Arxivat a Nota de prensa, ERE, Union Comarcal Vigo, Contact Center, Accion sindical
O sindicato iniciou unha rolda de contactos cos diferentes partidos políticos
CCOO rexeita o ERTE anunciado por Bosch en Vigo e reúne apoios dos partidos políticos
Comisións Obreiras rexeita o expediente de regulación temporal de emprego (ERE) anunciado polo centro de chamadas Bosch para as súas instalacións de Vigo. O sindicato iniciou unha rolda de contactos cos diferentes partidos políticos para recabar o seu apoio. O primeiro dos encontros tivo lugar este luns con Yolanda Díaz, deputada de En Marea no Congreso. Ler máis
Após a reunión, Díaz e representantes de CCOO deron unha conferencia de prensa conxunta. Juana Taboada (CCOO), traballadora de Bosch, explicou que a empresa achegou documentación xustificativa para esta regulación de emprego. Con todo, apuntou que «para nós non abonda», xa que se alude a causas organizativas que non fican demostradas sobre o papel.
A causa probable estaría relacionada co ERE de Vodafone, un dos seus principais clientes, «pero Bosch non detallou o impacto que tería para a súa empresa e, sen resolver iso, presenta o ERTE», lamentou a traballadora.
Tabaoda tamén explicou que o ERTE afectaría a 800 persoas, con períodos de suspensión entre os dez días e os dous meses. Así mesmo, lembrou que foron despedidas 200 persoas que prestaban servizos a través de empresas de traballo temporal.
Pola súa parte, Yolanda Díaz salientou a gravidade para unha cidade como Vigo dunha regulación de emprego na que se manexan cifras desta envergadura. A representante de En Marea criticou que as grandes multinacionais estean «facendo coa xente o que lles peta», e lamentou que o marco laboral llelo permita.
Precisamente, En Marea presentou a pasada semana unha proposición de lei antideslocalización, para situar España ao nivel doutros países europeos, colcoando atrancos para que as grandes multinacionais deslocalicen e se comprometan cos territorios onde teñen centros de traballo.
Por último, Díaz aseverou que «estamos en tempo de desconto» ?o 5 de marzo disólvense as Cámaras?, «pero seguiremos presentando iniciativas», concluíu.
Modelo de carta de Baja Voluntaria en la empresa
Convenio Hostelería Baleares 2018-2022 (Publicado en el BOIB)
Firmado el III Plan de Igualdad del Grupo Mediterránea
CCOO en CEAR se vuelve a movilizar ante la falta de acuerdo en la Mesa Negociadora sobre subida salarial pactada
El convenio de ARTE continúa con las posiciones aún muy alejadas
Calendario Laboral 2024. Publicado en el BOE