A Federación de Servizos de CCOO reúnese cos grupos parlamentarios para tratar a situación do Banco Popular

A Federación de Servizos de CCOO de Galicia está a manter reunións cos distintos grupos parlamentarios galegos para abordar a problemática xurdida por mor da venda do Grupo Banco Popular ao Banco Santander. Hoxe celebráronse reunións cos grupos políticos En Marea e Partido Popular , estando previsto para mañá, día 14, un encontro co PSG.

Nas xuntanzas de hoxe, a delegación de CCOO-Servizos estivo integrada pola secretaria xeral, Lucía Trenor, a responsable da sección sindical do Banco Popular, Carmen Peteiro, e polo responsable do sector financeiro de CCOO, Francisco Villares. Segue

Xosé González, elixido Secretario Xeral no Plenario da Sección Sindical de CCOO Teleperformance Galicia

O pasado martes 6 de xuño tivo lugar o plenario da sección sindical de CCOO Teleperformance Galicia, no que se debateron os plans de traballo para realizar en Galicia, ademais de elixirse os novos órganos de dirección.

Saíu elixido co 100% dos votos tanto o novo secretario xeral, Xosé González Paz, coma a nova executiva, composta por 4 persoas de distintas campañas.

No plenario valoramos o plan de traballo desta sección sindical, e debatemos sobre os problemas máis importantes que afectan ao persoal de Teleperformance, de cara a buscar solucións para cada un deles, temas coma formación, saúde laboral, conciliación ou incentivos.

O 70% do persoal secunda a folga en Contact Center

Concentración polo Convenio Contact Center: a prol do desbloqueo da mesa de negociación

A patronal non acudiu á mesa de convenio do día 17 e desde CCOO parécenos lamentable que coa xornada de folga convocada para o luns 28 de novembro sigan desaproveitando as opcións previas para reconsiderar algunhas das posturas expostas e poder chegar a algún acordo.

Isto non fai máis que reforzar a alternativa da folga, xa que o persoal está farto desa postura inmobilista e despectiva ante as reivindicacións por un convenio xusto. Así, o 28 de novembro #ColgamosLosCascos para que a caída dos servizos das empresas clientes faga reflexionar á patronal.

Hoxe, en Coruña e Vigo celebráronse concentracións reclamando o desbloqueo das negociacións e para facer pública unha vez máis a realidade diaria dun sector precario e empobrecido.

Máis imaxes

Convenio Contact Center: Convocadas novas concentracións e xornada de folga #COLGAMOSLOSCASCOS

Debido ao bloqueo na mesa de negociación por parte da Patronal, CCOO e o resto de sindicatos presentes na mesa de convenio convocamos unha nova xornada de mobilizacións o día 18 - en Galicia en A Coruña e Vigo - e folga 24 h. para o luns 28 de novembro. A patronal  só insiste en manterse nas súas posturas, e mentres adícase a pór pedras até no que lle gañamos nos tribunais, como o non pago dos incentivos en vacacións. Se queren que de novo nos mobilicemos masivamente, que toda a sociedade se faga eco dos seus incumprimentos e que as empresas e os clientes sufran os efectos do seu inmobilismo, iso é o que van conseguir.

Pois o 18 e  28 de novembro volverémoslles a dicir que xa está ben!  #COLGAMOSLOSCASCOS

Contact Center: multitudinaria manifestación por un Convenio Xusto

O seis de outubro estaba convocada unha folga, así como unha manifestación en A Coruña Ã¡s 20:00 a prol dun Convenio xusto para o sector de Contact Center. As rúas enchéronse de traballadoras e traballadores reclamando unhas condicións de traballo dignas. CCOO e UGT cifran entre un 65% e un 75% o seguimento da folga.

A negociación do novo Convenio Sectorial de Contact Center leva atrancada 20 meses a pesar de que desde CCOO se expuxeron multitude de propostas para chegar a un acordo.

Máis imaxes aquí e aquí

Os traballadores e traballadoras de Contact Center presionan á patronal para desbloquear o Convenio

Concentración en A Coruña polo Convenio Colectivo de Contact Center

Enmarcada na convocatoria de concentracións en todo o Estado, hoxe xoves 15 de setembro, manifestámonos na Coruña, a carón do Obelisco por:

• Un salario digno

• Estabilidade e seguridade laboral

• Finalización da precariedade

• Cumprimento da lei

• Limitación das subcontratas

• Desenvolvemento da igualdade e conciliación

Despois de dous anos negociando, a patronal ignora as propostas presentadas. 

Circular