Na previa á semana de presentación de resultados do 3er trimestre de 2022, o Secretario Xeal de CCOO Servicios recorda en declaracións á Ser que CCOO ven denunciando de forma reiterada que o modelo de negocio imposto polos Bancos é laboralmente insostible para o persoal:

“El papel de las plantillas en el futuro del sector financiero” (2019)

“Imprescindibles: El principal activo del sector financiero” (2020)

“Imprescindibles: Por un sector laboralmente responsable” (2022)

Nestes Informes propositivos, acompañados dunha campaña sostida de actuacións, CCOO analizou e denunciou:

• Que o axuste neto de persoal en máis de 115.000 persoas desde 2008 sitúa a España como o país da UE onde os persoais do sector financeiro soportan a maior carga de atención.
• Que este proceso, unido ao peche de máis da metade de oficinas e os procesos de dixitalización, ha incrementando de forma exponencial a sobrecarga de traballo: xestión comercial e bancaria, risco xurídico, formación obrigatoria, carga administrativa... concentrado na metade de persoas.
• Que a esta sobrecarga, con constatables consecuencias sobre a saúde, súmanse prolongacións de xornada, obxectivos comerciais inasumibles, presións desmedidas... levando a unha situación límite para persoais tensos, queimadas e desmotivadas. Un modelo laboralmente insustentable que debe cesar de inmediato.
• Que, mentres as cúpulas do sector descoidan e ignoran aos persoais, ademais de negarse a compensar a súa perda de poder adquisitivo por unha inflación imprevista, cóidanse a se mesmos: Entre 2018 e 2021 os beneficios das principais entidades subiron un 34,17% e os soldos de Presidentes e CEOs un 37,77%

Desde esta semana, que a Banca presenta novos beneficios récord, CCOO movilízase para reivindicar outro modelo laboral no que se coide ao persoal, o principal activo do sector: Polo emprego e o poder adquisitivo (“Salario ou Conflito”), as delegadas e delegados de CCOO mobilizámonos o #28O en distintos puntos de España e o #3N na gran manifestación en Madrid.

A Coruña, 16 de novembro de 2021. A Sección Sindical de CCOO-Servizos en Banco Santander celebra hoxe o seu Plenario Extraordinario en Galicia.

O obxectivo do mesmo é a renovación dos seus órganos de dirección e a validación dun plan de traballo enfocado a buscar fórmulas que permitan o mantemento do emprego e das condicións laborais do persoal ante a transformación dixital acelerada por mor da pandemia do Covid-19, transformación que propicia un cambio no modelo comercial e de contacto cos clientes.

Nesta entidade, CCOO é o sindicato maioritario, cunha representatividade en Galicia do 29% dos delegados e delegadas e un 40% de afiliación.

A sección sindical renovada hoxe está integrada polas traballadores e traballadoras afiliadas a CCOO que forman parte do total de 1.289 persoas distribuídas en 163 centros en Galicia.

Como secretaria xeral da sección sindical en Galicia foi elixida Agnes Servier, quen empezou a traballar en Banco Pastor no ano 2005. Presentouse ás primeiras eleccións sindicais na candidatura de CCOO no ano 2019 resultando elixida delegada na provincia de A Coruña.

Actualmente ocupa a Secretaria Xeral da Sección Sindical de Banco Santander en Galicia, posto na que resultou reelixida por unanimidade.

Xunto a ela, foron elixidas membros da Executiva Ana Otero, Ignacio Castro, Manuel A. García e Trini Martínez.

A sección sindical de CCOO no Banco Sabadell denuncia a «teimosía» da dirección da entidade bancaria, que unicamente reduciu en 206 persoas a afectación prevista para o despedimento colectivo. Agora serían 1730 os despedimentos previstos, cifra incompatible coas saídas voluntarias que defende o sindicato.

Ante a gran distancia das posturas, CCOO volveu saír hoxe ás rúas en distintas localidades do Estado. En Galicia houbo unha concentración diante da oficina da rúa Colón, seguida unha manifestación polas rúas próximas.

Desde a Federación de Servizos de CCOO tamén critican que aínda non haxa unha proposta por escrito para valorar se a última proposta da empresa ten encaixe no obxectivo do sindicato de que o ERE sexa de adscrición voluntaria.

A isto, desde o Sabadell comprometéronse a trasladar a proposta por escrito a vindeira semana.

Comisións Obreiras (CCOO) iniciou este xoves as mobilizacións contra o ERE no Banco Sabadell, convocando concentracións en diversas localidades do Estado. En Galicia, a protesta tivo lugar en Santiago de Compostela, entre as 11 e as 12 horas, na oficina que a entidade bancaria ten no número 33 da rúa do Hórreo.

Desde CCOO rexeitan a «inamovible» posición do Sabadell na mesa de negociación do ERE —que afecta a 1936 persoas— e defenden medidas alternativas. «Hai carga de traballo, non sobra persoal nin moito menos», sinala Arturo Cruzado, voceiro do sindicato. Ler máis.

A Federación de Servizos de CCOO de Galicia rexeita o expediente de regulación de emprego (ERE) anunciado polo Banco Sabadell. Malia que a entidade non comunicou polo momento o alcance desta regulación de emprego, o sindicato avanza que «non llo poremos fácil» e manterá unha «firme defensa do emprego», como nas outras reestruturacións que xa houbo no sector nos últimos meses

Desde CCOO denuncian que o volume de despedimentos que pretende realizar a empresa non está xustificado, xa que «é imposible atender a rede coa redución de persoal que se pretende».

O sindicato tamén rexeita que as extincións de emprego sexan forzosas, máis aínda cando se trata dunha empresa con beneficios «e das máis produtivas do país», polo que tampouco ten necesidade de reducir custos.

O último paso dado por Caixabank foi o de «endurecer a súa proposta», tanto pola nova distribución provincial como polos topes para saír entre os 55 e os 52 anos —o que aumentaría a cifra de despedimentos forzosos.

«É un despropósito que, despois de dous meses de negociación, teñamos que vernos obrigados o ultimo día a manter convocada a segunda xornada de folga porque se endureceu a formulación nos excedentes ,cando este é ademais o motivo principal do desacordo», denuncia CCOO.

A Federación de Servizos de CCOO aplaude o seguimento da folga de Caixabank. Este martes pecharon practicamente todas as oficinas da entidade bancaria en Galicia (case o 95%) e case todo o persoal (98%) secundou a xornada de paro.

Desde CCOO cualifican de «lamentable» que, a dúas semanas de rematar a prórroga das negociacións —tempo extra conseguido grazas ás mobilizacións—, a dirección do banco «teime en defender unha postura radicalmente contraria ás nosas liñas vermellas».

Entre outras cuestións, Comisións esixe reducir o número de saídas e que estas sexan voluntarias —e cunhas axeitadas condicións para que así sexa—, que non haxa recortes de carácter laboral e que a homologación salarial entre o persoal procedente de Caixabank e Bankia se produza canto antes.

O acordo cumpre as tres grandes premisas fixadas por CCOO: reducir o número de persoas afectadas (inicialmente, 3798; agora, 2925); que as baixas sexan de adscrición voluntaria e que non haxa cláusula de equilibrio xeneracional,

Estas tres cuestións cumpríronse «grazas á firmeza do sindicato e á mobilización», salienta a Federación de Servizos de CCOO.

O «amplo catálogo» de opcións de saída «ha permitir» que ningunha baixa sexa forzosa. Canto á cláusula de equilibrio, obrigaba a que a metade das saídas fosen de menores de 50 anos. Con este acordo, a saída prevista será dun 72% de maiores de 50 anos e un 28% de menor idade.

No documento anexo pódense consultar as condicións económicas e de mobilidade xeográfica para as persoas que se acollan ao plan de saídas.