súa maioría nas eleccións sindicais en FREMAP Coruña
CC.OO. revalida a súa maioría nas eleccións celebradas onte nos catro centros de Fremap na provincia da Coruña: Coruña, Ferrol, Santiago e Ribeira, cun censo total de 76 electores. Dos 5 representantes
elixidos 4 son de CC.OO. e 1 de UGT.
CC.OO. pasa de 3 a 4 representantes, UGT de 2 a 1, resultado que o sindicato entende como un
recoñecendo das traballadoras e traballadores da empresa ó traballo
realizado por CCOO.
Desde CCOO
queremos agradecer ás traballadoras e traballadores de Fremap Galicia a confianza depositada nesta organización.
«Represión» contra CCOO no Gran Hotel La Toja
A sección sindical de Comisións Obreiras (CCOO) no Gran Hotel La Toja, situado no Grove, denuncia «represión» contra este sindicato, materializada no despedimento de dous membros no mesmo. As rescisións dos contratos fóronlles comunicados nas últimas horas aos representantes das traballadoras e traballadores. Segundo CCOO, as dúas persoas despedidas teñen unha antigüidade de 17 e 34 anos, unha profesionalidade «intachable», así como un «gran traballo sindical» en defensa dos seus compañeiros e compañeiras. Segue
Concentración polo Convenio Contact Center: a prol do desbloqueo da mesa de negociación
A patronal non acudiu á mesa de convenio do día 17 e desde CCOO parécenos lamentable que coa xornada de folga convocada para o luns 28 de novembro sigan desaproveitando as opcións previas para reconsiderar algunhas das posturas expostas e poder chegar a algún acordo.
Isto non fai máis que reforzar a alternativa da folga, xa que o persoal está farto desa postura inmobilista e despectiva ante as reivindicacións por un convenio xusto. Así, o 28 de novembro #ColgamosLosCascos para que a caída dos servizos das empresas clientes faga reflexionar á patronal.
Hoxe, en Coruña e Vigo celebráronse concentracións reclamando o desbloqueo das negociacións e para facer pública unha vez máis a realidade diaria dun sector precario e empobrecido.