A Federación de Servizos de CCOO esíxelles ás patronais de hostalaría de Galicia que garantan a seguridade e saúde dos traballadores e traballadoras e da clientela no actual escenario de emerxencia sanitaria, certificando que no establecemento están implantadas medidas de prevención adecuadas para asegurar que non existen riscos para a saúde. Ler máis

CCOO e UGT convocan para mañá, 4 de xuño, unha xornada de folga en Lidl. Esixen medidas que reduzan os riscos a que se expón o persoal, amais doutras cuestións de carácter laboral derivadas da crise da COVID-19. A cadea de supermercados ten aproximadamente oitocentos traballadores e traballadoras en Galicia. CCOO, sindicato maioritario coa metade da representación —16 delegados e delegadas—, acusa a empresa de romper a homoxeneidade das condicións de traballo, pois pactou un acordo de aplicación exclusivo para o País Vasco.

Inicialmente, entendiamos que a decisión de abrir o período de consultas para un ERTE ETOP (Suspensión temporal del contrato o reducción de jornada por causas económicas, técnicas, organizativas o de producción) era precipitada, xa que sen ter claro como se desenvolverían as fases de desescalada nas diferentes comunidades autónomas ou provincias, era imposible negociar criterios que permitisen un ERTE ecuánime e que impedise que as persoas con contratos máis precarios se visen máis prexudicadas pola súa aplicación.

Por outra banda, tamén desde o inicio expresamos a nosa prioridade para que nestes criterios prevalecese a prevención de riscos e a seguridade do persoal. Ler máis

A Federación de Servizos de CCOO de Galicia avalía positivamente a inminente derrogación da norma que dá liberdade horaria aos establecementos comerciais. O Centro de Coordinación Operativa da Xunta reunirase hoxe para, entre outras cuestións, deixar sen efecto o punto cuarto do acordo adoptado o pasado 15 de marzo, que outorga liberdade de horarios «sen limitacións» aos establecementos comerciais de primeira necesidade. Deste xeito, volverase á situación previa, coas limitacións establecidas na lei 13/2006 de horarios comerciais de Galicia, que fixa que só teñen liberdade horaria os establecementos de ata 300 m 2 , entre outras excepcións.

Nos últimos dous meses, a Federación de Servizo de CCOO pediu a derrogación desta liberdade horaria, decretada ao abeiro da declaración do estado de alarma, por vela «inapropiada e inadecuada». Na práctica, só se estaba a beneficiar desta prerrogativa unha única empresa, pois a maioría do sector non a aplicou, pois dificulta a necesaria atención tanto á reposición da mercadoría, como á desinfección das instalacións. Desta maneira, reducindo horarios contribuíron a preservar as garantías de saúde do persoal e dos propios clientes.

Dá resposta á reunión do mércores

Esta decisión dá resposta a unha das cuestións que o sindicato formulou na videoconferencia do pasado mércores, día 13 de maio, co presidente da Xunta e cos conselleiros de Facenda e Economía, Emprego e Industria. Nesta reunión, unha das representantes de CCOO foi a secretaria da Federación de Servizos, Lucía Trenor, quen ademais de pedir a derrogación da liberdade de horarios, expuxo outras importantes reivindicacións para o persoal do sector. Entre outras, a necesidade de participación sindical no deseño de alternativas para os sectores do comercio, o turismo ou a hostalaría; ou o cambio de modelo produtivo, apostando pola mordernización tecnolóxica e situar a Galicia na vangarda da dixitalización.

Unha representación de CCOO reuniuse esta mañá por videoconferencia con Alberto Núñez Feijóo para propoñerlle varias medidas con esta finalidade. Na xuntanza co presidente participaron o secretario xeral do sindicato, Ramón Sarmiento, a a secretaria xeral da Federación de Servizos, Lucía Trenor, o secretario xeral da Federación de Industria, Víctor Ledo, e coordinadora da Área Pública, Emilia Lamas. Ler máis.

O Comité de empesa de Teleperformance Coruña denuncia que aproveitando a crise sanitaria de Covid-19 quere implantar o teletraballo de forma unilateral e abusiva.

Teleperformance obriga ós seus traballadorxs a asumir todos os custos xerados polo traballo no domicilio (equipos, conexión a internet, luz...) sen recibir ningunha contraprestación.

Asemade desconta das nóminas das persoas traballadoras importes de ata 200€ por incidencias informáticas responsabilidade de Teleperformance derivadas da falla de inversión á hora de implementar o teletraballo. As persoas traballadoras están pagando por traballar.
Esta ilegalidade púxose en coñecemento de Inspección de Traballo e o Comité de empresa no día de hoxe, decidiu interpoñer conflicto colectivo.

Teleperformance emprega unha medida preventiva prioritaria na crise do Covid -19, como é o teletraballo, necesaria para velar pola salúde das persoas traballadoras,como medida de coacción a cambio de manter a súa rendabilidade a toda costa. PENALIZA retirando do teletraballo se non se cumpren as esixencias de Teleperformance en canto ó cumprimento de obxectivos.

O COMITÉ DE EMPRESA DE TELEPERFORMANCE CORUÑA XA EMPRENDEU AS ACCIÓNS LEGÁIS NECESARIAS EN DEFENSA DOS DEREITOS DE TODAS AS PERSOAS TRABALLADORAS

Desde o inicio da alerta sanitaria a Consellería de Economía recibiu preto de 33000 solicitudes de procedementos de expedientes de regulación de emprego temporais, a maior parte deles a causa de concorrencia de causas de forza maior.

A lei establece que nos procedementos de Expedientes de Regulación de Emprego Temporais derivados de forza maior, non é preciso formar unha comisión negociadora coa representación legal das persoas traballadoras nin cos sindicatos máis representativos polo que solicitamos proporcione datos concretos das empresas que na comunidade autónoma de Galicia solicitaran, estean a solicitar

a iniciación e tramitación ou estean xa aplicando estes ERTEs derivados de forza maior, e tamén dos derivados por concorrencia de causas económicas, técnicas, organizativas ou de produción, todos eles derivados da situación de estado de alarma.

A Consellería de Economía, Emprego e Industria limítase a proporcionar unha listaxe indicando o número de ERTEs que se están a tramitar por provincia polo que esta Federación non está podendo exercer o labor de vixilancia e control derivado da acción sindical que, en aplicación do previsto no artigo 28 da Constitución Española e no artigo segundo, apartado 2, d), da Lei Orgánica 11/1985, de 2 de agosto, de Liberdade Sindical, ten atribuída e que constitúe un dereito fundamental susceptible de amparo constitucional.

Polo anterior, desde esta Federación enviouse un escrito, solicitando datos concretos das empresas e un listado cos CNAE, que na Comunidade Autónoma de Galicia están solicitando a iniciación, tramitación ou están xa aplicando ERTEs derivados de forza maior e os derivados por concorrencia de causas económicas, técnicas, organizativas ou de produción, todos eles derivados da situación de estado de alarma ocasionado pola alerta sanitaria do COVID-19.

Desde a Federación de Servizos de CCOO de Galicia remitimos un escrito ao conselleiro de Economía, Emprego e Industria, para insistirlle na necesidade de derrogar a resolución do pasado 15 de marzo sobre liberdade de horarios de establecementos de primeira necesidade. Cuestionamos á Xunta de Galicia que manteña en vigor un texto que unicamente beneficia a El Corte Inglés. «Unha norma que favorece só unha empresa non é xusta nin racional», salienta a organización sindical.

O acceso aos bens imprescindibles xa está garantido polo Real decreto en que o Goberno central declarou o estado de alarma, así como na garantía expresada en múltiples comunicados das grandes distribuidoras de alimentación.

A maioría das empresas do sector tomaron a decisión de reducir o seu horario comercial, co fin de poder atender tanto a reposición de mercadoría, como a desinfección dos centros, e así preservar as garantías de saúde do persoal e dos propios clientes, «cuestión prioritaria nestes momentos».

Actualmente, ao abeiro da dita resolución da Xunta só abre os domingos El Corte Inglés, polo que esta empresa está a alentar a xente a que tamén acuda ese día da semana a facer a compra, malia que «o importante é que prevaleza a mensaxe á cidadanía de quedar na casa».

Así mesmo, a norma promove a «competencia desleal entre formatos comerciais», xusto no peor momento para moitas empresas «que xa se encontran en situacións económicas moi delicadas».

Rexeitamos que El Corte Inglés estea a facer negocio á custa do descanso do seu propio persoal, non só abrindo os domingos, senón tamén o pasado 10 de abril (Venres Santo), en que a empresa traballou a porta pechada. Ese persoal non ten nin terá dereito a ese descanso.

O acceso aos bens imprescindibles xa está garantido polo RD no que o Goberno declarou o estado de alarma, ademais da garantía expresada en múltiples comunicados por parte das grandes distribuidoras de alimentación, que indican que o abastecemento de todos os supermercados e hipermercados desta comunidade autónoma, ademais dos do resto do país, está garantido. A que atende a liberdade de horario no comercio no medio dunha crise sanitaria, nun momento que se nos pide racionalizar as compras?

O 99% das empresas teñen menos de 10 persoas traballando e xeran o 92,4% dos postos do traballo. A apertura sen límite beneficia só as grandes empresas e ameza o emprego no resto. A liberdade de horario é unha reivindicación histórica das GRANDES PATRONAIS do comercio.

A apertura de establecementos todos os días vai en contra da recomendación de racionalizar as compras. Tamén somete a máis riscos unha parte fundamental da clase traballadora que, co seu traballo, garante o subministro alimentario nos fogares.

Para as pequenas empresas é un reto imposible competir ante medidas que se aproban só para beneficio duns poucos. Ademais, dificulta poder establecer medidas de conciliación familiar aumentando os riscos psicosociais a que que están expostas estas/es traballadoras/es.

Para saírmos desta crise cómpre, máis ca nunca, apoiar o pequeno comercio, e lexislar pensando na maioría da clase traballadora. A liberdade horaria pon en risco máis de 80.000 empregos. A responsabilidade e o sentido común teñen que aplicarse en todos os ámbitos.

EN PRIMEIRO LUGAR, recorda que tes infodispoñible o Manual de respuesta sindical ante el COVID-19 (en actualización continua). Nese documento podes atopar información sobre as medidas excepcionais pola crise COVID-19 en materia de violencia de xénero.

Desde a Federación de Servizos de CCOO de Galicia valoramos como positiva a medida tomada por Gadis de pechar o Xoves Santo, dándolle así dous días de descanso ao seu persoal, no sentido correcto de salvagardar a saúde das persoas e contribuir á prevención e contención do virus.

Tamén consideramos como moi oportuna a achega dunha gratificación ao seu persoal, como xa fixeron outras marcas, para compensar o sobreesforzo, entrega e xenerosidade amosada por un persoal que leva traballando ao límite desde o inicio desta crise.

Esperamos e desexamos que está medida sexa implantada polo resto de empresas do sector, supermercados e hipermercados, así como que atendan a demanda de non abrir os domingos.

Insistimos na necesidade da derrogación inmediata pola Xunta de Galicia da medida adoptada respecto da Liberdade de horarios de establecementos de primeira necesidade. Debe acometerse a modificación da RESOLUCIÓN do 15 de marzo de 2020, para os establecementos comerciais cuxa apertura se definiu baixo principios de abastecemento esencial, xustamente para definir os seus horarios de apertura baseándose nos devanditos principios e a limitación de permanencia para a contención da emerxencia sanitaria.

“Cuarto. Todos os establecementos comerciais de primeira necesidade exceptuados da suspensión no Acordo do Consello de la Xunta de Galicia do 13 de marzo e neste acordo, e que, polo tanto, poden continuar abertos, terán liberdade horaria para fixaren sen limitacións os horarios dos seus establecementos comerciais”.