Nun plenario extraordinario celebrado onte, os delegados e delegadas da Sección Sindical de Caixabank en Galicia elixiron por maioría á nova Secretaria Xeral. O proceso destacou a unidade interna e o compromiso de seguir defendendo os dereitos das persoas traballadoras.

A nova líder asumirá o reto de fortalecer a organización e enfrontar os desafíos do sector con constancia e determinación.

Recibida a proposta da empresa para a reunión deste martes 28 de maio, na que unicamente se avanzou en materia de horarios, seguen sen atender as reivindicacións económicas demandadas co fin de recuperar o poder adquisitivo perdido. A inmobilidade da dirección impide avanzar para chegar a un acordo que sexa xusto para todo o cadro de persoal de ABANCA.

É necesario que o cadro de persoal manifeste o seu desacordo e lle demostre á dirección que non se nos pode mercar con medidas unilaterais, que lonxe de supoñer melloras reais, intentan xustificar que resolveron as nosas demandas:

• Establecer un Plus do 3% sobre o convenio do 2024 non é recuperar significativamente a perda de poder adquisitivo desde o 2014.
• Subir unilateralmente o SRV de maneira aleatoria segundo o posto, é dividir e enfrontar, non mellorar.
• Fixar unilateralmente unha carreira profesional sen un marco ou regulación, é abrir a porta á dedocracia non á meritocracia.
• Establecer un horario flexible sen voluntariedade, limitación e ningunha compensación para todos, é volver a dividir e enfrontar, non é conciliar nin mellorar o clima laboral.
• As propostas da empresa para ABANCA Conecta non solucionan o problema da unidade.

Probablemente nos presionarán para non participar na convocatoria do 31 de Maio, incluso poden chegar á ameaza para evitar a participación, pero é hora de que saiban que non imos ceder ata conseguir un acordo xusto para un cadro de persoal farto de non poder conciliar e de sufrir unha presión comercial desmedida.

CCOO, como continuación das concentracións de delegadas e delegados levadas a cabo nas oficinas da Coruña e Madrid, apela á unidade de todos/as os compañeiros e compañeiras de ABANCA para que a convocatoria do día 31 de Maio en Galicia sexa un éxito, sen siglas e cunha única petición:

Por último, lamentamos que a data fixada para o 31 de Maio non se nos consultara previamente, para que todo o cadro de persoal de fóra de Galicia tamén poida exercer o seu dereito a participar. Pedir unidade (solicitada por todos e todas os compañeiros e compañeiras) e facer todo o contrario non é serio. Este comunicado enviámolo desde CCOO pero temos claro que non nos pertence, obedece a un sentimento que comparte todo o cadro de persoal.

MELLORAS LABORAIS REAIS!!!   ESIXIMOS Á DIRECCIÓN QUE O MARTES CAMBIE A SÚA POSICIÓN

A declaración, entre UNI Europa – a federación sindical europea de traballadores e traballadoras dos servizos, na que participa activamente CCOO Servicios como afiliada - e os empresarios - as patronais bancarias europeas EBF, EACB, ESBG - é a primeira deste tipo nun sector de actividade da UE. Esta Declaración Conxunta sobre os Aspectos Laborais da Intelixencia Artificial é o inicio dun proceso continuo sobre a IA, e tamén a culminación dunha ampla colaboración e diálogo entre as partes interesadas, tendo en conta os retos e oportunidades dinámicas do sector na introdución de procesos e sistemas que utilizan a IA. Ler máis

Ante o lanzamento de OPA hostil de BBVA sobre o Sabadell, que xera aínda maiores incertezas que o escenario de fusión, CCOO expresamos a nosa profunda preocupación e requirimos a supervisores e reguladores que pasen das palabras aos feitos con medidas "anti-trust" ante unha posible nova onda de concentración do sector. Desde CCOO, ademais, reiteramos a nosa esixencia de plenas garantías laborais e de emprego para o persoal de ambos os bancos. Ler máis

O responsable do sector Financeiro de CCOO-Servizos, Jorge Villarino, coida que esta hipotética fusión é diferente doutras dos últimos quince anos, vinculadas á crise económica do 2008 ou ao impacto da pandemia.

«Estamos a falar dunha operación que se presenta cunha prima de adquisición. Aquí non se trata da adquisición dunha entidade por un euro, como pasou no pasado, senón dunha prima sobre o valor da acción dun 30 % que está a ofrecer a entidade que adquire», salienta o sindicalista.

Se seguir adiante este proceso, vixiaremos «moi de preto» para que a unión entre as entidades non sexa traumática en termos de emprego. Para iso está Comisións Obreiras, sindicato maioritario no Sabadell e cunha posición moi relevante no BBVA.

Tamén subliñamos a necesidade de dar unha «saída xusta» á negociación do convenio colectivo, «acorde cos excelentes resultados do sector», que será a base sobre a que se teña que producir a homologación de condicións de traballo tras unha posible fusión.