Con data vinte de novembro celebráronse eleccións no centro de Prosegur Avos en Vigo cuxos resultados foron en número de delegadas/os de CCOO 2 e CIG 3.

Esta son as primeiras eleccións nas que CCOO obtén representación no centro de Vigo e nas que até a data existía un comité composto por tres delegadas de CIG e dúas delegadas de UGT.

Damos os nosos parabéns ao traballo realizado pola nosa candidatura e máis tendo en conta que a cabeza de lista se atopa inmersa nun proceso por despedimento loitando pola nulidade do mesmo.

Desde a Federación de Servizos agradecemos tanto ás persoas que nos deron o seu apoio como ao resto do persoal pola participación nesta xornada electoral. Desde aquí trasladamos o noso compromiso para levar a cabo o mellor traballo posible en defensa dos intereses de todo o persoal.

Este mércores tivo lugar unha xuntanza entre Comisións Obreiras e o Grupo Común da Esquerda para tratar a situación dos centros de chamadas en Galicia, especialmente tras a decisión de Naturgy de finalizar o contrato con Unitono-Ourense. Ler máis

A Federación de Servizos de Comisións Obreiras de Galicia rexeitamos a rescisión do contrato con Unitono-Ourense por parte de Naturgy, que se producirá a partir do 15 de novembro. Desde comezos de ano, viñamos denunciando a política de deslocalizacións da compañía enerxética, reducindo carga de traballo nos centros de chamadas da Coruña e Ourense. Ler máis

A Federación de Servizos de Comisións Obreiras de Galicia denuncia que a empresa Konecta Comercializadora despediu un delegado sindical desta organización por poñerse enfermo. A empresa aplicou o artigo 52 do Estatuto dos Traballadores, modificado coa reforma laboral do PP en 2012, que considera o absentismo xustificado como causa de despedimento obxectivo.

«É unha mostra máis do grao de deshumanización ao que nos ten acostumados o grupo Konecta», critica CCOO, que censura este aspecto da reforma laboral por antepor os intereses económicos e empresariais á protección da saúde das persoas traballadoras.

CCOO-Servizos defende que un dos principios fundamentais da responsabilidade social corporativa dunha empresa ha ser o dereito á saúde das persoas que traballan para ela. «Non somos simples números nas súas estatísticas de absentismo», denuncia o sindicato.

Concentración de apoio

CCOO esixe a readmisión do compañeiro despedido e por iso convoca unha concentración para o venres, 8 de novembro, ás 12 horas, diante das instalacións de Konecta Comercializadora no polígono de Bergondo (parcela B18).

As centrais sindicais CCOO, CGT, CIG e UGT convocan unha manifestación o vindeiro martes 22 de outubro, para esixir a R Cable a paralización inmediata do proceso de traslado de servizos e do emprego fóra de Galiza. Unha deslocalización que, no caso do servizos de que operación e mantemento de rede, previsibelmente se fará efectiva a data de 31 de outubro, afectando a numerosas empresas e a centos de traballadores e traballadoras en toda a provincia.

A manifestación do día 22 sairá ás 19:00 horas da tenda de R situada na rúa Compostela (zona da Praza de Lugo) e rematará fronte ao edificio de R Cable situado no Obelisco.

Tras dous meses de mobilizacións do persoal de empresas auxiliares de R, a Federación de Servizos de CCOO constata que están a dar os seus primeiros froitos.

Hai unhas semanas transcendía a noticia da existencia de diversos postos de traballo para a empresa de Contact Center Lanaldel en Euskadi que buscaba persoal que falase galego.

Tras denunciar este feito en varios ámbitos, tanto políticos como medios de comunicación, desde CCOO trasládase recibir a noticia que Euskatel retirou dita oferta de traballo.

Desde a Federación de Servizos de CCOO séguese reivindicando unha reunión urxente coa dirección de Euskaltel que permita solucionar o conflito existente a día de hoxe no persoal das empresas auxiliares de R.

É por iso que nas próximas semanas CCOO fará públicas as mobilizacións que se levarán a cabo no mes de outubro e fai un chamamento á unidade sindical de todos os sindicatos implicados no conflito.

Hoxe, 22 de xullo, celebrouse na Coruña o plenario de renovación da Sección Sindical de CCOO en Teleperformance A Coruña. No mesmo foi reelixido como secretario xeral Xosé González Paz e como membros da executiva Miriam Dornas Coira, Beatriz Agra Aguinaga, Antonio Díaz Diaz e Lucía Trenor López.

Desde a Federación de Servizos de Galicia os nosos parabéns polo gran traballo desenvolvido nos últimos catro anos. 

Desde a compra por parte de Euskaltel no 2015, R Cable está a deslocalizar os postos de traballo cara Asturias e o País Vasco.

O presente e futuro, tal e como indicou o conselleiro delegado da empresa, José Miguel García, vai continuar no mesmo camiño, para acabar coa gran maioría dos postos de traballo en Galicia.

Máis concretamente todo o Servizo de Mantemento, maioritariamente subcontratado en outras empresas, está derivando os distintos servizos fóra, operación e mantemento, enxeñería e desenvolvemento, o servizo de atención telefónica, etc. sin que se produza subcontratación dos traballadores e traballadoras de Galicia, quedando así, máis de 1.200 traballadores e traballadoras en risco de perder os seus postos de traballo. A maioría do persoal que vimos prestando servizos para R, desde hai moitos anos, e que xa fomos subrogados anteriormente doutras empresas, vemos agora, con esta deslocalización, como os nosos postos de traballo están en perigo.

É por isto, que os traballadores e traballadoras que vimos prestando servizos para R, chamamos á mobilización, para loitar contra esta fatidica deslocalización e pola defensa dos postos de traballo, que terá como pistoletazo de saída, unha concentración o día mércores 17 de xullo ás 19:30 hs. diante da sede de R na Coruña.

Onte, catro de xuño, tiveron lugar as votacións para elixir os membros do Comité de Empresa de Teleperformance A Coruña e, de novo, o persoal elixiu de forma maioritaria a candidatura de CCOO.

O persoal outorgou cos seus votos a confianza aos nosos candidatos recollendo a proposta de CCOO de que sumando se poden acadar as metas que nos propoñamos, defendendo as condicións laborais do persoal e o emprego.

Hai que destacar o alto índice de participación nas votacións para un comité, que pasou de 17 a 21 membros, nas que CCOO obtivo case o 43% dos vinte e un delegados/as que se elixían, quedando a súa composición do seguinte xeito: CCOO 9, CIG: 6, UGT: 4 e CGT: 2

Desde CCOO queremos agradecer ás traballadoras e traballadores de Teleperformance A Coruña a súa implicación no proceso electoral e a súa confianza no noso sindicato, cuxas delegadas e delegados, desde o primeiro día en que foron elixidos, fai xa máis de catro anos, traballaron duramente en mellorar as condicións laborais de todo o cadro de persoal, o cal, agora, recoñece este labor cos seus votos, e que nos permite renovar o noso compromiso de seguir traballando para estar á altura das súas expectativas.

CCOO agradecemos o apoio do persoal pola súa participación democrática e polo apoio outorgado aos nosos candidatos e candidatas e comprometémonos a traballar para ser útiles e eficaces e poder intervir con máis garantías no devir da empresa e do sector.

O pasado nove de maio a Federación de Servizos de CCOO de Galicia, representada pola súa Secretaria Xeral Lucía Trenor, asistiu a unha reunión do Comité de Empresa de Unitono co conselleiro de Economía, Emprego e Industria Francisco Conde.

Na reunión participaron ademais a secretaria xeral de Emprego Covadonga Toca e o director do IGAPE Juan Cividanes.

Durante a reunión o comité de empresa de Unitono trasladou a problemática existente na plataforma do centro de Ourense, solicitando a intervención da Xunta para atopar unha solución conxunta á deslocalización que está sufrindo. Ler máis

Comunicado comité empresa de Unitono Ourense:

Como sabedes tivemos unha reunión extraordinaria coa empresa para tratar a situación actual.
UNITONO di que a súa intención non é deslocalizar ou pechar este centro e que na mesma liña esta Naturgy. Ler máis