Historico
Preguntas Frecuentes conciliación en Vitaly
Mobilizacións o día 19 en toda Galicia «por uns salarios e emprego dignos»
CCOO e UGT convocan mobilizacións nas principais cidades e vilas galegas (A Coruña, Santiago, Ferrol, Lugo, Ourense, Pontevedra e Vigo) para o vindeiro domingo, día 19. Os sindicatos denuncian que, mentres soben os prezos, os salarios perden poder adquisitivo e aumenta a desigualdade.
-Santiago: 12 h, Alameda-Praterías
-Ourense: 12 h, ao redor da Subdelegación do Goberno
CONCENTRACIÓNS
-A Coruña: 12 h, Delegación do Goberno
-Ferrol: 12 h, edificio da Xunta
-Lugo: 12 h, Subdelegación do Goberno
-Pontevedra: 12 h, Subdelegación do Goberno
-Vigo: 11.30 h, museo MARCO
Convocatoria asembleas nivel II Federación de Servizos
De conformidade ao Anexo Organizativo da Federación de Servizos de Galicia aprobado na reunión do Consello Federal o pasado 14 de setembro, e en cumprimento das Normas Congresuais aprobadas no Consello Confederal o pasado 11 de xullo de 2016, así como das Normas Congresuais sobre o II Congreso da Federación de Servicios de CCOO, aprobadas no Consello Federal, acórdase o presente Regulamento sobre o desenvolvemento do proceso de asembleas congresuais de NIVEL II do ámbito de CCOO Servizos Galicia.
Regulamento asembleas congresuais nivel II Reglamento asambleas congresuales nivel II
Proclamación definitiva de candidaturas de asembleas de nivel I da Provincia de Pontevedra
Convocatoria asembleas nivel I Federación de Servizos
O pasado 11 de xullo o Consello Confederal de Comisións Obreiras aprobou as normas do XI Congreso do sindicato, procedéndose a renovar con elas todas as estruturas de CCOO.
Como afiliado, afiliada, ao sindicato, tes o dereito a ter voz e voto e participar nesta renovación de CCOO.
A pesar de non pasar máis de dous anos do primeiro congreso da Federación de Servizos de CCOO de Galicia, onde agrupamos a atención sindical de diferentes sectores, como os Servizos Administrativos e Financeiros, o Comercio, a Hostalaría, Seguros, Enxeñarías, Contact Center, TIC´s, etcétera, o próximo 13 de marzo de 2017, en Santiago, celebraremos o II Congreso da Federación en Galicia.
Sete mil persoas manteñen a súa afiliación á Federación de Servizos, demostrando a súa confianza na atención sindical e asesoramento ante conflitos individuais ou colectivos. Segue
Convocatoria e normas para o desenvolvemento do Plenario en Galicia da Sección Sindical de CCOO en LIDL SUPERMERCADOS
A Comisión Executiva da Federación de Servicios de CCOO, na súa reunión do pasado 1 de decembro de 2016, aprobou a convocatoria do Plenario de Constitución da Sección Sindical Estatal de LIDL SUPERMERCADOS que se celebrará en Madrid o próximo 9 de febreiro de 2017, así como as Normas de Funcionamento do mesmo.
A Dirección Provisional de CCOO Servizos Galicia, en cumprimento das normas aprobadas para este proceso pola C.E. Federal, así como do Regulamento interno de seccións sindicais aprobado polo Comité Federal o 20 de abril de 2015, adopta as seguintes normas para o seu desenvolvemento en Galicia.
Normas Plenario LIDL Galicia GL Normas Plenario LIDL Galicia ES
Concentración contra o despedimento de dous delegados de CCOO de Eurostars Gran Hotel La Toja
En xuño de 2015, o grupo Hoteleiro Hotusa, tras facerse cargo da xestión do Gran Hotel La Toja, presentou ás traballadoras e traballadores cartas de subrogación nas que se garantían os postos e as condicións de traballo. Meses despois, e amparado en informes económicos desfavorables expresou a súa intención de pechar as súas portas en tempada baixa.
Mediante un ERTE establecéronse axustes nas xornadas laborais cun tope de 1.300 horas no ano 2016 para evitar pechar ao público, compensando períodos de menor e maior afluencia.
Porén, neste último verán a empresa negociou de forma individual cos afectados o cambio de contrato fixo a fixo discontinuo, evitando a negociación colectiva e presionando de todos os xeitos posibles para que os sindicatos aceptasen esta medida, feito ao que Comisións Obreiras non cedeu e ao que se opuxo rotundamente.
CC.OO asegura que as dúas persoas despedidas se caracterizaron polo firme rexeitamento ao expediente de regulación de emprego (ERE) formulado pola dirección do grupo Hotusa, que explota as instalacións. Asemade, denunciaron incumprimentos da cadea hoteleira, como o non pagamento das horas extras realizadas durante a vixencia do ERE, xa que o acordo asinado entre o comité e a dirección fixaba un máximo de 1.300 horas anuais, que se acabou superando. Tamén se opuxeron á destrución dos contratos fixos e de maiores de 55 anos, que foron sustituídos por fixos discontinuos, por xente xoven con salarios de miseria e alumnos en prácticas.
Cabe salientar que esta política de represión sindical de Hotusa estase aplicando con igual intensidade no Hotel de la Reconquista de Oviedo con despidos de integrantes do comité de empresa.
Comisións lamenta tamén a pasividade e falta de solidariedade amosada polos outros sindicatos con representación na empresa, CIG e CSIF, que ademais non acudiron á concentración.
Video: intervención de Isabel, unha das despedidas
Porcentaxe de xénero das asembleas congresuais da Federación de Servizos de CCOO de Galicia
Desconvocada a folga de Comercio-Alimentación da provincia de Pontevedra
Nas asembleas celebradas no día de hoxe, cunha participación de máis de 300 persoas, e que foron convocadas para valorar o preacordo ao que se chegou o pasado día 2 e decidir sobre a folga convocada para os días 5 e 7 de decembro, decidiuse por unanimidade validar os termos do acordo acadado entre a patronal e os catro sindicatos presentes na mesa de negociación, coa participación en calidade de mediadores do AGA de Jose Mª Casas e Ana Pouso.
Os termos de este acordo de mellora sobre o actual convenio son os seguintes:
O Gran Hotel La Toja (HOTUSA) faltou á súa palabra sobre o emprego e incumpriu o acordado no ERE
- Defendamos os nosos dereitos laborais, defendamos os postos de traballo da xente da comarca e da vila!
- Pactos incumpridos por parte da empresa HOTUSA. Hai culpables, basta de abusos, loitamos polo emprego
- Pola estabilidade na nosa localidade. Aféctanos a todos, tomos somos afectados!
- Se non loitamos polo noso futuro e o benestar na nosa terra, que futuro queda para a nosa xuventude?
- Si ao traballo, si á defensa dos nosos dereitos! Si á liberdade de expresión!
- Non á represión contra Comisións Obreiras e os seus delegados e delegadas!
- Basta xa de castigos a abusos laborais desta empresa.
Negociación para a mellora de condicións laborais en Randstad Pontevedra
_edit.gif)
O pasado mércores 23 de novembro celebrouse unha reunión do Comité co obxectivo de mellorar as condicións de traballo do persoal desta empresa de multiservizos en dous aspectos principais: o tempo de traballo e as condicións económicas. Posteriormente tivemos unha asemblea nos locais de CCOO en Vigo este sábado día 26 á que asistiu máis da metade do persoal.
Nesta asemblea explicouse a proposta que sobre bolsa de horas e melloras salariais se trasladou por parte do Comité de Empresa (formado por 5 persoas de CCOO) nesa reunión coa dirección, así como a intención de mellorar as condicións de traballo tanto a nivel estatal coa negociación de renovación do Convenio Colectivo de empresa, como nos centros de traballo desta provincia.
Un dos problemas que se detectou neste primeiro encontro coa Dirección foi a falta de disposición a aceptar a proposta do Comité por entendela desmesurada e non axustada ao actual Convenio de Empresa que se atopa en ultractividade.
Tras expoñer a situación aos asistentes á asemblea, decidiuse que o Comité prepare unha nova proposta buscando o obxectivo xeral inicial de mellora de condicións e se volte a presentar á dirección, valorando a posibilidade de iniciar mobilizacións no caso de que as súas xustas reivindicacións non se teñan en conta.
Excelentes resultados de CCOO Servizos na súa primeira candidatura en FREMAP Pontevedra
CC.OO. Servizos estrea a súa representatividade cun gran resultado nas eleccións celebradas hoxe martes, 29 de novembro. Nos catro
centros de Fremap na provincia da Pontevedra (Vilagarcía, Porriño, Vigo e Pontevedra) obtivo dous delegados, UGT tres e CSIF catro. Cabe salientar que as diferenzas de votos foron mínimas, con só un de diferenza respecto a UGT.
CC.OO. pasa a ter dous representantes, resultado que o sindicato entende como un
recoñecemento das traballadoras e traballadores da empresa ao traballo
realizado por CCOO.
Desde CCOO
queremos agradecervos ás traballadoras e traballadores de Fremap Galicia a confianza depositada nesta organización.
.png)
.jpg)
