Federación de Galicia

CCOO, como sindicato maioritario no Grupo Inditex, alcanzou un acordo histórico que homologa salariamente todas as marcas e territorios, en retribucións fixas e variables, concretando salarios fixos garantidos de entre 18 000 e 24 500 euros, a través dun complemento que se revalorizará no futuro baseándose no IPC. Ademais, conseguíronse avances de moito calado en condicións sociais e o compromiso de negociar medidas sobre parcialidade e tempos de descanso no marco da negociación do plan de igualdade de grupo. Ler máis

Desde CCOO indicamos na mesa de negociación á patronal e resto de sindicatos que era imprescindible axilizar as reunións, e de ser necesario, celebrar unha semanalmente co fin de avanzar na negociación e tentar conseguir un acordo antes de finalizar o ano.

En decembro 2022, tivemos reunións os días 12, 16 e 22. En xaneiro 2023, os días 3 e 19. E en febreiro, cancélase a reunión prevista para o pasado martes día 7.

Para CCOO é incomprensible a retardación da negociación, que desde o día 22 de decembro se paraliza de forma notable, despois de tratar na mesma como tema exclusivo a inclusión no convenio do Plus Compensatorio de Beneficios que só afecta a INDITEX, dando a impresión de que unha vez alcanzado este obxectivo, xa non hai tanta présa en manter a axilidade da negociación e poder así alcanzar canto antes un acordo no resto de temas que afectan ás 22.000 persoas que están baixo o paraugas deste convenio.

Esta paralización é moi grave para o sector desde o punto de vista de CCOO, porque non só repercute na perda de poder adquisitivo do persoal, senón que ademais pon en risco o abono de atrasos de convenio, sen ter en conta o resto de medidas que se negocian no mesmo e que tardarán máis en entrar en vigor.

Ante esta situación non nos queda outra alternativa que expor a posibilidade de convocar mobilizacións no sector, en CCOO temos claro que non podemos permitirnos un novo ano en branco

Despois dun longo período de negociacións acompañadas de numerosas mobilizacións e folgas, este mércores logrouse a sinatura do convenio de Comercio Metal da provincia de Pontevedra, un dos convenios que ampara a maior número de persoas traballadoras dentro do sector.

As negociacións -que comezaron o 8 de xuño de 2021- permitíronnos alcanzar un acordo coas seguintes características:

• Incrementos salariais: 2022 = 6,5 %; 2023 = 4 %; 2024 = 4 %
• Revisión salarial na diferenza entre a suma do IPC dos anos 2023 e 2024, e o incremento real destes anos (8 %) cun tope do 10 %, que se aplicará con carácter retroactivo ao 1 de xaneiro de 2024.
• Xornada: Redución de 16 horas (8 a partir do 1/01/23 e 8 a partir do 1/01/25)
• Adaptación do convenio ás novidades da reforma laboral e en materia de conciliación, trasladando para iso o acordado no convenio de comercio vario recentemente asinado.
• Vacacións: Os 22 días que marca o convenio son sempre de 8 horas, para que non lles conte un día completo ás persoas que traballan medio día os sábados.
• Traslado ao convenio o réxime de faltas e sancións establecido no convenio de comercio vario.

A pesar de non alcanzar o obxectivo inicial de introducir a este subsector dentro do recentemente asinado convenio de comercio vario -obxectivo que seguirá vivo para a seguinte negociación-, CCOO consideramos que o resultado final é satisfactorio, aínda que supoña un avance menor do que consideramos que debía ter.

Agora toca pór o convenio en marcha e esixir que se aplique en cada unha das empresas e persoas traballadoras ás que afecta.

CCOO poñémonos á vosa disposición para conquistar este importante obxectivo e animámosvos a afiliarvos e a participar como representantes das persoas traballadoras por esta organización onde se convoquen eleccións para que, desde o noso sindicato, se faga a forza necesaria para mellorar as condicións laborais de todas e todos.

Ante a comunicación de peche das tendas a continuación relacionadas:

BERSHKA PONTEVEDRA: c/ Benito Corbal

BERSHKA VILAGARCÍA: c/ Arzobispo Lago

OYSHO SANTIAGO: C.C. As Cancelas

MASSIMO DUTTI SANTIAGO: C.C. As cancelas

KIDDYS CLASS VIGO: C.C. Travesía

Queremos informar de que como membros da Comisión de Seguimento do Acordo Marco Estatal, aínda vixente, e en liña co asinado no que respecta ao compromiso de garantía do emprego, esixiremos á dirección de INDITEX, na reunión a manter respecto das recolocacións, a necesidade de manter as mesmas condicións que viña gozando o persoal até a data e no centro máis próximo ao de peche.

Queremos lembrar que este acordo marco, asinado por CCOO e UGT, segue tendo como obxectivo o mantemento dos postos de traballo e as súas condicións, ante calquera peche, evitando a aplicación de medidas máis traumáticas.

Así se conseguiu en situacións de peche anteriores e seguiremos esixindo que se faga nas actuais.