Federación de Galicia

Convocatoria e normas para o desenvolvemento do Plenario en Galicia da Sección Sindical de CCOO en SUPERMERCADOS DIA

A Comisión Executiva da Federación de Servizos de CCOO, na súa reunión do pasado 12 de setembro de 2016, aprobou a convocatoria do Plenario da Sección Sindical Estatal de SUPERMERCADOS DIA que se celebrará en Madrid o próximo 29 de novembro de 2016, así como as Normas de Funcionamento do mesmo.

A Dirección Provisional de CCOO Servizos Galicia, en cumprimento das normas aprobadas para este proceso pola C.E. Federal, así como do Regulamento Interno de seccións sindicais aprobado polo Comité Federal o 20 de abril de 2015, adopta as seguintes normas para o seu desenvolvemento en Galicia.

Normas Plenario DIA Galicia GL Normas Plenario DIA Galicia ES

CCOO Servizos gaña de novo as eleccións en Generali Ourense e Vigo

A Federación de Servizos de CCOO de Galicia gañou as eleccións sindicais celebradas nos centros de Generali en Ourense e Vigo, que se celebraron no día de hoxe. A candidatura proposta polo sindicato logrou un delegado en Ourense, mentres que CIG, que presenteou candidatura por primeira vez, non conseguiu representación. En canto a Vigo obtivo un delegado e cada unha das dúas oficinas.

CCOO agradécelles aos traballadores e traballadoras a participación no proceso electoral e a confianza depositada.

A requirimento de CCOO na Mesa de Negociación, a Dirección do Grupo reduciu o número de traballadoras e traballadores afectados polo proceso.

Mobilizacións en Ourense contra o ERE do Grupo Banco Popular

Tras as mobilizacións en todos os territorios do pasado día 20 e tamén de xornadas anteriores, onte mércores, 26 de outubro, o persoal saímos á rúa para defender os nosos postos de traballo, a Dirección do Grupo cedeu á reivindicación de CCOO, admitindo que NON SOBRAMOS 2900 persoas en Banco Popular e Banco Pastor.

Na quinta reunión da Mesa Negociadora, a Dirección situou a nova cifra en 2.592 persoas, reducindo en aproximadamente uns 400 o total dos 3.000 despedimentos anunciados ao inicio.

CCOO opoñémonos a este proceso de Despedimento Colectivo, do cal os traballadores non tiveron ningunha culpa, aínda que agora a paguen. Con todo, a reforma laboral -a Lei actualmente vixente- obríganos a todos a buscar o mellor acordo, se é posible.

Por iso CCOO esiximos a mellora das condicións dos despedimentos e o respecto da voluntariedade.
Por iso CCOO continuamos a nosa loita para reducir os efectos deste salvaxe Despedimento Colectivo
Por iso CCOO seguimos negociando e, unha vez conseguida unha primeira redución do número de persoas afectadas polo proceso, presentamos na Mesa Negociadora a nosa plataforma.

A próxima mobilización está convocada para o día 2 de novembro ás 18:00 en Lugo, Comenzando en Rúa da Raiña ( B Pastor OP) e rematando en Praza Maior (B Popular OP)

Vídeo

Plenario da Sección Sindical de CCOO Alcampo en Galicia

O luns 24 de outubro celebrouse o Plenario da Sección Sindical de CCOO Alcampo en Galicia. Nesta reunión decidiuse a elección do órgano de goberno da Sección Sindical de Alcampo Galicia, formado por tres persoas referendadas por unanimidade dos delegados e delegadas asistentes á reunión e coas seguintes designacións:

Secretario Xeral: Xoán Costas Alonso (Alcampo Vigo 2)

Comisión Executiva: Alejandro González Álvarez (Alcampo Coruña) e Montserrat Beceiro Couce (Alcampo Ferrol).

Desde a nova executiva, apóstase por dar un impulso á unidade de acción, cunha maior coordinación entre centros e comunicación aos afiliados.

Convocada para expoñer a postura da Patronal e a plataforma sindical na mesa do convenio

Asemblea de traballadoras e traballadores de Comercio Alimentación de Pontevedra

Tal como adiantabamos o dezaoito de outubro, onte vintetrés, celebránronse asembleas de traballadoras e traballadores do sector Comercio Alimentación da Provincia de Pontevedra en Vigo, Pontevedra e Arousa. A finalidade destas convocatorias é expoñer a posición da Patronal, que se basea nunha rebaixa importante das condicións recollidas no actual Convenio así como as reivindicacións de mellora dos catro sindicatos presentes na mesa de negociación (CCOO, CIG, UGT e USO):

Redución e mellora da distribución da xornada.
Aumento e optimización dos períodos no disfrute das vacacións e licencias.
Mellora salarial, inclusión de cláusula de revisión e incremento de pluses.
Procedemento para conversión de contratos a tempo parcial a xornada completa
Outros: Comisión Paritaria, período de vixencia, etc

A resolución adoptada en devanditas asembleas foi a non aceptación das propostas patronais, tanto na conxelación da antigüidade como no resto de epígrafes.