INFORME COYUNTURA TURÍSTICA 2025

Desde CCOO asistimos al Comité Europeo de Decathlon (CRSE) donde recibimos información relevante para el seguimiento sindical del proyecto Team Up, la evolución económica del grupo y las cuestiones laborales planteadas directamente a la dirección.

Las organizaciones sindicales que conforman el CEE de Inditex, han decidido concentrarse el 28 de noviembre en sus respectivos países, para reivindicar una fórmula de participación extraordinaria en los beneficios económicos del Grupo Inditex

La pregunta de fondo es incómoda, pero inevitable: ¿quién se beneficia realmente del modelo turístico? ¿A quien representa la clase política cuando prioriza la construcción de nuevos complejos hoteleros frente a la protección de ecosistemas o el derecho constitucional a la vivienda?

Actuará sindicalmente para evitar la aplicación de los retrocesos que ha pactado UGT a cambio de la subida salarial, firmando EL PEOR CONVENIO DE LA HISTORIA

(Leer comunicado...)

Este domingo, 6 de abril, desde CCOO Servizos participamos activamente na manifestación convocada por SOS Sanidade Pública en Santiago de Compostela. A mobilización arrincou ás 12:00 horas desde a Alameda baixo o lema:
«Máis atención primaria, máis atención hospitalaria, máis sanidade pública».

Sumámonos a esta loita porque cremos nun sistema sanitario público, universal e de calidade para todas as persoas.
 

Defendemos unha sanidade pública baseada en tres eixos fundamentais

Como parte da plataforma SOS Sanidade Pública, compartimos e facemos propias estas tres grandes reivindicacións:

1. Queremos máis atención primaria

Reclamamos unha atención primaria forte e accesible, con medidas como:

• Dotación suficiente de persoal nos centros de saúde e PAC.

• Atención médica no prazo de 24 a 48 horas.

• Posibilidade de consultas presenciais cando así o solicitemos.

• Centros sanitarios ben equipados e funcionais.

• Un modelo centrado na promoción da saúde, prevención, traballo comunitario e participación social.

2. Apostamos por máis atención hospitalaria

É urxente mellorar a atención hospitalaria pública mediante:

• Uso completo dos hospitais en quendas de mañá e tarde.

• Reversión dos recortes nos hospitais comarcais.

• Fin dos concertos coa sanidade privada.

• Recuperación dos centros privatizados para o sistema público.

• Plans efectivos para reducir as listas de espera.

• Mellores condicións laborais para o persoal sanitario.

• Dedicación exclusiva do persoal médico á sanidade pública.

3. Reivindicamos máis investimento en sanidade pública

Esiximos ás administracións un compromiso real coa sanidade pública:

• Aumento do orzamento público destinado á saúde.

• Elaboración dun plan galego de saúde adaptado ás necesidades reais da poboación.

• Recuperación de servizos privatizados ou pechados.

• Reforzo do sistema para responder ante crises sanitarias e epidemias.
   

Porque a saúde é un dereito, non un negocio

Desde CCOO Servizos facemos un chamamento á cidadanía galega a mobilizarse connosco. Non podemos permitir que a nosa saúde dependa de intereses privados.

"A saúde é un dereito fundamental, non un negocio"

Seguiremos loitando, nas rúas e nos centros de traballo, por unha sanidade pública digna e de calidade para todas e todos.

Mobilizacións en Galicia polo dereito á vivenda

CCOO Servizos participamos nas mobilizacións do sábado 5 de abril en defensa do dereito a unha vivenda digna e asequible. As protestas, convocadas baixo o lema «Acabemos co negocio da vivenda», tiveron lugar en A Coruña, Vigo e Santiago de Compostela.

Un acceso á vivenda cada vez máis difícil nas cidades galegas

Comisións Obreiras alertamos de que as cidades galegas están cada vez máis tensionadas, dificultando o acceso a unha vivenda en condicións xustas para a maioría da poboación. Por iso, fixemos un chamamento á participación masiva nestas mobilizacións, reivindicando unha vivenda como un dereito básico e non un luxo.

A vivenda, o quinto piar do Estado do benestar

Para CCOO Servizos, a vivenda é o chamado quinto piar do Estado do benestar, que se atopa ameazado polas prácticas especuladoras e pola inacción dos poderes públicos.

Máis de medio millón de vivendas baleiras en Galicia

En Galicia existen máis de 500.000 vivendas baleiras, unha cifra que permitiría duplicar a oferta habitacional actual se fosen mobilizadas adecuadamente.

O impacto das vivendas turísticas

Outro dos factores que contribúen á escaseza de vivenda é o aumento das vivendas turísticas, que xa superan as 20.000 unidades. Este fenómeno ten especial impacto nas localidades con menor oferta de alugueiro residencial.

Falta de acción política e crítica á Xunta de Galicia

CCOO lembramos que leva anos presentando propostas en materia de vivenda, sen obter resposta efectiva das administracións. Critica especialmente á Xunta de Galicia, que se nega a aplicar a lexislación estatal e entorpece as declaracións de zonas tensionadas, fundamentais para regular o mercado inmobiliario.

Das propostas ás protestas: chamamento á clase traballadora

Ante esta situación, CCOO concluímos que chegou o momento de pasar das propostas ás protestas, animamos á clase traballadora e ao conxunto da cidadanía galega a participar nas mobilizacións para defender unha vivenda digna, asequible e accesible para todas as persoas.

As confederacións sindicais CCOO e UGT convocamos mobilizacións en toda España para o domingo 2 de febreiro. O obxectivo é protestar contra o recente desmantelamento de medidas de protección social, que afecta directamente á clase traballadora. O Sindicato Nacional de CCOO de Galicia chama á participación «masiva» da cidadanía nesta importante convocatoria.
 

CCOO denunciamos o ataque ao escudo social

Partidos como o PP, Vox e Junts aliáronse para tombar no Congreso medidas clave do chamado escudo social, que inclúen:

• A revalorización das pensións.

• O aumento do Ingreso Mínimo Vital (IMV).

• A suba do Salario Mínimo Interprofesional (SMI).

• Axudas ao transporte público.

• Recursos para afectados pola DINA en Valencia.

A secretaria xeral de CCOO, Amelia Pérez, cualificou esta votación como un «ataque directo contra a clase traballadora» e, sobre todo, contra os colectivos máis vulnerables. «En lugar de priorizar o benestar das persoas, estas forzas políticas demostran que antepoñen os seus intereses partidistas», afirmou Pérez.
 

Impacto en Galicia: máis de 1 millón de persoas afectadas

Os efectos deste desmantelamento serán especialmente graves en Galicia. Unha de cada tres persoas na comunidade verá empeorada a súa calidade de vida. Entre os máis afectados atópanse:

• 782.000 persoas que reciben prestacións contributivas, das cales 200.000 son pensións mínimas.

• 44.000 beneficiarias do Ingreso Mínimo Vital (IMV).

En palabras de Amelia Pérez, «case un millón de galegos e galegas sufrirá as consecuencias desta irresponsabilidade política de PP, Vox e Junts».
 

Esixencia dun novo paquete social

CCOO instamos ao Goberno do Estado a aprobar un novo paquete de medidas sociais mediante real decreto lei. Ademais, pídese ás forzas políticas que validen estas medidas no Congreso para evitar que a poboación máis vulnerable sexa usada como refén en xogos políticos.
 

O SMI de 2024 mantense en Galicia

A pesar do rexeitamento ao decreto ómnibus, o Salario Mínimo Interprofesional (SMI) do 2024 non se verá afectado. Isto garante aos 120.000 traballadores e traballadoras en Galicia unha contía mínima de 1.134 euros mensuais en 14 pagas, segundo o artigo 27 do Estatuto das Persoas Traballadoras.
 

Mobilizacións en Galicia o 2 de febreiro

As mobilizacións en Galicia terán lugar nas seguintes localidades:

• A Coruña: 11:00 h en Méndez Núñez (Cantóns).

• Vigo: 12:00 h na Porta do Sol.

• Ourense: 12:00 h na Subdelegación do Goberno.

• Pontevedra: 12:00 h na Praza da Peregrina.

• Los fenómenos meteorológicos causan incidentes graves y suponen un riesgo para la seguridad. La falta al puesto de trabajo está justificada cuando existe "riesgo grave e inminente". Las empresas están obligadas por ley a informar a la plantilla, tomar las medidas pertinentes y, si es necesario, interrumpir la actividad.