Arxivat a Condiciones de trabajo, Comunicados convenio, Unión Comarcal A Coruña, Comercio Galicia
A Patronal segue enrocada nas súas posicións lesivas para os traballadores
Nova reunión do Convenio Colectivo de Comercio Alimentación da Coruña
O mércores 6 de setembro mantivemos unha nova reunión do Convenio Colectivo de Comercio Alimentación da Coruña.
O punto primordial da reunión era pedir que a patronal clarificase a pseudo-plataforma que entregou na reunión anterior que non detallaba as pretensións que tiña respecto a cada un dos apartados negociables: salarios, xornada, contratación, etc.
Unha vez detallada a Plataforma Patronal, xa nos queda clara a súa intención de modificar todos os aspectos do convenio. Poñemos como exemplo das súas pretensións as seguintes:
- Incrementar o tempo necesario para promocionar de nivel.
- Incrementar os períodos de proba.
- Dar carta branca ao contrato de interinidade para evitar incrementar a contratación indefinida.
- Dar máis facilidades para a contratación a tempo parcial con horarios irregulares que poñen a plena disposición da empresa.
- Abonar como hora ordinaria as horas extras diarias e reducir o pago das de domingos e festivos.
- Recortar e complicar a xustificación das licenzas retribuídas.
- Reducir o abono do salario en caso de enfermidade e complicar a xustificación mediante actuación das mutuas.
- Eliminar calquera posibilidade de concreción horaria por maternidade e reducir os días de lactación.
- Un convenio para cinco anos cuns Incrementos salariais ridículos:
2016.- 0%
2017.- 0,25%
2018.- 0,25%
2019.- 0,5%
2020.- 0,5%
- E para rematar preséntannos un intento de modificación do réxime disciplinario que polo seu tamaño e detalle parécese máis a unha copia do Código Penal ou da famosa ?Lei Mordaza?, que facilita a sanción ou o despedimento case polo feito simple de respirar.
Unha vez máis, a patronal do Comercio Alimentación vai ao seu, e esquécese dos problemas dos traballadores e traballadoras do sector:
- Falta de control de presenza mediante fichaxe, con excesos de xornadas e horas extras realizadas e non abonadas.
- Precariedade salarial e exceso de contratación a tempo parcial.
- Imposibilidade de conciliación da vida laboral e familiar.
- Nula intención de mellorar en materia de saúde laboral e prevención de riscos.
Sen dúbida seguimos moi afastados e cunha visión totalmente diferente da situación actual: onde eles falan de crise, nós, dos datos reais sobre a mellora da economía, como indican os seus propios informes sobre o incemento de beneficios presentados nos medios de comunicación.
Modelo de carta de Baja Voluntaria en la empresa
Elecciones Europeas 9J PERMISOS RETRIBUIDOS
Calendario Laboral 2024. Publicado en el BOE
Alcanzado un preacuerdo en el Convenio Colectivo de Gestorías Administrativas
Primera reunión de negociación del XIX Convenio TIC. CCOO presenta su propuesta.
Convenio de BANCA: AEB debe avanzar en una propuesta de cierre que permita tener convenio antes del verano