Archivado en Nota de prensa, ERE
A empresa, que chegou a dar emprego a 2500 persoas hai menos de catro anos, conta actualmente con 1400 traballadores e traballadoras
O persoal de Bosch Vigo concentrouse diante de Vodafone para denunciar o desmantelamento da empresa
O comité de empresa convocou unha concentración este xoves, 23 de xuño, para denunciar o desmantelamento de Bosch Service Solutions, a segunda empresa máis grande de Vigo por volume de persoal. A protesta tivo lugar ás 12 horas diante das oficinas dun dos meirandes clientes da compañía, Vodafone, situada na Zona Franca.
Bosch Service Solutions dedícase ao sector de centros de chamadas e presta servizos para clientes como Repsol, Orange, Iberdrola e a mencionada Vodafone, entre outras compañías. Desde o inicio da pandemia, Bosch encadeou varios ERTE e ERE, así como modificacións substanciais de condicións de traballo que afectaron principalmente aos servizos que se prestan para Vodafone.
A mediados de xuño, a dirección da empresa convocou o comité para iniciar un período de negociación dun novo ERE pola perda do servizo de Vodafone HD, que se deslocaliza a outros países.
CCOO rexeita o desmantelamento da empresa, tanto por parte de Bosch como pola deslocalización promovida por Vodafone, que provocaron que o cadro de persoal en Vigo pasara de 2500 persoas hai menos de catro anos a 1400 na actualidade.
Modelo de carta de Baja Voluntaria en la empresa
Calendario Laboral 2024. Publicado en el BOE
Convenio Colectivo de Hostelería de las Illes Balears
BOLETÍN INFORMATIVO
Un modelo turístico más sostenible y que garantice derechos, es imprescindible
Oferta formativa subvencionada para trabajadoras y trabajadores