25 DE NOVEMBRO. Día Internacional pola Eliminación da Violencia contra as Mulleres.
CCOO e UGT convocan concentracións nas comarcas de Galicia pola mañá.
A Secretaría da Muller
de CCOO de Galicia chama á cidadanía galega a participar nestas
concentracións e tamén nos actos convocados pola Plataforma de Mulleres
de Galicia.
Queremos concienciar a toda a
sociedade sobre a insoportable extensión da violencia, de todas as
violencias machistas: a que sofren as mulleres a mans das súas parellas
ou ex-parellas, o acoso sexual e por razón de sexo no traballo, a
intimidación na rúa, o acoso na Internet, o abusivo control con que son
subxugadas as mozas e, en especial, as terribles consecuencias que estes
ataques carrexan na saúde, a integridade, a dignidade e a vida laboral
das mulleres.
Concentracións diante do Parlamento de Galicia en contra do ERE no Grupo Tragsa
CCOO, UGT e CSIF convocan as concentracións os días 25 de novembro de 2 de decembro ás 12:00 horas diante do Parlamento de Galicia
Galicia e CCOO, moi presentes na manifestación pola erradicación das violencias machistas
Centos de milleiros de persoas percorreron o pasado sábado as rúas de Madrid para denunciar a violencia machista e instar á adopción de medidas para erradicala. Nesta masiva marcha estiveron moi presentes Comisións Obreiras e Galicia. As diferentes estruturas do sindicato implicáronse activamente para que a manifestación fora un éxito.
A maioría dos grupos parlamentarios galegos comprometeuse con CCOO a adoptar iniciativas contra o ERE do Grupo Tragsa
A maioría dos grupos políticos con representación no Parlamento de Galicia comprometeuse con Comisións Obreiras a adoptar medidas para rexeitar o expediente de regulación de emprego (ERE) no Grupo Tragsa. Esas medidas consistirán en proposicións non de lei e preguntas parlamentarias coas que se intentará que o Goberno galego adopte unha posición contraria ao ERE e en defensa do emprego neste grupo empresarial. Cómpre lembrar que a Xunta é a segunda maior clienta de Tragsa na comunidade autónoma e asemade ten a condición de accionista, polo tanto, é copropietaria da compañía.
Antonio Lago é elixido por unanimidade novo secretario xeral da Federación de Servizos de CCOO
O martes, 27 de outubro, reuniuse o Consello Nacional da Federación de Servizos de Comisións Obreiras de Galicia, máximo órgano desta organización entre congresos. Neste conclave, Antonio Lago (ata ese momento vogal) foi elixido por unanimidade novo secretario xeral de CCOO-Servizos.