_edit_web.jpg)
O persoal de Blanco sae á rúa, tras racharen as negociacións do ERE
O persoal da téxtil coruñesa Blanco saíu hoxe á rúa para denunciar a súa
situación, tras racharen as negociacións do enésimo expediente de
regulación de emprego (ERE). Ademais de hoxe, haberá folga os días 28 de
outubro e 4 e 11 de novembro
Na multitudinaria protesta, as traballadoras e traballadores despregaron
pancartas con lemas como «non aos despedimentos», «Blanco vístenos de
negro», «Blanco, ERE que ERE», «Directiva, dimisión!», «peche tras
peche, Blanco morre» ou «basta de encher petos baleirando futuros».
Circular
Convenio Comercio Alimentación Pontevedra: CCOO, CIG, UGT E USO convocan aos traballadores e traballadoras a unha asemblea
O Convenio Colectivo de Comercio Alimentación de Pontevedra rematou a súa vixencia o 31 de decembro de 2015. As centrais sindicais representadas na mesa de negociación, CCOO, CIG, UGT e USO, despois de moitos meses conseguimos comezar as negociacións. Despois de 13 reunións, a patronal segue mantendo as súas propostas, perder a maioría de dereitos que temos conqueridos, TODOS E TODAS. Non falaron de darnos, só queren quitarnos. Segue
Convocatoria e normas, para o seu desenvolvemento en Galicia, do VII plenario da Sección Sindical Estatal de ALCAMPO
A Federación de Servizos de CC.OO. de Galicia, en aplicación dos acordos da Sección Sindical Estatal de ALCAMPO sobre a renovación dos órganos de dirección da sección sindical, convoca mediante a presente as seguintes asembleas de afiliados e afiliadas de CCOO en Alcampo de todos os centros en Galicia:
|
CENTRO/PROVINCIA |
FECHA |
LUGAR |
HORARIOS |
|
ALCAMPO VIGO |
18/10/2016 |
As Teixugueiras, 11 Local CCOO(Vigo) |
15:30 - 17:30 |
|
ALCAMPO VIGO II |
18/10/2016 |
AV Madrid, s/n (Vigo) |
13:00 - 15:00 |
|
ALCAMPO A CORUÑA |
19/10/2016 |
Alfonso Molina, km.2 Planta 4 Local CCOO(A Coruña) |
13:00 - 17:00 |
|
ALCAMPO FERROL |
18/10/2016 |
Pol. De A Gándara s/n Ferrol(Coruña) |
12:00 - 16:00 |
|
ALCAMPO SANTIAGO |
19/10/2016 |
Alfonso Molina, km.2 Planta 4 Local CCOO(A Coruña) |
13:00 - 17:00 |
Con estas asembleas de afiliados e afiliadas preténdese elixir á representación provincial que corresponda para celebrar un Plenario de afiliados e afiliadas a nivel rexional, o próximo 24 de outubro en Santiago de Compostela, onde se acorde como se pode organizar a sección sindical en Galicia, se debata sobre os documentos do plenario estatal, e se escollan catro representantes para acudir ao plenario estatal da sección sindical de CCOO en Alcampo.
Para máis información sobre este proceso, podes consultar a seguinte ligazón e/ou consultar cos teus delegados/as de CCOO no teu centro os documentos do plenario estatal, aos efectos de efectuar as achegas que se consideren oportunas.
Para calquera dúbida respecto diso quedamos á túa disposición no enderezo de correo electrónico: direccionprovisional.galicia@servicios.ccoo.es
Atentamente.
CCOO Servizos Galicia
Normas Plenario Alcampo Galicia GL Normas Plenario Alcampo Galicia ES
Convenio Colectivo de Comercio Alimentación da Coruña: non imos negociar retrocesos
O día 23 de setembro, a representación da Federación de Servizos participou nunha nova reunión na mesa de negociación do Convenio Colectivo de Comercio Alimentación da Coruña.
Tras varias reunións anteriores de intercambio das plataformas de cada unha das partes, por fin entramos en materia.
Ao comezo da reunión, como declaración previa de intencións e tras analizar detalladamente a plataforma presentada pola patronal, a representación de CCOO deixou claro que a negociación deste convenio ten que pasar por mellorar as condicións do convenio, pero xamais entraremos a discutir condicións que empeoren o actual.
Nesta reunión empezamos a tratar artigo por artigo cada un dos diferentes capítulos do convenio, falando principalmente de contratación, categorías e xornada, adquirindo ademais o compromiso dunha reunión semanal para poder avanzar na negociación.
CCOO incidiu primordialmente nesta reunión no grave problema do sector con excesos de xornada e horas extras non abonadas, ademais da situación de precariedade dos contratos de tempo parcial, presentando solucións mediante a colocación de sistemas de fichaxes ou consolidación de horas complementarias para que a xente de tempo parcial poida chegar a ter unha xornada completa e regulada.
Carta á Xunta de Galicia rexeitando a apertura de domingos e festivos no Comercio Galego
A continuación detallamos unha copia da carta remitida á Dirección Xeral de Comercio da Xunta de Galicia rexeitando as aperturas en domingos e festivos, aquí
Nova reunión do Convenio Colectivo de Comercio Alimentación da Coruña
O mércores 6 de setembro mantivemos unha nova reunión do Convenio Colectivo de Comercio Alimentación da Coruña.
O punto primordial da reunión era pedir que a patronal clarificase a pseudo-plataforma que entregou na reunión anterior que non detallaba as pretensións que tiña respecto a cada un dos apartados negociables: salarios, xornada, contratación, etc.
Unha vez detallada a Plataforma Patronal, xa nos queda clara a súa intención de modificar todos os aspectos do convenio. Poñemos como exemplo das súas pretensións as seguintes:
