Union Comarcal Vigo - Cambiando Inditex

O traballador incorporarase á mesma empresa, se ben noutro centro de traballo, onde conservará as mesmas condicións laborais que tiña

Suspendida a folga no Lefties do Centro Comercial Gran Vía de Vigo tras lograr o comité a readmisión do despedido

A Federación de Servizos de CCOO de Galicia informa da suspensión da folga prevista para hoxe e mañá no Lefties do Centro Comercial Gran Vía de Vigo, coa que se pretendía lograr a readmisión dun compañeiro. Tras unha «intensa» negociación, os sindicatos CCOO, CIG e UGT conseguiron na tarde do xoves que a empresa readmita o traballador despedido noutra das tendas do grupo (a da rúa Progreso), pero conservando as mesmas condicións laborais. Este acordo determina a desconvocatoria da folga. O vindeiro martes, día 27, haberá unha reunión para pechar os flocos económicos da readmisión.

CCOO, que ten a maioría no comité de empresa, congratúlase polo acordo acadado. O sindicato salienta a unidade de acción sindical, que contribuíu a que este conflito se resolvera positivamente para o traballador afectado. «Neste conflito puxemos en valor a solidariedade das persoas coa situación inxusta que padeceu un compañeiro», insisten desde Comisións.

Antecedentes

CCOO e o resto dos sindicatos afirmaron en todo momento que consideraban «inxusto e arbitrario» o despedimento dun traballador do Lefties de Gran Vía, que tiña a responsabilidade de segundo encargado e contaba, ademais, co apoio dos seus compañeiros e compañeiras.

Como reacción, o comité de empresa xa convocara concentracións os pasados días 12, 13 e 14 para pedir a readmisión. Ao non haber unha resposta «satisfactoria» á reivindicación, decidiuse convocar a folga, agora xa sen efecto grazas ao acordo.

Tras as concentracións dos pasados 12, 13 e 14 de febreiro, intensifícanse as protestas para reverter a decisión empresarial

Folga no Lefties do Centro Comercial Gran Vía de Vigo para esixir a readmisión do compañeiro despedido

Tras as concentracións realizadas os pasados días 12, 13 e 14 de febreiro contra o despedimento de un traballador do Lefties do Centro Comercial Gran Vía de Vigo, e non tendo unha resposta satisfactoria por parte da dirección da empresa, o comité de empresa decidiu convocar unha folga para este centro de traballo os próximos venres 23 e sábado 24.

Para CCOO, trátase dun despedimento «inxusto e arbitrario» para o que se utilizaron argumentos «surrealistas» como que «estivo facendo unha postal de felicitación en tempo de traballo». Este traballador é o segundo encargado e conta co apio dos seus compañeiros e compañeiras, que non entenden os motivos que puideron levar a dirección da empresa a tomar unha decisión «tan drástica e inxusta».

O comité de empresa e o persoal de Lefties, que pertence ao grupo Inditex, instan a empresa que mude a decisión adoptada e readmita o compañeiro despedido.

+ Para máis información:

Jorge Carneiro, da Federación de Servizos de CCOO: 660 106 961

Non aos depedimientos en Inditex!!

CCOO, CIG e UGT, concentrámonos para protestar polo despido inxusto e arbitrario dun compañeiro de Lefties Gran Vía, que sempre se preocupou, dende o seu posto na tenda, polo benestar da personal e de que o clima laboral fora o perfecto para desempeñar o traballo que temos encomendado.

O despido foi argumentado con situacións incertas e tan surrealistas como que en tempo de traballo estivo facendo unha postal de felicitación.

Non podemos permitir que unha multinacional como Inditex realice este tipo de despedimentos, que o único que buscan é amedrentar á

personal. Exisímoslle á empresa que mude a decisión adoptada.

Tod@s os seus compañeir@s o apoiamos e por iso estamos aquí.

Os días 12, 13 e 14, de 11:30 a 13:30 concentración diante do Centro Comercial Gran Vía (Vigo)

¡¡¡BRAULIO READMISIÓN!!!

Precariedade e cambio tecnolóxico: dous retos para a recén constituída Agrupación de Servizos Técnicos e Administrativos

O II Congreso da Federación de Servicios de CCOO determinou nos seus relatorios e Estatutos que o Consello Federal aprobaría durante o presente mandato a integración de Servizos Administrativos e Servizos Técnicos. Cabe salientar que a nova agrupación recolle os sectores de: Servizos Administrativos, Seguros e Mutuas de Accidentes de Traballo, Planificación e Consultorías (TIC), Contact Center, Enxeñerías e Inspección Técnica e Intermediación Laboral.

Esta nova estrutura presenta aínda máis diversidade tendo en conta os distintos sectores que recolle a nova agrupación, ademais de retos organizativos e de acción sindical máis amplos, tales como combatir a precariedade e dotarse de novas ferramentas ante o cambio tecnolóxico e a dixitalización no traballo.

A celebración deste Plenario de integración supón unha continuidade do proceso iniciado en 2014, así como unha importante ampliación do seu ámbito funcional e sectorial que dá lugar a unha nova realidade organizativa que require novos órganos de dirección. Neste caso, unha vez realizadas as votacións queda elixido como responsable da coordinadora da agrupación Héctor Ortega Sánchez.

O presente plenario debe servir para integrar, ilusionar, comprometer e construír un sector que integrará unha ampla gama de subsectores, con heteroxeneidade nas súas características e maior variedade dos seus modelos de negociación colectiva.